رومیان 1:7 - کتاب مقدس به زبان لکی - گویش مرکزی

⁷ وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

رومیان 1:7 Iomraidhean Croise

مَتّی 5:16

اِسَه بِیلِن نُیر هُمَه بِکُوءِ اَررُی مردِم تاگَه کارَل خوتو بوئینِن ئو باوَه هُمَه گه ها نوم آسمون‌اِر، جِلال دَن.

یوحنا 20:17

عیسی وِتَ بی: «دس ناوژ اَر مِلِم، اَرِیَگه هَنی نَچِمَسَ بِلِنگ اَر تک باوَه. بلکِم بِچُ اَرِه تک بِرالِم ئو بوشَ بینو گه مَچِمِ بِلِنگ اَر تک باوَه ووژِم ئو باوَه هُمَه ئو خداءِ ووژِم ئو خداءِ هُمَه.»

کارَل رسولَل 15:23

اَسَه هُنَ نُامه‌ئونی نُیسو: «بِرالتو یانی رسولَل ئو شیخَل، سِلامَ مَهَن اَر بِرال خِرِیهودی‌ای گه هانِ اَنطاکیَه، سوریَه ئو کیلیکیَه،

کارَل رسولَل 9:13

حَنانیا جوواوا داتی: «اِاِ خداون، اژ فِرَه کسَل اِبارَه ایی پیامَ شنَفتیَ گه اِنوم شیَر اورشلیم چَنی ایمودارَلِت آزار داسی.

رومیان 1:6

یَه اَرِه هُمِه‎‌یش هَس گه دَوَت بینونَ تاگَه هِن عیسی مسیح بوئینو؛

رومیان 5:1

اِسَه اَرِیَگه وَه‌سونگَ ایمو صالح وَه حساو هاتیمَ، وَه‌سونگَ خداونمو عیسی مسیح صُئلَ گَرد خدا دیریم.

رومیان 5:5

ئو امید، ایمَه خجالتا نِمِهِه، اَرِیَگه مِحبت خدا وَه‌سونگَ روح‌القدس گه بَشخیاس‌ئونمو، رِشیاس اِنوم دلَلمو.

رومیان 8:28

ئو ایمَه مَذانیم اَرِه اونَلی گه خدا دوس دیرِن ئو مِطابق خواس او دَوَت بینَ، کُل چیئَل وَه‌گَرد یَک اَرِه خِریَّت کارَ مَهَن.

رومیان 8:39

ئو نه بَرزی ئو نه نِمِزی، ئو نه هُیچی‌تِر اِنوم کُل خلقت، نِمَتونی ایمَه اژ مِحبت خدا گه ها نوم خداونمو مسیحْ عیسی‌اِر، جیاآ کِ.

رومیان 9:25

هَراَ جورَ گه هوشَع پِخَمَرَ موشی: «اونَلی گه قوم مِه نوئین، موشِم‌ئونو ’قوم ووژِم‘، ئو قومی گه عزیزگرامی مِه نوئین، موشِم‌ئونو ’عزیزگرامی ووژِم‘.»

اول قرنتیان 1:24

مِنتائای اَرِه اونَلی گه خدا دَوَت کِردِنَسی، چه یهودی ئو چه یونانی، مسیحْ قدِرت خدا ئو حکمت خداءَ.

اول قرنتیان 16:23

فیض خداون عیسی وَه‌گَرد هُمَه بو.

دوئِم قُرَنتیان 13:14

فیض خداون عیسی مسیح ئو مِحبت خدا ئو رِقیفی روح‌القدس، وَه‌گَرد کُلتو بو.

غَلاطیَل 6:18

اِاِ بِرال، فیض خداونمو عیسی مسیح وَه‌گَرد روحتو بو! آمین!

اَفِسُسیَل 1:2

فیض ئو سِلامتی اژ جونِم خدا، باوَه‌مو، ئو خداون عیسی مسیح، اَر هُمَه بو.

اَفِسُسیَل 6:23

اژ جونِم خداءِ باوَه ئو عیسی مسیح خداون، سِلامتی ئو مِحبتی گه وَه‌گَرد ایمونَ اَر بِرال بو.

فیلیپیَل 1:2

فیض ئو سِلامتی اژ جونِم خدا، باوَه آسمونی ایمَه ئو خداون عیسی مسیح اَر هُمَه بو.

فیلیپیَل 4:13

اِنوم مسیح گه قویَتَ مِئَه مِه، قدِرت هر چی دیرِم.

فیلیپیَل 4:20

جِلال اَر خدا، باوَه آسمونیمو تا ابد. آمین.

فیلیپیَل 4:23

فیض خداون عیسی مسیح وَه‌گَرد روحِ هُمَه بو. آمین.

کولُسیَل 1:2

وَه ایمودارَل مسیح ئو بِرال وفادار اِنوم مسیح گه هانِ شیَر کولُسی‌اِر: فیض ئو سِلامتی اژ جونِم خدا، باوَه آسمونی ایمَه، اَر هُمَه بو.

کولُسیَل 3:12

اِسَه اِجور کسَلی گه خدا دیاری کِردِنِ ئو مقدّس ئو عزیزگرامیِن، دلسوزی، مِرِبونی، تاواضی، مِلائمت ئو صبِر بِهَنِ وَر.

کولُسیَل 3:15

صُئل مسیح حکِمرون دلَلتو بو گه هَر اِراسی اَرِه یَه دَوَت بینو‌نَسَ یِه لار، ئو شگِرگزار بوئن.

اول تِسالونیکیَل 1:1

اژ پولُس ئو سیلاس ئو تیموتائوس وَه کلیسا شیَر تِسالونیکی گه ها نوم خداءِ باوَه ئو خداون عیسی مسیح: فیض ئو سِلامتی اَر هُمَه بو.

اول تِسالونیکیَل 1:3

اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

اول تِسالونیکیَل 1:4

اَرِیَگه، اِاِ بِرال گه عزیزگرامی خدائینو، مَذانیم گه او اِنتخاو کِردینونَسی.

اول تِسالونیکیَل 4:7

اَرِیَگه خدا ایمَه دَوَت کِردیَسیَ مقدّس‌بیئین نه ناپاکی.

اول تِسالونیکیَل 5:28

فیض خداون ایمَه عیسی مسیح وَه‌گَردتو بو.

دوئِم تِسالونیکیَل 1:2

فیض ئو سِلامتی اژ جونِم خدا، باوَه ایمَه، ئو خداون عیسی مسیح اَر هُمَه بو.

دوئِم تِسالونیکیَل 3:16

اِسگَه خداونِ سِلامتی، ووژ هَرِ کُل لِحاظی سِلامتیتونَ بی دِ. خداون وَه‌گَرد کُلتو بو.

دوئِم تِسالونیکیَل 3:18

فیض خداونمو عیسی مسیح وَه‌گَردتو بو.

اول تیموتائوس 1:2

وَه تیموتائوس، آویل حَخِم اِنوم ایمو: فیض ئو ریَمَت ئو سِلامتی اژ جونِم خداءِ باوَه ئو خداونمو مسیحْ عیسی اَر تو بو.

اول تیموتائوس 6:2

اونَلی گه اَرباوَلو ایمودارِن، نَباس وَه خاطر بِرائیو کمتِر عزّت بِنِن اَرِنو. بلکِم برعسک، باس جُ‌جُ بیتِر خِلمت بِهَن، اَرِیَگه فادَه خِلمَتونَ مَرَسی کسَلی گه ایمودار ئو عزیزِن. ایی چیئِلَ تیَلیمو دَ ئو تشویقو کَ اَنجومو دَن.

دوئِم تیموتائوس 1:2

وَه آویل عزیزگرامیم، تیموتائوس: فیض ئو ریَمَت ئو سِلامتی اژ جونِم خداءِ باوَه ئو خداونمو مسیحْ عیسی اَر تو بو.

دوئِم تیموتائوس 4:22

خداونَ گَرد روحِ تو بو. فیضَ گَرد تو بو.

تیتوس 1:4

وَه تیتوس، گه مِطابق ایمونی گه کُل اَژی بیَر دیریمونی کُر حَخمَ: فیض‌وسِلامتی اژ جونِم خداءِ باوَه ئو نجاددهندَه‌مو مسیح عیسی اَر تو بو.

فیلیمون 1:25

فیض خداون عیسی مسیحَ گَرد روحِ هُمَه بو.

فیلیمون 1:3

فیض‌وسِلامتی اژ جونِم خدا، باوَه آسمونیمو، ئو خداون عیسی مسیح اَر هُمَه بو.

یعقوب 1:1

اژ یعقوب، گه خُلُم خدا ئو عیسی مسیح خداونَ، وَه دوازَه طائفَه اسرائیل گه اِ کُل دنیا پَشخِ‌پِلاآ بینَ. سِلام!

اول پطرس 1:15

بلکِم اِجور اَ قدوسَ گه دَوَتتو کِردیِ، هُمِه‌یش اِ کُل رفدارَلتو مقدّس بوئن؛

اول یوحنا 3:1

سِیل کَن باوَه چه مِحبتی اَر ایمَه کِردیِ تاگَه ایمَه آیلَل خدا هِنا بوئیمو! ئو هَرهُنِ‌یشَ هِیم! اَژونَسَ گه دنیا ایمَه نِمَشتاسی، اَرِیَگه او نشتاسیتی.

دوئِم یوحنا 1:3

اژ جونِم خداءِ باوَه ئو عیسی مسیحِ خداون، کُر اَ باوَه، فیض ئو ریَمَت ئو سِلامتی اِنوم حخیخت ئو مِحبت ها گَردمو.

مِکاشفَه 2:1

«اَرِه فریشدَه کلیسا اَفِسُس بِنُیسِن: «اَوَه گه هفت آسارَه اِ دس راس ووژ دیری، ئو اِنومجا هفت چراخدو طِلا مَچوءَ رئیا، هُنَ موشی:

مِکاشفَه 2:12

«اَرِه فریشدَه کلیسا پِرگاموم بِنُیسِن: «او گه شِمشیر تیژ دودَم دیری، هُنَ موشی:

مِکاشفَه 2:18

«اَرِه فریشدَه کلیسا تیاتیرا بِنُیسِن: «کُر خدا گه چیَمَلی اِجور بِلاچَه آگِر دیری ئو پالی اِجور مَفِرغ سائیاءَ، هُنَ موشی:

مِکاشفَه 2:29

اَوَه گه گوش دیری بشتوئی گه روحِ خدا چَه موشیَ کلیسائَل.

مِکاشفَه 2:8

«ئو اَرِه فریشدَه کلیسا اِسمیرنا بِنُیسِن: «او گه اولَ، او گه آخِرَ، او گه مِرد ئو زِنیا بی، هُنَ موشی:

مِکاشفَه 22:21

فیض خداون عیسی وَه‌گَرد کُلتو بو. آمین.

مِکاشفَه 3:14

«اَرِه فریشدَه کلیسا لائودیکیَه بِنُیسِن: «او گه آمینَ، او گه شات اَمونتدار ئو حخَ، او گه سِرآو خلقت خداءَ، هُنَ موشی:

مِکاشفَه 3:22

اَوَه گه گوش دیری بشتوئی گه روحِ خدا چَه موشیَ کلیسائَل.»

مِکاشفَه 3:7

«اَرِه فریشدَه کلیسا فیلادِلفیَه بِنُیسِن: «او گه قدوسَ، او گه حخَ، او گه کِلیل داوود دیری، او گه وازَ مِهِه ئو کس نِمَتونی بوئنی، ئو موئنی ئو کس نِمَتونی واز بِهِه، هُنَ موشی: