مِکاشفَه 7:2 - کتاب مقدس به زبان لکی - گویش مرکزی

² اَسَه فریشدِه‌‌‌ی‌تِرِم دی گه اژ جای گه هویَرَ مِ ماءِ رُ ئو میر خداءِ زِنی هایتیَ بی، ئو وَه دَنگ کَلِنگ هِنا کِردیَ اَ چوار فریشدَه گه قدِرتو دائیونو گه ضِرَد بیَنَ زمین ئو دریا،

مِکاشفَه 7:2 Iomraidhean Croise

مَتّی 16:16

شَمعونِ پطرس جوواوا داتی: «تو هَراَ مسیحینَ گه باس بای، کُر خداءِ زِنی!»

مَتّی 26:63

مِنتائای عیسی هَرهُنَ بی‌کِش مَن. کاهن اعظم وِتون: «قسمتَ میَمَ خداءِ زِنی گه اَرّ تو هَراَ مسیحینَ گه باس بای، کُر خدا، بوشَ ایمَه؟»

یوحنا 6:27

کار کَن، مِنتائای نه اَرِه خوراکی گه اژ بِنَ مَچو، بلکِم اَرِه خوراکی گه تا ژییاین ابدیَ مَمینی، خوراکی گه کُر اِنسونَ مِئَه بینتو. اَرِیَگه خداءِ باوَه میر تایید داس اَری.»

دوئِم قُرَنتیان 1:22

ئو میر مالکیت ووژ داسی اَر ایمَه ئو روحِ ووژ اِجور بِعونَه ناسی اِنوم دلَلمو.

اَفِسُسیَل 1:13

هُمِه‌یش وخدی گه کلوم حخیختتو شنَفت، یانی هَراَ خَوَر خَوش نجادتونَ؛ ئو ایمونتو آوِرد اَر او، اِنوم او وَه روح‌القدسی گه وَدَه هاوِنتیَ میر بینو،

اَفِسُسیَل 4:30

روحِ قدوس خدا گه وَه او اَرِه روژ نجاد میر بینونَ، خَمین نَهَن.

اول تِسالونیکیَل 1:9

اَرِیَگه اونَل ووژو اژ یَگه چطور وَه گرمی چینونَسِ گِرد ایمَه اَرِنمونَ موشِن ئو اژ یَگه چطور بِتَلتو ناءِ لا ئو گِلتوناهُارد ویرِ خدا تاگَه خِلمت اژ خداءِ حخیخی ئو زِنی بِهِینو.

دوئِم تیموتائوس 2:19

وَه ایی حالا بِناوَه موکَمی گه خدا ناسی، پایارَ ئو هُنَ میر بیَ گه: «خداون کسَل ووژَ مَشتاسی،» ئو «هر کی نُم خداون باریَ زوئو باس اژ نادُریسی دویرا بِگِری.»

عِبرانیَل 12:22

مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال،

مِکاشفَه 1:3

خَوزگالَ اَوَه گه کلوم ایی نبوّتَ مَحیوَنی ئو خَوزگالَ اونَلی گه مَشتوئِنی ئو اَ چیئَه گه نُیسیاس اِنوم مارِنَ جا، اَرِیَگه وخد نزیکَ.

مِکاشفَه 10:1

اَسَه دیم فریشدَه زورداری‌تِر اژ آسمونَ ماءَ هُار گه اُری اِراگِرتوئی ئو سُزوتُیلی اَر بِلِنگ سر بیتی. نوم‌رُی چُی هویَر بیتی ئو پالی چُی سُتینل آگِر.

مِکاشفَه 10:4

ئو وخدی اَ هفت گِرِمهُرَ هاتِنِ قصَه، مِئستِم بِنُیسِنِم؛ مِنتائای دَنگمی اژ آسمو شنَفت گه موئِتی: «اَ چیئَه گه اَ هفت گِرِمهُرَ وِتونَ، میرِموم کَ ئو نَنُیسِن.»

مِکاشفَه 16:12

فریشدَه شَشِمینِهَه جُم ووژ رِشونی اَررُی روو کَلِنگ فُرات، ئو آو حُشگا بیتی، تاگَه رئی اَرِه پاتِشائَل شرق آمادَه بو.

مِکاشفَه 5:2

ئو فریشدَه زوردارمی دی گه وَه دَنگ کَلِنگا اِلومَ مَهَردی: «کیَ گه لائقَ طومارِهَه واز کِ ئو میرَلی بشکِنی؟»

مِکاشفَه 8:3

ئو فریشدِه‌ی‌تِر هات گه مَخَل طِلایَ بی بیتی ئو هوسیا اَرتَک قُرونی‌گا، ئو بِخور فِرِه‌ئونی داءَ بی تاگَه وَه‌گَرد دوعائَل کُل ایمودارَل مسیح، اَررُی قُرونی‌گا طِلا گه ها اَر وَر تخت پیشکَش بِهِه.

مِکاشفَه 9:14

گه موئِتیَ فریشدَه شَشِمینِهَه گه شِپور داشدی: «اَ چوار فریشدَه گه اَرتَک روو کَلِنگ فُرات هانِ بَن‌اِر، آزاد کَ.»

مِکاشفَه 9:4

ئو وِتون‌ئونو گه ضِرَد نیَن اَر مَرِنَل رُی زَمی ئو نه اَر هُیچ گیای ئو نه اَر هُیچ داری، بلکِم فَخَد اَر مردِمی گه میر خدا اَر توئلو نِرِن.