رومیان 12:3 - کتاب مقدس به زبان لکی - گویش مرکزی

³ اَرِیَگه وَه‌سونگَ فیضی گه بیَسَ نَصُی مِه، موشِمَ هر کُم اژ هُمَه گه ووژتو ویشتِر اژ اَ چیئَه گِ باس، نَذانِن، بلکِم هر کُم چَن ایمونی گه خدا بَشخیَسی‌ئونتو، وَه قضاوت دُریس فگِر بِهَن.

رومیان 12:3 Iomraidhean Croise

لوقا 18:11

فَریسیِهَه هوسیا ئو وَه لا ووژا هُنَ دوعا کِردی: ”اِاِ خدا، شگِرتَ مَهَم گه اِجور کسَلی‌تِر، دُز ئو ظالم ئو زِنهاکار نیِم، ئو اِجور ایی خِراجگیریشَ نیِم.

یوحنا 3:34

اَرِیَگه اَ کسَ گه خدا کِل‌کِردیَ، کلوم خداءَ موشی، اَرِیَگه خدا روحِ ووژ بی‌حدَ موئَشخِنِتیَ بی.

رومیان 1:5

خدا وَه‌سونگَ مسیح فیض دائونمو تاگَه رسولَل او بوئیمو ئو کُل ملتَل باریمَ اطاعتی گه اژ ایمونَ.

رومیان 11:20

راسَ موشین. مِنتائای اونِلَ خاطر بی‌ایمونی بِریان ئو تو وَه ایمونَ گه پایارین. اِسَه قُراتی نِهَه بلکِم زِلَت بِچو.

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

رومیان 12:16

وَه‌گَرد یَکتِری بسازِن! قُرات نوئن، بلکِم وَه‌گَرد آمَل ضِیف ئو سادَه هاتِن‌چیئینتو داشدوئی. هرگِس ووژتونَ دونا نَذانِن.

اول قرنتیان 15:10

مِنتائای وَه فیض خدا، مِه یَئمَ گه اِسگَه هم، ئو فیض او اَرِنِم بی‌ثمر نوئیَ. برعسک، مِه سخدتِر اژ کُل اونَل کارِم کِرد، وَه‌یاآگه مِه ووژِم نوئیم، بلکِم اَ فیض خدا بیَ گه وَه‌گَردِم بی.

اول قرنتیان 3:10

مِطابق فیضی گه خدا داسیَ مِه، اِجور مِمار سررشتَه‌داری بِناوَه ساخدِمونِم آوشدیَ ئو یَکی‌تِر اَررُی ایی بِناوَه، ساخدِمونَ ماوژی. مِنتائای هر کی باس حُواس بوتی گه چطورَ ماوژی.

اول قرنتیان 7:17

فَخَد بِیلِن هر کی اَجورَ زِنِه‌ی بِهِه گه خداون اَرِه او آوشدیَسیَ کِل چیَم ئو خدا اَرِه اَوَه او دَوَت کِردیَسی. یَه حکِم مِنَ اِنوم کُل کلیسائَل.

دوئِم قُرَنتیان 10:13

مِنتائای ایمَه ویشتِر اژ حد وَه ووژمو نِمَنازیم، بلکِم مِطابق حدّی گه خدا اَرِنمو مَیِّن کِردیِ وَه ووژمونَ مَنازیم ئو یَه جُ‌جُ هُمِه‌یش مَگِری‌اِرا.

دوئِم قُرَنتیان 12:13

اَرِیَگه اِ کو رفدار مِنَ گَرد هُمَه گَنتِر اژ رفدارِم وَه‌گَرد باقی کلیسائَل بی، بِخِر اژ یَگه بارمی نَنیا اَر کول هُمَه؟ ایی بی‌انصافی مِنَ بوئَشخِن!

دوئِم قُرَنتیان 12:7

اِسَه اَرِیَگه وَه خاطر کَلِنگی بی‌حدِحساو مِکاشفَه‌ل قُراتا نوئم، دِرِکی اِنوم جسمو داءَ مِه، قاصی‌ای اژ جونِم شِطو تاگَه عذاوِم بِ، ئو نِیلی قُراتا بوئم.

غَلاطیَل 6:3

اَرِیَگه اَرّ یَکی ووژَ کسی بِذانی گه نیَ، ووژ فنَ مِ.

اَفِسُسیَل 3:2

حکماً اِبارَه نظارت فیض خدا گه اَرِه خِلمت اَر هُمَه بَشخیاسَ مِه، شنَفتِتونَ.

اَفِسُسیَل 3:4

ئو وخدی یَه بحیوَنینو مَتونینو درک مِه اژ راز مسیح بِفیَمینو،

اَفِسُسیَل 4:16

او سِرآو رشد کُل لارَ، لاری گه وَه‌سونگَ کُل مَفصِلَل ووژ، وَه یَکتِری پِوَنَ میری ئو مَنِری اَر قِ یَکا ئو وَه خاطر کار هر عضو رشدَ مِهِه ئو ووژ اِنوم مِحبت بِناءَ مِهِه.

فیلیپیَل 2:13

اَرِیَگه یَه خداءَ گه هم اِ خواس هم اِ عمل، اَرِه خَوشالی ووژ اِنوم هُمَه کارَ مِهِه.

کولُسیَل 1:29

اَژونَسَ مِه جُورَ مَکیشِم ئو وَه‌سونگَ او گه وَه قدِرت اِنوم مِه کارَ مِهِه، وَه تموم قویَتِم تقِلاءَ مَهَم.

کولُسیَل 2:13

ئو خدا هُمَه گه اِ گنائَل ئو جسم ختینَه‌نکَریاتو مِردوئینو، وَه‌گَرد مسیح زِنیا کِردی. او کُل گنائَل ایمَه بَشخیتی

اول تیموتائوس 1:14

ئو فیض خداونمونَ گَرد ایمون ئو مِحبتی گه ها نوم مسیحْ عیسی‌اِر، چَل‌چَل رِشیا اَر سر مِن‌اِرا.

اول تیموتائوس 2:15

مِنتائای ژَن اَرّ سنگین بوسی اَر سر ایمون ئو مِحبت ئو مقدّس‌بیئین ووژ، وَه آویل آوِردِن نجادَ مَگِری.

اول تیموتائوس 2:9

هَمیش مِم گه ژِنَل وَه جِنِکَلی گه لائقونَ ووژون ‌اِربِرازِنِن، سنگین‌رنگین ئو نجیم، نه وَه گیسَل آچِنیا، یا طِلا ئو مِرواری، یا کِراسَل گِرو خیمت،

تیتوس 2:12

ئو یامونَ مِ بی‌دینی ئو هُواوهوس ایی دنیاءَ بنیمِ لا ئو وَه نوا ووژ گِرتِن ئو صالح‌بیئین ئو دینداری اِ ایی زمونَه زِنِه‌ی بِهِیم.

تیتوس 2:2

ریش‌اَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.

تیتوس 2:4

تاگَه بتونِن یاء ژِنَل جِهال دَن گه میردَه‌‌دوس ئو آویل‌دوس بوئن.

تیتوس 2:6

هَمیش پیال جِهال تشویق کَ تاگَه نوا ووژو بِگِرِن.

یعقوب 4:6

مِنتائای فیضی گه خدا موئَشخیَ بینتو، ویشتِر اژ یَسَ. اِسَه اِنوم امثال سلیمانَ موشی: «خدا موسی اَر نوا آمَلی گه وَه ووژونَ مَنازِن، مِنتائای وَه آمَل فِروتن، فیضَ موئَشخی.»

اول پطرس 1:13

اِسَه فگِرَلتو اَرِه عمل آمادَه بِهَن، هوشیار بوئن ئو امیدتو کامل اَر فیضی بو گه موقَع ظاهربیئِن عیسی مسیح ماوَ نَصُیتو.

اول پطرس 4:11

هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 5:5

هُمِه‌یش اِاِ جِهالَل، فِربوبَر شیخَل بوئن. کُلتو اِ رفدارتو وَه‌گَرد یَکتِری جِنِک تاواضی بِهَنِ وَر، اَرِیَگه، «خدا موسی اَر نوا کسَلی گه قُراتِن، مِنتائای فیضَ موئَشخیَ کسَلی گه فِروتنِن.»

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

سِئِم یوحنا 1:9

چیمی نُیسونیَ اَرِه کلیسا، مِنتائای دیوتْرِفیس گه دوس دیری ووژ هِرِ اول بو، نِمَچوءِ گِرد قدِرت‌واختیار ایمَه.