رومیان 1:8 - کتاب مقدس به زبان لکی - گویش مرکزی

⁸ وِر اژ هر چی، وَه‌سونگَ عیسی مسیح، وَه خاطر کُلتو شگِر خداءِ ووژمَ مَهَم، اَرِیَگه خَوَر ایمونتو پَشخا بیَس اِنوم کُل دنیا.

رومیان 1:8 Iomraidhean Croise

مَتّی 24:14

ئو ایی خَوَر خَوش پاتِشائیَ اِلومَ ماو اِ سِرُسَر دنیا تا اَرِه کُل ملتَل شاتی بو. اَسَه آخِرکارَ مَرَسی.

لوقا 2:1

اِ اَ روژِلَ، آگوستوس، امپراطور روم فِربو داتی تا مردِم کُل وِلاتَلی گه اِژیر حکِمرونی روم بین، سرشِماری بوئن.

کارَل رسولَل 11:28

یَکی اَژینو گه نُم آگابوس بیتی، هیزگِرتی وَه‌سونگَ روحِ خدا پیشگوئی کِردی گه قیَطی سخدی کُل دنیا اِرامَگِری. اِ زَمو امپراطور روم کْلودیوس ایی قیَطیَ کَت.

کارَل رسولَل 28:22

مِنتائای دوس دیریم عخیدَه‌لِت بشتوئیم، اَرِیَگه مَذانیم گه مردِم، اِ کُل جا اَرضد ایی فرقَه قصَه مَهَن.»

رومیان 10:18

مِنتائای مَپِرسِم: مَر نَشتَفتو؟ اَلوَت گه شنَفتو: «دَنگو پَشخا بیَسِ سِرُسَر زَمی، ئو کَلومو رَسیَس اَر اَ پر دنیا.»

رومیان 16:19

اَرِیَگه کُل اژ فِربوبَری هُمَه خَوَر دیرِن؛ اِسَه مِن اَرِه هُمَه فِرَه خَوشالِم. مِنتائای اژ هُمَه‌مَ مِ گه اِ خوئی دونا، ئو اِ گَنی، سادَه بوئینو.

رومیان 6:17

مِنتائای شگِر اَرِه خدا گه وَه‌یاآگه زمونی خُلُمَل گنا بینو، اِسگَه وَه تموم دل بینو‌نَسَ فِربوبَر تیَلیمی گه خدا سپارتیَس‌ئونتو.

اول قرنتیان 1:4

مِه هَر خدا ووژِم وَه خاطر هُمَه ئو اَ فیضِ خدا گه اِنوم مسیحْ عیسی بَشخیاسَ بینتو، شُگِرَ مَهَم.

دوئِم قُرَنتیان 2:14

مِنتائای شگِر اَرِه خدا گه هَر اِ مسیح، ایمَه اِ صف کسَلی گه بِردونَسا رَبَریَ مِهِه، ئو عطِر خَوش شناخت ووژ وَه‌سونگَ ایمَه اِ کُل جا پَشخا مِهِه.

اَفِسُسیَل 1:15

اَژونَسَ مِن‌یش وخدی اِبارَه ایمونتون اَر عیسی خداون ئو مِحبتتون اَر کُل ایمودارَل مسیحِم شنَفتیَ،

اَفِسُسیَل 1:16

اژ شگِر کِردِن اَرِه هُمَه آنموسِم، بلکِم یِمِجو اِ دوعائَل ووژمَ مارِمتون‌ِ ویر،

اَفِسُسیَل 3:21

اِنوم کلیسا ئو اِنوم مسیحْ عیسی، ئو اِنوم تموم نسِلَل، تا ابد، جِلال اَر خدا بو! آمین.

اَفِسُسیَل 5:20

یِمِجو وَه نُم خداونمو عیسی مسیح اَرِه کُل چی شگِر خداءِ باوَه بِهَن.

فیلیپیَل 1:11

پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

فیلیپیَل 1:3

هرگِلی گه هُمَه مارِمَ ویر، شگِر خدا ووژمَ مَهَم.

کولُسیَل 1:3

وخدی ایمَه اَرِه هُمَه دوعا مِهِیم، هَر شگِر خدا، باوَه خداونمو عیسی مسیحَ مِهِیم.

اول تِسالونیکیَل 1:2

ایمَه هَر اَرِه کُل هُمَه شگِر خداءَ مِهِیم ئو اِنوم دوعائَلمو یِمِجو ماریمتونَ ویر.

اول تِسالونیکیَل 2:13

ئو ایمِه‌یش یِمِجو اَرِه یَه شگِر خداءَ مِهِیم، گه وخدی چینون‌ِ گِرد کلوم خدا گه اژ ایمَه‌تو شنَفت، اَوتونَ نه اِجور کلوم اِنسو بلکِم اِجور کلوم خدا قبول کِرد، گه اِراسی‌ش هَس، کلومی گه اِنوم هُمَه ایمودارَل کارَ مِهِه.

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

دوئِم تیموتائوس 1:3

وخدی شو ئو روژ یِمِجو تون اِ دوعائَلمَ مارِمِ ویر، شگِر خداءَ مَهَم، خدای گه مِن‌یش اِجور اَژدادِم وَه وِژدان پِرچِ‌پاک خِلمتَ مَهَمی اَری.

فیلیمون 1:4

مِه وخدی اِ دوعائَلمَ مارِمتَ ویر، هَر شگِر خدامَ مَهَم.

عِبرانیَل 13:15

اِسَه بورِن وَه‌سونگَ عیسی یِمِجو قُرونی شگِر پیشکَش کِیم اَر خدا، گه ایی قُرونیَ، ثمر لِچَلی کَ گه نُم اوءَ مارِنَ زوئو.

اول پطرس 2:5

هُمِه‌یش ووژتو اِجور بَردَل زِنی اِطور مال روحانی‌ای بِناءَ موئینو تا کاهنَل مقدّسی بوئینو گه وَه‌سونگَ عیسی مسیح، قُرونیَل روحانی‌ای گه خدا قبولَ مِهِه تقدیم بِهِینو.

اول پطرس 4:11

هر کی قصَه مِهِه، اِجور خدا قصَه بِهِه؛ ئو هرکی خِلمتَ مِهِه، وَه قویَتی گه خدا موئَشخی خِلمت بِهِه، تاگَه اِ کُل چی، خدا وَه‌سونگَ عیسی مسیح جِلال بِگِری. جِلال ئو سِلطنت اَر او تا ابد ئو تا ابد. آمین.