رومیان 2:5 - کتاب مقدس به زبان لکی - گویش مرکزی

⁵ مِنتائای تو وَه خاطر یَگه اِژیر نِمَچین ئو یَگه دلِت نِمِیتی توئَه بِهِین، خَضو اَرِه ووژِت، اَرِه روژ خَضو اَمارَ مِهِین، اَ روژَ گه داوری عادلونَه خدا اِنوم آشگارا ماوتی.

رومیان 2:5 Iomraidhean Croise

رومیان 1:18

اَرِیَگه خَضو خدا اژ آسمونَ ما اَرضد کُلِ جور بی‌دینی ئو ناراسی مردِمی گه وَه ناراسیو نوا حخیختَ مَگِرِن.

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

رومیان 9:22

چَه ماو اَرّ خدا وَه‌یاآگه مِیتی خَضو ووژ نِشو دِ ئو قدِرت ووژ بشتاسِنی، حاجَتَل خَضو گه اَرِه نابودی حاضر بوئین، وَه صبِر فِرِه تیَمِل کِ،

دوئِم قُرَنتیان 5:10

اَرِیَگه کُل ایمَه باس اِبِرُوَر تخت داوری مسیح بوسیم، تاگَه هر کس، مِطابق اَ چیئَه گه اِ لار ووژ اَنجوم داسی، چه خو چه گَن، باریَ دس.

دوئِم تِسالونیکیَل 1:5

یوئنَ کُل نشونَه داوری عادلونَه خداءَ، ئو ثمر یَسیَ گه هُمَه لائق اَ پاتِشائی خداءَ بوئینو گه دیرینو اَرِه اَویشَ عذاوَ مَکیشینو.

عِبرانیَل 3:13

بلکِم کُلِ روژی، تا اَ زمونی گه هَنی موشِنی‌ئون ’ایمِرو‘، پَن یَکتِری دَن تا کسی اَژینتو وَه خاطر فن گنا، دلَ بَرد ناوتی.

عِبرانیَل 3:15

هُنَ گه اِنوم کِتاو زبور داوود وِتیِ: «ایمِرو، اَرّ دَنگ اوءَ مَشتوئینو، دلَلتونَ بَرد نَهَن، هَراَ جورَ گه اِ اَ کورفِربونیَ.»

عِبرانیَل 4:7

خدا اِدوارَه روژ مصقوصی مَیِّنَ مِهِه، یانی ’ایمِرو‘ ئو دُما مِدت فِرِه، اِنوم کِتاو زبور اژ زوئو داوود پِخَمَر، وَه ایی کِلمه‌لَ وِتیِ: «ایمِرو، اَرّ دَنگ اوءَ مَشتوئینو، دلَلتونَ بَرد نَهَن.»

یعقوب 5:3

طِلا ئو نُخِرَه‌تو ژَنگ داسی ئو ژَنگ دائِنو ماوَ مدرکی اَرضد هُمَه ئو اِجور آگِر گوشد لارتونَ میری. هُمَه اَرِه روژَل آخِر هُنَ ثرودتونی جیَم کِردیَ.

دوئِم پطرس 2:9

اِسَه خداونَ مَذانی چطور آم دیندار اژ اِنتحونَل نجاد بِ ئو آمی گه صالح نیَ بِیلی اَرِه مِکافات روژ داوری،

دوئِم پطرس 3:7

مِنتائای وَه‌سونگَ هَراَ کلومَ، آسمونَل ئو زمینی گه اِسگَه هَسی اَرِه آگِر نیریانَسِ لا ئو تا روژ داوری ئو نابودی بی‌دینَل حفظَ موئن.

یهودا 1:6

ئو فریشدَه‌لی‌شی گه نوسیان اَرسر مقوم قدِرت‌واختیار ووژو، بلکِم جالیز دُریس ووژو هُیشتونِ جا چِن، اِ زنجیرَل ابدی هُیشتیَسیِ تیَریکی شوءَزنگی تا موقَع داوری اِ اَ روژ کَلِنگَ.

مِکاشفَه 2:21

مِجالِم دائون تاگَه توئَه بِهِه مِنتائای او نِمَچوءِ ژیر یَگه اژ بی‌عصمتی ووژ توئَه بِهِه.

مِکاشفَه 6:17

اَرِیَگه روژ کَلِنگ خَضو اونَل رَسیَ ئو کیَ مَتونی طاخَت باری؟»