رومیان 2:3 - کتاب مقدس به زبان لکی - گویش مرکزی

³ ایلَهَه تو گه اَر کسَلی‌تِر حکمَ مِهِین ئو ووژِت هَراَ کارِلَ اَنجومَ مِین، مَر گُمونَ مِهِین گه اژ داوری خدا مَچین‌اِر؟

رومیان 2:3 Iomraidhean Croise

مَتّی 23:33

اِاِ مارَل! اِاِ حَفی‌زائَل! چطور اژ مِکافات جیَنِمَ مِحواینو؟

مَتّی 26:53

یانی گُمونَ مِهِین نِمَتونِم هَراِسگَه اژ باوَه ووژِم بِم گه ویشتِر اژ دوازَه لشکر فریشدَه‌مَ اَرِه یاری کِل‌کِ؟

لوقا 12:14

عیسی جوواوا داتی: «اِاِ پیا، کی مِه کِردیَسیَ قاضی یا بیَراکَر میرات اِنوم هُمَه؟»

لوقا 22:58

گِری‌تِر، یَکی‌تِر او دیتی ئو وِتی: «تونیش یَکی اژ اونَلین.» مِنتائای پطرس جوواوا داتی: «اِاِ پیا، مِن اژ اونَل نیِم.»

لوقا 22:60

مِنتائای پطرس وِتی: «اِاِ پیا، نِمَذانِم چَه موشین.» جاوارجا هَرهُنَ گه داشدی قصَه مَهَردی کِلَه‌شیر کَتِ بال.

رومیان 1:32

وَه‌یاآگه اژ حکِم عادلونَه خدا خَوَر دیرِن گه مِجازات کسَلی گه هُنَ کارَلی مَهَن مرگَ، نه فَخَد ووژو یوئنَ اَنجومَ میَن، بلکِم کسَلی‌شی گه ایی کارِلَ مَهَن، تأییدَ مَهَن.

رومیان 2:1

ایلَهَه تو اِاِ کسی گه اَر یَکی‌تِر حکمَ مِهِین، هر کی گه هِین هُیچ دَسپیچی نِرین. اَرِیَگه وَه اَ چیئَه گه اَر یَکی‌تِر حکمَ مِهِین، اَر ووژِت حکمَ مِهِین؛ اَرِیَگه تو اِاِ داور، ووژِت هَراَ کارِلَ مِهِین.

رومیان 2:2

ایمَه مَذانیم داوری خدا اَر کسَلی گه هُنَ کارَلی اَنجومَ میَن، حخَ.

رومیان 9:20

مِنتائای اِاِ اِنسو، تو کیئین گه دَمَرَگَ گَرد خدا بِهِین؟ «آیا مخلوقَ مَتونی بوشیَ خالق ووژ، گه اَرّا مِنِت هُنَ خَلک کِردیَ؟»

اول تِسالونیکیَل 5:3

اَ موقَع گه مردِمَ موشِن: «صُئل ئو امنیت هَس»، اَسَه نابودی ناهَلمونَ ماءَ سرو، هَرهُنَ گه ژُنَ ماءَ سر ژَنی گه لَم پِرَسی، ئو نِمَتونِن اَژی بِحوانی.

عِبرانیَل 12:25

حُواستو بو گه رُیتون اژ او گه قصَه مِهِه اِرنَپِلِنینو. اَرِیَگه اونَلی گه رُیون اژ اَوَه گه اَررُی زَمی هُشتار دائونو، اِرپِلو، رئی حِواینو نَهَردَ دی، اِسَه ایمَه چه رئی‌ای اَرِه حِواین دیریم اَرّ رُیمون اژ اَوَه گه اژ آسمو هُشتارَ مِ‌ئونمو اِربِپِلِنیم؟

عِبرانیَل 2:3

اِسَه اَرّ ایمَه هُنَ نجاد کَلِنگی وَه نِئیَ بِگِریم چطور اژ مِجازات بِحوایمی؟ خداون عیسی اژ اَ اولَ ایی نجادَ اِلوم کِردی، اَسَه وَه‌سونگَ کسَلی گه اژ اوُ شنَفت ثابت بی اَرینمو،