مِکاشفَه 7:10 - کتاب مقدس به زبان لکی - گویش مرکزی

¹⁰ ئو اونَل وَه دَنگ کَلِنگَ مَقارونو: «نجاد هِن خداءِ ایمِئَه، گه نیشتیَس اَر تخت؛ ئو هِن وَرکَ.»

مِکاشفَه 7:10 Iomraidhean Croise

لوقا 3:6

ئو کُل آمَل نجاد خداءَ موئینِن.“»

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

یوحنا 1:36

او سِیل کِردی اَر عیسی گه داشدی ردَ موئیا، ئو وِتی: «یَسَ وَرک قُرونی خدا!»

یوحنا 4:22

هُمَه اَ چیئَه گه نِمَشتاسینو مَپِرَسینو، مِنتائای ایمَه اَ چیئَه گه مَشتاسیمو مَپِرَسیم، اَرِیَگه نجاد وَه‌سونگَ یهودیِلَ مای.

اَفِسُسیَل 2:8

اَرِیَگه وَه فیض ئو وَه‌سونگَ ایمو نجادتو گِرتیَ -ئو یَه اژ ووژتو نیَ، بلکِم عطا خداءَ-

مِکاشفَه 12:10

اَسَه دَنگ کَلِنگمی اِنوم آسمو شنَفت گه موئِتی: «اِسگَه نجاد ئو قویَت ئو پاتِشائی خدامو، ئو قدِرت مسیحِ او هاتیَ. اَرِیَگه اَ بُختِم‌چی بِرال ایمَه گه شو ئو روژ اَرتَک خدامو، بُختِمَ مِ اَرینو، آوشدونَس اَر زَمی.

مِکاشفَه 19:1

دُما اَوَه، دَنگمی شنَفت اِجور قارَه جیَمیَت کَلِنگی اِنوم آسمو، گه موئِتو: «هَلِلویاه! نجاد ئو جِلال ئو قدِرت هِن خداءِ ایمِئَه،

مِکاشفَه 21:5

اَسَه اَوَه گه نیشتوئی اَرسر تخت وِتی: «اِسگَه کُل چی نووآ مَهَم.» ئو وِتی: «یوئنَ بِنُیسِن اَرِیَگه ایی قصه‌لَ ماو اِتِمادَ بینو کِین ئو راسِن.»

مِکاشفَه 22:3

ئو دیَر هُیچ لیَنی نیَ. بلکِم تخت خدا ئو تخت وَرک هایتی اِنوم ئو خادمَلی عَبادتَ مَهَنی.

مِکاشفَه 4:6

ئو اَر وَر تختِهَه، هَماری دریای اژ شیشَه بی اِجور بِلور. ئو دورادور تخت، اِ هر لای اژ اَ تختَ، چوار موجود زِنی بی گه اژ وَر ئو دُما پِر اژ چیَمَ.

مِکاشفَه 5:7

ئو وَرکِهَه هاتِ وَر ئو طومارِهَه اژ دس راس او گه نیشتوئی اَر تخت، سَنی.