رومیان 15:3 - کتاب مقدس به زبان لکی - گویش مرکزی

³ اَرِیَگه مسیح‌یش وَه دُم خَوشی ووژا نوئی، هَرهُنَ گه اِنوم کِتاو زبور داوود نُیسیاءَ: «مذمت مذمت‌کَرَل تو، کَت اَررُی مِه.»

رومیان 15:3 Iomraidhean Croise

مَتّی 10:25

اَرِه شاگرد هَر یَه بسَ گه بو اِجور استاد ووژ ئو اَرِه خُلُم‌یش هَر یَه بسَ گه بو اِجور اَرباو ووژ. اَرّ کَلِنگ مال وَه بِعِلزِبول یانی شِطو هِنا کَن، چَنی ویشتِر وَه باقی اَل اَ مالَ گَنَ موشِن؟

مَتّی 26:39

اَسَه قِیلی چیِ نواتِر ئو وَه رُیا کَت اَر خاک ئو دوعا کِردی: «اِاِ باوَه‌م، اَرّ ماو ایی جُمَ اژ مِه باوژِ لا، مِنتائای نه اَ چیئَه گه مِنَ مِم، بلکِم اَ چیئَه گه تونَ مِت، بو.»

مَتّی 26:42

اَسَه عیسی یِگِلی‌تِر چی ئو دوعا کِردی: «اِاِ باوَه‌م، اَرّ نِماو ایی جُمَ بی‌یَگه خُرّ دَمی اژ مِه بِکُوءِ لا، اِسَه اَ چیئَه گه تونَ مِت، بو.»

مَتّی 27:44

اَ دو مِلَه‌بگیرَ گه وَه‌گَرد او کیشیائین اَر صلیب، هِرَ ایی جورَ دُشمینونَ مائون.

یوحنا 15:10

اَرّ حکمَل مِه بارینونَ جا، مَمینینون اِنوم مِحبت مِنا؛ هَرهُنَ گه مِه حکمَل باوَه ووژِم آوِردِمَس‌ جا ئو مَمینِم اِنوم مِحبت او.

یوحنا 15:24

اَرّ اِنوم اونَل کارَلمی نَهَردوئی گه بِخِر اژ مِه هُیچ‌کس نَهَردیِ، گنائونی ناآشد؛ مِنتائای اِسگَه، وَه‌یاآگه اَ کارَلونَ دیَ، هم اژ مِه ئو هم اژ باوَه‌م بیزار بینَ.

یوحنا 4:34

عیسی وِتیَ بینو: «خوراک مِه یَسَ گه خواس اَوَه گه مِه کِل‌کِردیَسی، اَنجوم دَم، ئو کار او وَه سرانجوم برَسِنِم.

یوحنا 5:30

مِه اژ وَر ووژِم نِمَتونِم کاری بِهَم، بلکِم مِطابق اَ چیئَه گه مَشتوئِم داوریَ مَهَم ئو داوری مِه اژ رُی عدلَ، اَرِیَگه وَه دُم خواس ووژما نیِم بلکِم هامَ دُم خواس اَوَه گه مِه کِل‌کِردیَسی.

یوحنا 6:38

اَرِیَگه اژ آسمو نِهاتِمَسَ هُار تا اَ چیئَه گه دلمَ مِیتی اَنجوم دَم، بلکِم هاتِمَ تاگَه خواس اَوَه گه مِه کِل‌کِردیَسی اَنجوم دَم.

یوحنا 8:29

ئو اَوَه گه مِه کِل‌کِردیَسی، ها گَردِم. او مِه تَنیا نِئیشتیَسی، اَرِیَگه مِه هَراَ چیئَه گه او خَوشالا مِهِه اَنجومَ میَم.»

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

فیلیپیَل 2:5

هَراَ فگِرتونَ داشدوئی گه مسیحْ عیسی داشدی.

فیلیپیَل 2:8

ئو هَر یَگه بیَ شکِل اِنسونی، ووژ فِروتنا کِردی ئو تا مِردِن جُ‌جُ مِردِن اَر رُی صلیب فِربوبَر بی.