مِکاشفَه 9:14 - کتاب مقدس به زبان لکی - گویش مرکزی

¹⁴ گه موئِتیَ فریشدَه شَشِمینِهَه گه شِپور داشدی: «اَ چوار فریشدَه گه اَرتَک روو کَلِنگ فُرات هانِ بَن‌اِر، آزاد کَ.»

مِکاشفَه 9:14 Iomraidhean Croise

مِکاشفَه 16:12

فریشدَه شَشِمینِهَه جُم ووژ رِشونی اَررُی روو کَلِنگ فُرات، ئو آو حُشگا بیتی، تاگَه رئی اَرِه پاتِشائَل شرق آمادَه بو.

مِکاشفَه 7:1

دُما اَوَه چوار فریشدَه‌‌‌م دی گه هوسیانَس اَر چوار سویک زَمی ئو نوا چوار وا زمینَ مَگِرِن تا هُیچ وای نَچو اَررُی زمین ئو دریا ئو هُیچ داری.

مِکاشفَه 7:2

اَسَه فریشدِه‌‌‌ی‌تِرِم دی گه اژ جای گه هویَرَ مِ ماءِ رُ ئو میر خداءِ زِنی هایتیَ بی، ئو وَه دَنگ کَلِنگ هِنا کِردیَ اَ چوار فریشدَه گه قدِرتو دائیونو گه ضِرَد بیَنَ زمین ئو دریا،

مِکاشفَه 8:2

اَسَه اَ هفت فریشدَه‌مَ دی گه موسِن اَر وَر خدا، ئو هفت شِپورو دائونو.

مِکاشفَه 8:6

اَسَه اَ هفت فریشدَه گه اَ هفت شِپورونَ داشد حاضر بین تاگَه پِف کَن اِنومو.

مِکاشفَه 9:15

اِسَه اَ چوار فریشدَه گه اَرِه ایی سات ئو ایی روژ ئو ایی مُنگ ئو ایی سالَ آماده‌ئو هُیشتوئین، آزاد بین تاگَه یِه‌سِئِم اژ آمَل بِکُشِن.