مِکاشفَه 8:12 - کتاب مقدس به زبان لکی - گویش مرکزی

¹² فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 8:12 Iomraidhean Croise

مَتّی 24:29

«هِرازِه، دُما مِصیوَت اَ روژِلَ «”هویَر تیَریکا ماو ئو مُنگ دیَر نُیر نِمِ؛ آسارَه‌ل اژ آسمونَ مَرِشِن‌اِرا، ئو قدِرتَل آسمونِلَ مانِ رِکَه.“

مَتّی 27:45

اژ سات دوازَه تاگَه سات سه دُمانیمَرو، تیَریکی کُل اَ وِلاتَ اِراگِرتی.

مَرقُس 13:24

«مِنتائای اِ اَ روژِلَ، دُما اَ مِصیوَتَ، «”هویَر تیَریکا ماو ئو مُنگ دیَر نُیر نِمِ.

مَرقُس 15:33

اژ سات دوازَه تاگَه سات سه دُما نیمَرو تیَریکی کُل اَ وِلات‌اِرا گِرتی.

لوقا 21:25

«ئو نشونَه‌لی اِنوم هویَر ئو مُنگ ئو آسارَه‌ل دیارا مِ. اَررُی زَمی، ملتَل اژ هوفَه دریا ئو تافَل پریشونا موئن ئو تَپ اَرِنونَ مَشوئی.

کارَل رسولَل 2:20

وِر اژ یَگه روژ کَلِنگ ئو، باشکوه خداون برَسی، هویَرَ ماوَ ظلمات ئو مُنگَ ماوَ خوین.

دوئِم قُرَنتیان 4:4

خداءِ ایی دنیا یانی شِطو ذِنَل بی‌ایمونَل کور کِردیِ تاگَه نُیر انجیل جِلال مسیح گه شیوَه خداءَ، نوئینِن.

مِکاشفَه 12:4

دُمی یِه‌سِئِم اژ آسارَه‌ل آسمو جارو کِردی ئو رِشونی‌ اَر زمین‌اِرا. اُژدها هوسیا اَر ویراَرویر اَ ژِنَ گه داشدی مَزایا، تاگَه هَریَگه آویلِهِه زائیتی، قویت اِرادِیتی.

مِکاشفَه 16:10

فریشدَه پنجِمینِهَه جُم ووژ رِشونی اَررُی تخت اَ جونور وَشیَ ئو تیَریکی هیال پاتِشائی او گِرتی‌اِرا. مردِم اژ زور ژُ، زوئو ووژونَ مَگِرتَ گَزَه.

مِکاشفَه 6:12

ئو وخدی وَرکِهَه میرَ شَشِمینِهَه واز کِردی، مِه سِیلِم کِرد، اَسَه زمی‌لرزَه کَلِنگی هات ئو هویَر اِجور پِلاس، سیا بی ئو مُنگ کامل، بی اِجور خوین.

مِکاشفَه 9:15

اِسَه اَ چوار فریشدَه گه اَرِه ایی سات ئو ایی روژ ئو ایی مُنگ ئو ایی سالَ آماده‌ئو هُیشتوئین، آزاد بین تاگَه یِه‌سِئِم اژ آمَل بِکُشِن.

مِکاشفَه 9:18

اژ ایی سه بِلا آگِر ئو دوی ئو گوگردَ گه اژ دَمون اِرَماهات، یِه‌سِئِم اژ آمَل کُشِریان.