مِکاشفَه 7:9 - کتاب مقدس به زبان لکی - گویش مرکزی

⁹ دُما اَوَه سِیلِم کِرد ئو اِسگَه، جَرخَه کَلِنگی اژ هر ملت، طائفَه ئو قوم ئو زوئونِم دی گه کس نِمَتونی بشمارتی ئو کُلو هوسیائین اَر وَر تخت ئو اَر وَر وَرک. اونَل کُل چوخائَل اِسبی اِوَرو بی ئو پَلَل خرما اِ دَسو.

مِکاشفَه 7:9 Iomraidhean Croise

لوقا 12:1

هَرِ ایی وخدَ، هزارو نفر جیَم بین، اَخِنَ گه پائونَ مَنیا اَرسر یَکتِری. عیسی اول‌بار وَه‌گَرد شاگردَل ووژ قصَه کِردی ئو وِتی: «اژ حمیرتُرش فَریسیَل گه ریاکاریَ، دویرا بِگِرِن.

لوقا 21:36

اِسَه هَر حُواستو بو ئو دوعا بِهَن تاگَه بتونینو اژ کُل ایی چیئِلَ گه وَه ایی زویَ اتفاقَ مَکُوءِ، اِ اَمو بِمینینو ئو بوسینون اَر حضور کُر اِنسو.»

یوحنا 12:13

وَه تَلَل دار خرما گه وَه دَسونا بی هاتِنیِ نوا. اونَل مَقارونو ئو موئِتو: «نجاد بِ! بِمارِکَ اَوَه گه وَه نُم خداونَ مای، بِمارِکَ پاتِشا اسرائیل!»

رومیان 11:25

اِاِ بِرال، نِمِم اژ ایی رازَ بی‌خَوَر بوئینو -ناخواد گُمو کِینو دونائینو- گه سنگدلی اَر بِری اژ قوم اسرائیل حکِمرونیَ مِهِه، تا وخدی گه شِمار خِرِیهودیَلی گه میا نجاد بِگِرِن، کاملا بو.

اَفِسُسیَل 6:13

اِسَه اسلحَه کامل خدا بِهَنِ وَرتو، تا اِ روژ شر بتونینو طاخَت بارینو، ئو بتونینو دُما اَنجوم دائِن کُل چی، بوسینون اَرسر پا.

عِبرانیَل 11:12

اُهُنَ، اژ یِه پیا، اَویشَ اژ کسی گه مَری مِردی‌ای بی، نسِلَل هاتِنَ دی، گه چَن آسارَه‌ل آسمو، ئو چَن هُسَل بی‌حدِحساو لو دریا بین.

عِبرانیَل 12:22

مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال،

مِکاشفَه 11:15

اَسَه فریشدَه هفتِمینِهَه پِف کِردی اِنوم شِپورِهِه؛ ئو دَنگَل کَلِنگی اِ آسمو بین گه موئِتو: «پاتِشائی دنیا، بیَسَ هِن خداون ایمَه، ئو مسیحِ او. ئو او تا ابدالآباد سِلطنتَ مِهِه.»

مِکاشفَه 22:3

ئو دیَر هُیچ لیَنی نیَ. بلکِم تخت خدا ئو تخت وَرک هایتی اِنوم ئو خادمَلی عَبادتَ مَهَنی.

مِکاشفَه 3:18

پَنتَ میَم گه طِلای گه وَه آگِر خالصا بیَ اژ مِه بِخِرین تاگَه دولَمَنا بوئین؛ ئو جِنِکَل اِسبی تاگَه بِهِینِ وَر ئو ننگ لُتیِت دیار ناو، ئو دِک‌داری تاگَه بِساین اَرسر چیَمَلِت ئو بیناآ بوئین.

مِکاشفَه 4:4

دورادور اَ تختَ، بیس ئو چوار تخت بی، ئو اَرسر اَ تختِلَ بیس ئو چوار ریش‌اَسبی نیشتوئین، گه اونَل جِنِکَل اِسبی اِوَرو بی ئو تاجَل طِلا اَر سرو.

مِکاشفَه 5:11

اَسَه سِیلِم کِرد، ئو دَنگ فریشدَه‌ل فِرَه‌می شنَفت گه شِمارو کُرور کُرور ئو هزارون هزار بی، ئو اِ دورادور اَ تختَ ئو موجودَل زِنی ئو ریش‌اَسبیَل هوسیائین.

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛

مِکاشفَه 6:11

اَسَه وَه هرکُم اژ اونَل، چوخا اِسبی‌ئونی دا ئو وِتون‌ئونو گه گِری ویشتِر بِکُمِن تاگَه شِمار هُم‌قطارَلو ئو بِرالو گه میا هَر اِجور اونَل بِکُشِرِن، کاملا بو.

مِکاشفَه 7:8

اژ طائفَه زِبولون، دوازَه هزار نفر، اژ طائفَه یوسف، دوازَه هزار نفر، ئو اژ طائفَه بنیامین، دوازَه هزار نفر.