مِکاشفَه 8:3 - کتاب مقدس به زبان لکی - گویش مرکزی

³ ئو فریشدِه‌ی‌تِر هات گه مَخَل طِلایَ بی بیتی ئو هوسیا اَرتَک قُرونی‌گا، ئو بِخور فِرِه‌ئونی داءَ بی تاگَه وَه‌گَرد دوعائَل کُل ایمودارَل مسیح، اَررُی قُرونی‌گا طِلا گه ها اَر وَر تخت پیشکَش بِهِه.

مِکاشفَه 8:3 Iomraidhean Croise

لوقا 1:10

موقَع دوی کِردِن بِخور، کُل مردِم اِدَر دوعائونَ مَهَرد،

رومیان 8:34

کیَ گه مَکومو کِ؟ مسیحْ عیسی گه مِرد، بلکِم اژ مِردیَل‌یش زِنیا بی، او گه ها اَر دس راس خداآ، اوءَ گه اِراسی اَرِه ایمَه شِفاعت‌یشَ مِهِه!

عِبرانیَل 7:25

اِسَه اوءَ مَتونی اونَلی گه وَه‌سونگَ او مان اِرَه تک خدا، کامل نجاد دِ. اَرِیَگه هَر زِنیَ تاگَه شِفاعتو کِ.

عِبرانیَل 9:4

اِنوم ایی بَشقَ، قُرونی‌گا طِلائی بِخور ئو صَنُق عَت بی گه اژ کُل لای وَه طِلا پوشیائی. اِنوم ایی صَنُقَ، کویزَه طِلائی گه ’مَنّا‘ اِنوم بیتی، ئو موزبِرَه هارون گه گل کِردوئی، ئو نُئِشتَه‌ل بَردین عَت، بین.

مِکاشفَه 10:1

اَسَه دیم فریشدَه زورداری‌تِر اژ آسمونَ ماءَ هُار گه اُری اِراگِرتوئی ئو سُزوتُیلی اَر بِلِنگ سر بیتی. نوم‌رُی چُی هویَر بیتی ئو پالی چُی سُتینل آگِر.

مِکاشفَه 14:18

ئو فریشدِه‌ی‌تِر اژ قُرونی‌گا هاتَ دِریر گه اَر آگِر قدِرت‌واختیار داشدی ئو وَه دَنگ کَلِنگ وِتیَ اَوَه گه داس تیژِهَه داشدی: «داس تیژِت هیزدَ ئو حوشَه‌ل اژ دار مو زَمی گِردا کَ، اَرِیَگه انگویرَل رَسینَسی.»

مِکاشفَه 5:8

ئو هَریَگه او طومارِهَه سَنی، اَ چوار موجود زِنیَ ئو اَ بیس ئو چوار ریش‌اَسبیَ اَر وَر وَرکِهَه کَتن اَر زَمی. اونَل هرکُم چَنگ ئو جُمَل طِلا پِر اژ بِخور گه هَراَ دوعائَل ایمودارَل مسیحَسَ، وَه دَسونا بی.

مِکاشفَه 6:9

وخدی وَرکِهَه میرَ پنجِمینِهَه واز کِردی، مِن اِژیر قُرونی‌گا، گیونَل کَسَلمی دی گه اَرِه کلوم خدا ئو شاتیَلونی گه دائی کُشِریائین.

مِکاشفَه 7:2

اَسَه فریشدِه‌‌‌ی‌تِرِم دی گه اژ جای گه هویَرَ مِ ماءِ رُ ئو میر خداءِ زِنی هایتیَ بی، ئو وَه دَنگ کَلِنگ هِنا کِردیَ اَ چوار فریشدَه گه قدِرتو دائیونو گه ضِرَد بیَنَ زمین ئو دریا،

مِکاشفَه 8:4

ئو دوی بِخور، وَه‌گَرد دوعائَل کُل ایمودارَل مسیح اژ دَسَل اَ فریشدَه چیِ بِلِنگ تا تک خدا.

مِکاشفَه 8:5

اَسَه فریشدِهَه مَخَلِهَه هیزداتی ئو پِرا کِرد اژ آگِر قُرونی‌گا ئو آوشدی اَررُی زَمی، ئو بیَ گِرِمَل ئو گِرِمهُرَل ئو تَش‌بریقَل ئو زمی‌لرزَه.

مِکاشفَه 9:13

فریشدَه شَشِمینِهَه پِف کِردی اِنوم شِپورِهِه، ئو مِه دَنگمی اژ چوار شاخ قُرونی‌گا طِلا گه هار تک خدا، شنَفت؛