رومیان 2:9 - کتاب مقدس به زبان لکی - گویش مرکزی

⁹ هر کی گَنی بِهِه، جُور ئو عذاوَ ماوتیَ نَصُی. اول‌بار یهود ئو اَسَه یونانی.

رومیان 2:9 Iomraidhean Croise

مَتّی 16:26

اَرِه اِنسو چه فادَه گه کُل دنیا بیَری، مِنتائای گیو ووژ اِربِنی‌؟ اِنسو اِجال گیو ووژ چَه مَتونی بِ؟

لوقا 24:47

ئو وَه نُم او، توئَه ئو بشخِش گنائَل اِلومَ ماو اَر کُل ملتَل ئو بِنیا اژ اورشلیمِ.

کارَل رسولَل 11:18

اونَل وخدی ایی قصَه‌لونَ شنَفت، دیَر کِشو نَهَرد ئو خدائو پِرَسی، وِتو: «اِراسی خدا مِجال توئِه‌ی گه ژییاینَ موئَشخی داسیَ خِرِیهودیَل‌یش!»

کارَل رسولَل 13:26

«اِاِ بِرال، اِاِ آیلَل ابراهیم، ئو اِاِ خِرِیهودیَل خداترسی گه هاینون اَر ایرَه! ایی پِغوم نجادَ اَرِه ایمَه کِل بیَ.

کارَل رسولَل 20:21

هَمیش وَه یهودیَل ئو یونانیَل ئو هَردِک، شاتیِم داءَ گه باس وَه توئَه گِلابیرِن ویرِ خدا ئو ایمو بارِن اَر خداون ایمَه عیسی مسیح.

کارَل رسولَل 26:20

بلکِم اول‌بار وَه اونَلی گه اِنوم دمشق بین، اَسَه اِنوم شیَر اورشلیم ئو سِرُسَر هیال یهودیَه، ئو هَمیش اِنوم خِرِیهودیَل، اِلومِم کِرد گه باس توئَه بِهَن ئو گِلارِن ویرِ خدا ئو کارَلی بِهَن گه دیار بو توئه‌ئو کِردیَ.

کارَل رسولَل 28:17

دُما سه روژ، پولُس کَلِنگَل یهود دَنگ کِردی. وخدی جیَم بین، وِتی‌ئونو: «اِاِ بِرال، وَه‌یاآگه مِه کارمی اَرضد قوم ووژِم یاگَه اَرضد رسمِ‌رِسیم باوَه‌لمو نَهَردوئی، مِنون اِ شیَر اورشلیم گِرت ئو دائونَ دس رومیَلا.

کارَل رسولَل 28:28

«اِسَه بِذانِن گه نجاد خدا کِل‌بیَس اَرِه خِرِیهودیَل ئو اونَل گوشَ مَگِرِن!»

کارَل رسولَل 3:26

وخدی گه خدا خادم ووژ دیاری کِردی، اول‌بار او کِل‌کِردی اِرَه تک هُمَه تاگَه بِرَکتتو دِ، وَه یَگه هر کُم اژ هُمَل اژ رئیَل شرتو گِلادِ.»

رومیان 1:16

اَرِیَگه مِن اژ انجیل عارِم نِمای، اَرِیَگه قویَت خداءَ اَرِه نجاد هر کی گه ایمو باری، اول‌بار یهود ئو دُماخِرِ یونانی.

رومیان 10:12

اَرِیَگه فرخی اِ بِن یهودی ئو یونانی نیَ، اَرِیَگه هَراَ خداونَ، خداون کُلَ ئو چَل‌چَل بِرَکتَ مِئَه کُل کسَلی گه هِنا مَهَنی‌اِر.

رومیان 2:10

مِنتائای هر کی خوئی بِهِه جِلال ئو عزّت ئو سِتارَ ماوتیَ نَصُی، اول‌بار یهود ئو اَسَه یونانی.

رومیان 8:35

کیَ گه ایمَه اژ مِحبت مسیح جیاآ کِ؟ مِصیوَت یاگَه سخدی یا آزار یا قیَطی یا لُتی یا خطر یاگَه شِمشیر؟

رومیان 9:24

جُ‌جُ ایمَه گه دَوَت کِردیمَسی، اژ اونَلیم، نه فَخَد اژ یهودیَل، بلکِم اژ خِرِیهودیَل‌یش.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

کولُسیَل 3:11

ئو اِنوم ایی اِنسو نووءَ، دیَر یونانی ئو یهودی، ختینَه‌کَریا ئو نَکَریا، بَربَر، سَکایی، خُلُم ئو آزاد میَنا نِری، بلکِم مسیح کُل چیَ ئو ها اِنوم کُل.

دوئِم تِسالونیکیَل 1:6

اَرِیَگه اِراسی خدا یَه عادلونَه مَذانی گه تِلافَتی کسَلی گه سزاتونَ میَن وَه سزا بِ‌آ.

اول پطرس 4:17

اَرِیَگه وخد اَوَه رَسیَ گه بِنیا داوری، اژ مال خدا بِنِری؛ ئو اَرّ بِنیا اَوَه اژ ایمَه مَنِری، اِسَه عاقویَت اونَلی گه اژ انجیل خدا اطاعت نِمَهَن، چَه ماو؟