مِکاشفَه 8:7 - کتاب مقدس به زبان لکی - گویش مرکزی

⁷ فریشدَه اولینِهَه پِف کِردی اِنوم شِپورِهِه، ئو بیَ توئِرگ ئو آگِر گه وَه‌گَرد خوین هاوِنتوئینَ یَک‌اِرا، ئو رِشیان اَر زمین‌اِرا ئو یِه‌سِئِم اژ زَمی سُت ئو یِه‌سِئِم اژ دارَل سُتِن، ئو کُل سُزِلَکوئَل سُتِن.

مِکاشفَه 8:7 Iomraidhean Croise

یعقوب 1:11

اَرِیَگه هویَر وَه اَ مَشِرَقو ووژیَ ماءِ رُ، گیا حُشگا مِهِه، گُلَلی مَرِشی‌اِرا ئو رنگینی اَوَه اژ بِنَ مَچو. هَمیش آم ثرودمن هَرهُنَ گه ها دُم کارِبار ووژا، اژ بِنَ مَچو.

اول پطرس 1:24

اَرِیَگه، «جسم کُل اِجور گیاءَ ئو جِلالی کُل اِجور گل بیاوو؛ گیا حُشگا ماو ئو گُلَل مَرِزِن‌اِرا،

مِکاشفَه 12:4

دُمی یِه‌سِئِم اژ آسارَه‌ل آسمو جارو کِردی ئو رِشونی‌ اَر زمین‌اِرا. اُژدها هوسیا اَر ویراَرویر اَ ژِنَ گه داشدی مَزایا، تاگَه هَریَگه آویلِهِه زائیتی، قویت اِرادِیتی.

مِکاشفَه 16:2

اَسَه فریشدَه اولینِهَه چی ئو جُم ووژ رِشونی اَر زَمی، ئو زیَمَلی گه بدتویکِن ئو ژُنَ مَهَن کَت اَررُی مردِمی گه نشونَه اَ جونور وَشیونَ داشد ئو مِجسمَه اَوُنَ مَپِرَسیا.

مِکاشفَه 16:21

ئو اژ آسمو توئِرگ سخدی رِشیا اَر سر مردِم‌اِرا، گه هر گِلِه، مَری پنجا کیلو بی؛ ئو مردِم وَه خاطر ایی توئِرگَ کِفِر خدائو کِرد، اَرِیَگه بِلا فِرَه سخدی بی.

مِکاشفَه 6:8

ئو مِه سِیلِم کِرد، اَسَه اسب رنگ‌پریای بی، ئو سُوارِهِه نُم مرگ بیتی، ئو دنیا مِردیَل اژ دُم اوآ ماهات. ئو قدِرت اَر یِه‌چوارِم اژ زمینو دائونو تاگَه بِکُشِن، وَه شِمشیر ئو قیَطی ئو مِرَض ئو حِوونَل وَشی رُی زَمی.

مِکاشفَه 7:1

دُما اَوَه چوار فریشدَه‌‌‌م دی گه هوسیانَس اَر چوار سویک زَمی ئو نوا چوار وا زمینَ مَگِرِن تا هُیچ وای نَچو اَررُی زمین ئو دریا ئو هُیچ داری.

مِکاشفَه 9:15

اِسَه اَ چوار فریشدَه گه اَرِه ایی سات ئو ایی روژ ئو ایی مُنگ ئو ایی سالَ آماده‌ئو هُیشتوئین، آزاد بین تاگَه یِه‌سِئِم اژ آمَل بِکُشِن.

مِکاشفَه 9:18

اژ ایی سه بِلا آگِر ئو دوی ئو گوگردَ گه اژ دَمون اِرَماهات، یِه‌سِئِم اژ آمَل کُشِریان.

مِکاشفَه 9:4

ئو وِتون‌ئونو گه ضِرَد نیَن اَر مَرِنَل رُی زَمی ئو نه اَر هُیچ گیای ئو نه اَر هُیچ داری، بلکِم فَخَد اَر مردِمی گه میر خدا اَر توئلو نِرِن.