رومیان 11:2 - کتاب مقدس به زبان لکی - گویش مرکزی

² خدا قوم ووژ گه وِرِکار شناسیتی، رد نَهَردیَسی. مَر نِمَذانینو نُسَخ مقدّس اِبارَه ایلیا پِخَمَر چَه موشی؟ یَگه چطور اژ دس قوم اسرائیل اَرتَک خدا گِلِی کِردی ئو وِتی:

رومیان 11:2 Iomraidhean Croise

مَرقُس 12:26

مِنتائای اِبارَه زِنیابیئِن مِردیَل، مَر اِنوم تورات موسی نَحیوَنِتونَ گه اِنوم پاچا بوتِک آگِر، چطور خدا وِتَ بی: ”مِنِم خداءِ ابراهیم ئو خداءِ اسحاق ئو خداءِ یعقوب“؟

لوقا 4:1

عیسی پِر اژ روح‌القدس، اژ روو اُردن گِلاهُاردی، ئو وَه هدائَت روحِ خدا چی اَرِه نوم بیاوو.

یوحنا 4:11

ژِنَهَه وِتَ بی: «آقا، دَلم نِرین ئو چائیش قویلَ، اِسَه آو زِنی اژ کوءَ مارین؟

کارَل رسولَل 13:48

وخدی خِرِیهودیَل یِئونَ شنَفت، خَوشالا بین ئو کلوم خداونو پِرَسی؛ ئو اونَلی گه اَرِه ژییاین ابدی مَیِّن بوئین، ایمونو آوِرد.

کارَل رسولَل 15:18

ایی چیئِلَ اژ قدیم آشگارا کِردیَسی.“

کارَل رسولَل 3:17

«ئو اِسگَه اِاِ بِرال، مَذانِم گه کار هُمَه چُی کَلِنگَلتو اژ نایونی بیَ.

کارَل رسولَل 7:40

اونَل وِتونَ هارون: ”اَرِه ایمَه خدالی دُریس کَ گه اِ نوا ایمَه بِچِنَ رئیا، اَرِیَگه نِمَذانیم چَه هاتیَس اَر سر ایی موسای گه ایمَل اژ وِلات مصر آوِردیَ دِریر!“

رومیان 6:16

مَر نِمَذانینو اَرّ ووژتو هَر اِجور خُلُمَل فِربوبَری تسِلیم کسی بِهِینو، موئینونَ خُلُمَل اَ کسَ گه فِربون اَژینَ میَرینونی، چه خُلُم گنا، گه آخِری مرگَ، چه خُلُم اطاعت، گه آخِری صالح‌بیئینَ؟

رومیان 9:23

تاگَه جِلال بی‌حدِحساو ووژ بشتاسِنی اَر حاجَتَل ریَمَتی گه وِرِکار اَرِه جِلال حاضر کِردِنِ؟

رومیان 9:6

مِنتائای مصقود یَه نیَ گه کلوم خدا وَه اَنجوم نَرَسیَ. اَرِیَگه کُل کسَلی گه اژ قوم اسرائیلِن، اِراسی اسرائیلی نیِن؛

اول قرنتیان 6:2

مَر نِمَذانینو گه ایمودارَل مسیح، دنیا قضاوتَ مَهَن؟ اِسَه گه هُمَه مِ دنیا قضاوت کِینو، چطور نِمَتونینو اِبارَه چیئَل گُجَر قضاوت کِینو؟

اول قرنتیان 8:3

مِنتائای اَ کسَ گه خدا دوس دیری، وَه‌سونگَ خدا شناسیا ماو.

فیلیپیَل 1:22

اَرّ باس اِنوم لار زِنِه‌ی بِهَم، یَه اَرِه مِه کاری کَ گه ثمر دیری. وَه ایی حالا نِمَذانِم کُمینو اِنتخاو بِهَم.

عِبرانیَل 1:1

قدیم، خدا چَن گِل ئو اژ رئیَل جوراجور وَه‌سونگَ پِخَمَرَل قصَئَه گَرد باوَه‌جدَلمو کِردی،

اول پطرس 1:2

اونَلی گه مِطابق اَ چیئَه گه خداءِ باوَه وِرِکار مَذِناسدی، وَه‌سونگَ کار تقدیس‌کَر روحِ خدا، ئو اَرِه اطاعت اژ عیسی مسیح ئو پِشکونِن خوین او اَر اونَل، دیاری بینَ: فیض‌وسِلامتی چَل‌چَل اَر هُمَه بو.