مِکاشفَه 9:11 - کتاب مقدس به زبان لکی - گویش مرکزی

¹¹ پاتِشا اونَل فریشدَه چا هاویَه بی گه وَه زوئو عبرانی ’اَبَدون‘ یانی نابودکَر نُمَسی، ئو وَه زوئو یونانی ’آپولیون‘.

مِکاشفَه 9:11 Iomraidhean Croise

لوقا 8:31

مِلاکَتَل وَه لالکَ‌حُاس اژ عیسی‌ئو هِست گه فِربونون‌ئون نِ گه گِلابیرِن اِرَه نوم چا هاویَه.

یوحنا 12:31

اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.

یوحنا 14:30

دیَر ویشتِر اژ یَه قصَه‌تونَ گَرد نِمَهَم، اَرِیَگه رِئیس ایی دنیا گه شِطونَ دیری مای. او هُیچ ادعای اَر مِه نِری؛

یوحنا 16:11

ئو اِبارَه داوری کِردِن‌یش، اَرِیَگه رِئیس ایی دنیا مَکوم بیَ.

یوحنا 5:2

اِ شیَر اورشلیم، پا ’دروازَه کاوِر‘ حوضی کَ گه وَه زوئو آرامی گه یهودیَل قصه‌ئونَ مَهَرد موشِنَ بی ’بِیت‌حِسْدا‘، ئو پنج طارِمی دیری.

یوحنا 8:44

باوَه هُمَه ابلیسَ ئو هُمَه اژ اَوینونَ ئو هاینونَ دُم اَنجوم دائِن چیئَلی گه باوِ مِیلَسی. او اژ اَ اولَ قاتل بی ئو هُیچ وخد نِموسیا اَر رُی حخیخت، اَرِیَگه هُیچ حخیختی اِنوم او نیَ. هر وخد گه دِروءَ موشی، اژ ذات ووژی دِروءَ موشی؛ اَرِیَگه دِروزِنَ ئو باوَه دِروزِنِلَ.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

اَفِسُسیَل 2:2

ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

اول یوحنا 4:4

اِاِ رولَه‌ل، هُمَه اژ خداینو ئو فائق هاتینونَس اَر اونَل، اَرِیَگه اَوَه گه ها نوم هُمِه‌اِر کَلِنگتِر اژ اَوَه‌‌سَ گه ها نوم دنیااِر.

اول یوحنا 5:19

ایمَه مَذانیم گه اژ خدایم ئو کُل دنیا ها ژیر دس شِطون‌اِر.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 16:16

اَسَه، اَ سه روحِ گَنَ پاتِشائَل زمینو جیَم داءِ جای گه وَه زوئو عبرانیَ موشِنی‌ئون ’حارمَگِدّون‘.