مِکاشفَه 9:2 - کتاب مقدس به زبان لکی - گویش مرکزی

² او چا هاویَه واز کِردی، دوی‌ای اِجور دوی کویرَه کَلِنگی اَژی داءَ دِریر، هُنَ گه هویَر ئو آسمون اژ دوی چا تیَریکا بین.

مِکاشفَه 9:2 Iomraidhean Croise

کارَل رسولَل 2:19

ئو اژ بِلِنگ، اِنوم آسمونَل، چیئَل بِلُجوئی، ئو اژ هُارا، وَه رُی زَمی، نشونَه‌لی آشگارا مَهَم، یانی خوین ئو آگِر ئو کَرِّدوی.

مِکاشفَه 14:11

ئو دوی عذاو اونَل تا ابدَ مَچوءَ بِلِنگ. کسَلی گه اَ جونور وَشیَ ئو مِجسمِهِه عَبادتَ مَهَن ئو هر کی گه مَچوءِ گِرد نشونَه نُم او، نه اِ شو سِتارونَ مَگِری ئو نه اِ روژ.»

مِکاشفَه 16:10

فریشدَه پنجِمینِهَه جُم ووژ رِشونی اَررُی تخت اَ جونور وَشیَ ئو تیَریکی هیال پاتِشائی او گِرتی‌اِرا. مردِم اژ زور ژُ، زوئو ووژونَ مَگِرتَ گَزَه.

مِکاشفَه 8:12

فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 9:1

ئو فریشدَه پنجِمینِهَه پِف کِردی اِنوم شِپورِهِه، ئو مِه آسارَه‌می دی گه اژ آسمو کَت اَر زَمی، ئو کِلیل چا هاویَه گه تیَه نِریو، داءَ ایی آسارَه.

مِکاشفَه 9:11

پاتِشا اونَل فریشدَه چا هاویَه بی گه وَه زوئو عبرانی ’اَبَدون‘ یانی نابودکَر نُمَسی، ئو وَه زوئو یونانی ’آپولیون‘.

مِکاشفَه 9:17

اَسبَل ئو سُوارَلو گه اِ رویام دی، هُنَ بینَ: زِریئَلونی اِوَر بی، سوئر اِجور آگِر ئو کاو ئو زرد اِجور گوگرد. سر اَسبَل اِجور سر شیرَل بی ئو اژ دَمَلو آگِر ئو دوی ئو گوگردَ ماهاتَ دِریر.