مِکاشفَه 9:17 - کتاب مقدس به زبان لکی - گویش مرکزی

¹⁷ اَسبَل ئو سُوارَلو گه اِ رویام دی، هُنَ بینَ: زِریئَلونی اِوَر بی، سوئر اِجور آگِر ئو کاو ئو زرد اِجور گوگرد. سر اَسبَل اِجور سر شیرَل بی ئو اژ دَمَلو آگِر ئو دوی ئو گوگردَ ماهاتَ دِریر.

مِکاشفَه 9:17 Iomraidhean Croise

مِکاشفَه 11:5

ئو اَرّ کسی بِیتی ضِرَدی بِ اَرینو، آگِر اژ دَمونَ مِئَه دِریر ئو دشمنَلونَ مَکُشی ئو مِهِه‌ئونَ بیل. اَرّ کسی بِیتی ضِرَدی بِ اَرینو، باس هُنَ بِکُشِری.

مِکاشفَه 14:10

اویش اژ شِراو خَضو خدا گه پِرمِلات ئو خَص رِشیاس اِنوم جُم خِض او، خُرَّ مِ، ئو او اَرتَک فریشدَه‌ل مقدّس ئو اَرتَک وَرک وَه آگِر ئو گوگرد عذاوَ موئینی.

مِکاشفَه 19:20

مِنتائای اَ جونور وَشیَ گرفدار بی ئو وَه‌گَرد او اَ نبوّت‌کَر دِروزِنِ گه اَرتَک او نشونَه‌ل ئو مُجِزَه‌لی کِردوئیتی تاگَه وَه اونَ کسَلی فن بِ گه چوئینِ گِرد نشونَه اَ جونور وَشیَ ئو مِجسمَه اَوُنَ مَپِرَسیا. اُوُنو هَردِک، زِنی آوشد اِنوم دریاچَه آگِر ئو گوگرد.

مِکاشفَه 20:10

ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.

مِکاشفَه 21:20

پنجِمینِهَه اژ حقیق سوئر، شَشِمینِهَه اژ حقیقی گه رنگ اِجور آگِر بیتی، هفتِمینِهَه اژ زِبَرجد، هشتِمینِهَه اژ یاقوت کاو، نُئِمینِهَه اژ یاقوت زرد، دیَئمینِهَه اژ حقیق سُز، یازِئمینِهَه اژ فیروزَه ئو دوازِئمینِهَه اژ یاقوت بِنفش.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 9:18

اژ ایی سه بِلا آگِر ئو دوی ئو گوگردَ گه اژ دَمون اِرَماهات، یِه‌سِئِم اژ آمَل کُشِریان.

مِکاشفَه 9:9

سینَه‌پوشی اِجور سینَه‌پوش آهِنینو داشد، ئو دَنگ بالَلو اِجور دَنگ اَسبَل ئو دُریشگَه‌ل فِرِه‌ی بی گه اِریشتونَ ماوِرد اِرَه جنگ.