رومیان 2:1 - کتاب مقدس به زبان لکی - گویش مرکزی

¹ ایلَهَه تو اِاِ کسی گه اَر یَکی‌تِر حکمَ مِهِین، هر کی گه هِین هُیچ دَسپیچی نِرین. اَرِیَگه وَه اَ چیئَه گه اَر یَکی‌تِر حکمَ مِهِین، اَر ووژِت حکمَ مِهِین؛ اَرِیَگه تو اِاِ داور، ووژِت هَراَ کارِلَ مِهِین.

رومیان 2:1 Iomraidhean Croise

لوقا 12:14

عیسی جوواوا داتی: «اِاِ پیا، کی مِه کِردیَسیَ قاضی یا بیَراکَر میرات اِنوم هُمَه؟»

لوقا 19:22

آقای وِتون: ”اِاِ خُلُم شرَبارَ، وَه قصَه‌ل ووژِت حُکِمتَ مَهَم اَری. تو گه مَذِناسدِت پیا سخدگیری کِم، اژ اَ چیئَه گه نَنیامَ هیزَمیَم ئو اژ اَ چیئَه گه کِشتِم نَهَردیَ دروءَ مَهَم،

لوقا 6:37

«قضاوت نَهَن ئو قضاوت نِماو اَرینتو. مَکوم نَهَن ئو مَکوم نِموئینو. بوئَشخِنِن تا بَشخیا بوئینو.

رومیان 14:22

ایمونِت اِبارَه ایی چیئِلَ بِیل اَرتَک ووژت ئو خدا. خَوزگالَ کسی گه ووژَ خاطر اَ چیئَه گه تاییدَ مِهِه، قضاوت نِهِه.

رومیان 2:2

ایمَه مَذانیم داوری خدا اَر کسَلی گه هُنَ کارَلی اَنجومَ میَن، حخَ.

رومیان 2:3

ایلَهَه تو گه اَر کسَلی‌تِر حکمَ مِهِین ئو ووژِت هَراَ کارِلَ اَنجومَ مِین، مَر گُمونَ مِهِین گه اژ داوری خدا مَچین‌اِر؟

رومیان 3:9

اِسَه چَه باس بوشیم؟ آیا وضِ‌حال ایمَه یهودیَل بیتِرَ؟ اصِلا! اَرِیَگه وِرِکار ادعامو کِرد گه یهود ئو یونانی هَردِک هانِ ژیر گنااِر.

رومیان 9:20

مِنتائای اِاِ اِنسو، تو کیئین گه دَمَرَگَ گَرد خدا بِهِین؟ «آیا مخلوقَ مَتونی بوشیَ خالق ووژ، گه اَرّا مِنِت هُنَ خَلک کِردیَ؟»

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

اول قرنتیان 7:16

اَرِیَگه اِاِ ژَن، اژ کوءَ مَذانین گه باعث نجاد میردَه‌ت نِموئین؟ ئو اِاِ پیا، اژ کوءَ مَذانین گه ژَنِت نجاد نِمِین؟

یعقوب 2:20

اِاِ آمِ نایو، یانی میا بِذانین گه اَرِه چَه ایمونی گه عمل ناآشدوئیتی، ثمری نِری؟

یعقوب 4:11

اِاِ بِرال، اژ گَنی یَکتِری نوشِن. کسی گه اژ گَنی بِرا ووژ بوشی یاگَه اَر او قضاوت بِهِه، اَرضد شریعت گَن وِتیَسی ئو اَر شریعت قضاوت کِردیَسی. مِنتائای اَرّ هُمَه اَر شریعت قضاوت بِهِینو، دیَر اَوَه نیئینو گه شریعتَ ماریَ جا، بلکِم قاضی اَوینونَ!