مِکاشفَه 7:14 - کتاب مقدس به زبان لکی - گویش مرکزی

¹⁴ مِه وِتم‌ئون: «اِاِ آقا، تونَ مَذانین.» ئو او وِتی‌ئونِم: «یوئنَ هَراَ کسَلِنَ گه اژ عذاو کَلِنگ هاتِنَسَ دِریر، اونَل چوخائَل ووژون اِ خوین وَرک شوریَ ئو اِسبیا کِردیَ.

مِکاشفَه 7:14 Iomraidhean Croise

مَتّی 24:21

اَرِیَگه اِ اَ زمونَ ماوَ هُنَ مِصیوَت کَلِنگی گه اِجور اَوَه اِ اول دنیا تاگَه اِسگَه اتفاق نَکَتیَ، ئو هرگِس‌یش نِمَکُوءِ.

مَرقُس 13:19

اَرِیَگه اِ اَ روژِلَ هُنَ مِصیوَتی ماو گه اِجور اَوَه، اژ اَ اول دنیا گه خدا خَلک کِردیِ تاگَه اِسگَه اتفاق نَکَتیَ ئو هرگِس‌یش نِمَکُوءِ.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

رومیان 5:3

نه فَخَد یَه، بلکِم اِ عذاوَل‌یش خَوشیَ مِهِیم، اَرِیَگه مَذانیم گه عذاوَل طاخَتَ ماریَ بار

اول قرنتیان 6:11

بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ.

دوئِم تِسالونیکیَل 1:4

اَژونَسَ ایمَه اِنوم کلیسائَل خدا وَه خاطر دَرین‌داری ئو ایمونتو اِ تیَمِل مِصیوَتَل ئو سخدیَل افتخارتونَ بینَ مِهِیم.

عِبرانیَل 13:12

اِسَه، عیسی‌ش اژ دروازَه شیَر اِ در عذاو کیشیتی تا وَه خوین ووژ، قوم مقدّسا کِ.

عِبرانیَل 9:14

چَنی ویشتِر، خوین مسیح گه وَه‌سونگَ روحِ ابدی، ووژ بی‌عِو پیشکَش کِردی اَر خدا، وِژدان ایمَه اژ کارَل بی‌ثمر پاکا مِهِه تاگَه خِلمت اژ خداءِ زِنی بِهِیم!

اول پطرس 1:19

بلکِم وَه خوین خیمتی مسیح، اِجور خوین وَرکی بی‌عِو ئو بی‌لکَه.

اول یوحنا 1:7

مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

مِکاشفَه 1:5

ئو اژ جونِم عیسی مسیح، اَ شات وفادارَ ئو اول کسی گه اژ مِردیَل زِنیا بی، ئو حکِمرون پاتِشائَل رُی زَمی. او گه ایمَه دوس دیری ئو وَه خوین ووژ، ایمَل اژ گنائَلمو آزاد کِردیِ،

مِکاشفَه 12:11

ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.

مِکاشفَه 15:2

ئو چیمی دی گه هَماری دریای بی اژ شیشَه گه وَه‌گَرد آگِر هاوِنتوئیَ یَک‌اِرا، ئو هَمیش اونَلی گه فائق هاتوئین اَر جونور وَشی ئو مِجسمِهِه ئو نِمِرَه نُمی، دینِم گه هوسیانَس اَر لو دریا شیشَه ئو چَنگل خدائونِ دَسا بی.

مِکاشفَه 17:6

ئو دیم گه اَ ژِنَ اژ خوین ایمودارَل مسیح ئو خوین شهیدَل عیسی مَس بی. هَریَگه اوئِم دی اژ ووژما چِم.

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.

مِکاشفَه 22:14

خَوزگالَ اونَلی گه چوخائَل ووژونَ مَشورِن تا حخ هُاردِن اژ دار ژییاینو داشدوئی ئو بتونِن اژ دروازَه‌ل شیَر بان اِنوم.

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛

مِکاشفَه 7:9

دُما اَوَه سِیلِم کِرد ئو اِسگَه، جَرخَه کَلِنگی اژ هر ملت، طائفَه ئو قوم ئو زوئونِم دی گه کس نِمَتونی بشمارتی ئو کُلو هوسیائین اَر وَر تخت ئو اَر وَر وَرک. اونَل کُل چوخائَل اِسبی اِوَرو بی ئو پَلَل خرما اِ دَسو.