مِکاشفَه 9:21 - کتاب مقدس به زبان لکی - گویش مرکزی

²¹ اونَل هَمیش اژ آم کُشتِن ئو جادوگری ئو بی‌عصمتی ئو دُزیَل ووژو توئه‌ئو نَهَرد.

مِکاشفَه 9:21 Iomraidhean Croise

مَتّی 15:19

اَرِیَگه اژ دلَ گه فگِرَل گَن، آم کُشتِن، زِنها، بی‌عصمتی، دُزی، شاتی دِرو ئو بُختِم اِرَمای.

دوئِم قُرَنتیان 12:21

زِلَمَ مَچو وخدی گِلارم اَرِه تَکتو، خداءِ مِه، اِدوارَه اَرتَک هُمَه، مِه فِروتنا کِ، ئو مِه مجبور بوئم اَرِه کسَلی گه وِرِکار گنائو کِردیَ ئو اژ ناپاکی، بی‌عصمتی، ئو عِیاشیَلی گه کِردونَ توئه‌ئو نَهَردیَ، هَری بِگِرِم سر.

غَلاطیَل 5:20

بِت‌پِرَسی ئو جادوگری؛ دشمنی، جنگ، حَسوئی، خِض، خودخواهی، فَساتی، جیایی،

مِکاشفَه 13:13

جونور وَشی دوئِمینِهَه نشونَه‌ل ئو مُجِزَه‌ل کَلِنگی اَنجومَ ماتی ئو جُ‌جُ اَر وَر چیَم مردِم آگِر اژ آسمونَ ماوِردیِ زَمی.

مِکاشفَه 13:15

ئو صِلائو دائون گه گیو بِئَه مِجسمَه جونور وَشی اولینِهَه، تاگَه اَ مِجسمَه جونور وَشیَ جُ‌جُ بتونی قصَه بِهِه ئو باعث کُشتِن کسَلی بو گه اَ مِجسمَه جونور وَشیَ عَبادت نِمَهَن.

مِکاشفَه 13:7

هَمیش صِلائو دائون گه وَه‌گَرد ایمودارَل مسیح جنگ بِهِه ئو فائق با اَرینو؛ ئو قدِرت‌واختیارو دائون تاگَه حکِمرو هر طائفَه ئو قوم ئو زوئون ئو ملت بو.

مِکاشفَه 14:8

ئو فریشدِه‌ی‌تِر، یانی دوئِمینِهَه، هاتَ تُرّ اوآ ئو وِتی: «رِمیا! بابِل کَلِنگ رِمیا! اَوَه گه شِراو زِنهاکاری ووژ گه خَضو خداءَ ماری، خُرونیَ کُل ملتَل.»

مِکاشفَه 16:6

اَرِیَگه اُوُ خوین ایمودارَل ئو نبوّت‌کَرَلو رِشو، اِسَه تو خوینِت دائونو تاگَه خُرّ دَن، گه هَر سزاوار یَئنَ!»

مِکاشفَه 17:2

گه پاتِشائَل زَمی وَه‌گَرد او زِنهائو کِرد ئو اونَلی گه لیزو گِرتیَس اَررُی زَمی اژ شِراو زِنها او مَس بینَ.»

مِکاشفَه 17:4

اَ ژِنَ کِراس سوئر ئو کاو اِوَر بیتی ئو وَه طِلا ئو جوواهیر ئو مِرواریَل اِررازیائی. جُم طِلایَ دَسا بیتی گه پِر اژ چیئَل کفارت‌دار ئو ناپاکیَل زِنها ووژ بی.

مِکاشفَه 17:5

ئو اَررُی توئلی ایی نُم بِلُجوئیَ نُیسیائی: «بابِل کَلِنگ، دا ژِنَل خِراو ئو کفارت‌دارَل زَمی.»

مِکاشفَه 18:3

اَرِیَگه کُل ملتَل اژ شِراو زِنهاکاری او، گه خَضو خداءَ ماری، خُرّو دا. ئو پاتِشائَل زَمی کُل زِنهائونَ گَرد کِرد، تاجرَل زَمی اژ تجمِلات فِرَه زِنِه‌ی او دولَمَنا بین.»

مِکاشفَه 19:2

اَرِیَگه داوریَلی حخَ ئو راسَ. اَرِیَگه اَر اَ ژَن خِراو کَلِنگَ داوری کِردیِ گه زمین وَه بی‌عصمتیَل ووژ فاسد کِردی، ئو خدا تقاص خوین خادمَل ووژ، اژ او سَنیِ.»

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 22:15

سگَل ئو جادوگرَل ئو زِنهاکارَل ئو آم‌کُشَل ئو بِت‌پِرَسَل ئو هر کی گه دِرو دوس دیری ئو اَنجومَ مِیتی، هانَ دِریر.

مِکاشفَه 9:20

باقی آمَل، گه اژ ایی سه بِلاءَ نکُشِریان، نه اژ کارَل دَسَلو توئه‌ئو کِرد، نه عَبادت مِلاکَتَل ئو بِتَل طِلا ئو نُخِرَه ئو مَفِرغ ئو بَرد ئو چوئو ناءِ لا، بِتَلی گه نِمَتونِن بوئینِن ئو بشتوئِن ئو اَرئیا بِچِن.