مِکاشفَه 7:4 - کتاب مقدس به زبان لکی - گویش مرکزی

⁴ ئو شنَفتِم شِمار میرکَریائَل صد ئو چِل ئو چوار هزار نفر اژ کُل طائفَه‌ل بنی‌اسرائیل بین.

مِکاشفَه 7:4 Iomraidhean Croise

مَتّی 19:28

عیسی وِتی‌ئونو: «حخیختاً، موشِم‌ئونتو، اِنوم دنیا نوو، وخدی گه کُر اِنسو بنیشی اَرسر تخت پاتِشائی پِرجِلال ووژا، هُمِه‌یش گه هاتینونَسَ تُرّ مِنا، مَنیشینون اَرسر دوازَه تخت ئو اَر دوازَه طائفَه اسرائیل داوری مِهِینو.

لوقا 14:22

خِلمَتکارِهَه وِتی: ”اِاِ آقا، فِربونِهَت اَنجوم گِرتی، مِنتائای هَنی جا هَس.“

لوقا 22:30

تاگَه اِنوم پاتِشائی مِه، اَرسر سِفِرَه مِه بیرینون ئو خُرّ دِینو ئو بنیشینون‌ اَرسر تختَل ئو داوری بِهِینون اَر دوازَه طائفَه اسرائیل.

کارَل رسولَل 26:7

یَه هَراَ وَدَه‌‌سَ گه دوازَه طائفَه‌مو اژ تیَه دلا، شو ئو روژ وَه ایی امیدَ گه بارنیَ دس، عَبادتَ مَهَن. اِاِ پاتِشا، هَراَ خاطر ایی امیدَسَ گه یهودیَل مِه مَکومَ مَهَن.

رومیان 9:27

ئو اِشعیا پِخَمَر اِبارَه قوم اسرائیلَ مَقارونی گه: «جُ‌جُ اَرّ شِمار قوم اسرائیل چَن هُسَل دریا بو، فَخَد بِری اَژینو نجادَ مَگِرِن.

یعقوب 1:1

اژ یعقوب، گه خُلُم خدا ئو عیسی مسیح خداونَ، وَه دوازَه طائفَه اسرائیل گه اِ کُل دنیا پَشخِ‌پِلاآ بینَ. سِلام!

مِکاشفَه 14:1

اَسَه سِیلِم کِرد ئو وَرکِم دی هوسیاس اَرسر کوی صَهیون ئو صد ئو چِل ئو چوار هزار نفرَ گَرد بینی گه نُم او ئو نُم باوِه نُیسیائی اِنوم توئلو.

مِکاشفَه 14:3

ئو اَرتَک تخت ئو اَ چوار موجود زِنیَ ئو ریش‌اَسبیَل، سروء تازه‌ئونی مَحیوَن. ئو کس نتونستی اَ سروءَ آبِگِری، مَر اَ صد ئو چِل ئو چوار هزار نفرَ گه اژ نوم مردِم زَمی اِدوارَه خِریائین.

مِکاشفَه 7:5

اژ طائفَه یهودا دوازَه هزار نفر میر بین، اژ طائفَه رِئوبین، دوازَه هزار نفر، اژ طائفَه جاد، دوازَه هزار نفر،

مِکاشفَه 9:16

شِمار اَ سُوارَلشگرَ دوهیس مِلیو بی، گه شِمارِم شنَفتِن.