مِکاشفَه 7:1 - کتاب مقدس به زبان لکی - گویش مرکزی

¹ دُما اَوَه چوار فریشدَه‌‌‌م دی گه هوسیانَس اَر چوار سویک زَمی ئو نوا چوار وا زمینَ مَگِرِن تا هُیچ وای نَچو اَررُی زمین ئو دریا ئو هُیچ داری.

مِکاشفَه 7:1 Iomraidhean Croise

مَتّی 24:31

او فریشدَه‌ل ووژ وَه دَنگ کَلِنگ شِپور کِلَ‌مِهِه ئو اونَل دیاری‌بیَل خدا اژ چوار سویک دنیا اژ یِه پر آسمو تاگَه اَ پر، جیَمَ مَهَن اَر دور یَکا.

مَرقُس 13:27

او فریشدَه‌ل کِلَ‌مِهِه ئو آمَلی گه ووژ دیاری کِردِنِ اژ چوار سویک دنیا، اژ ایی سر زَمی تاگَه اَ سر آسمو جیَمَ مِهِه اَر دور یَک.

مِکاشفَه 20:8

ئو ماءَ دِریر اَرِه فن دائِن ملتَلی گه هانِ چوار سویک زَمی، یانی جوج ئو ماجوج گه شِمارو اِجور هُسَل دریاءَ، تا اَرِه جنگ جیَمو بِهِه.

مِکاشفَه 6:6

ئو اِنومجا اَ چوار موجود زِنیَ چیمی اِجور دَنگی شنَفت گه موئِتی: «یِه کیلَه گَنِم، وَه یِه دینار، سه کیلَه جو وَه یِه دینار؛ مِنتائای وَه روین ئو شِراو ضِرَد نیَ!»

مِکاشفَه 7:3

ئو وِتی: «وِر اژ یَگه میر بِیم اَر توئل خادمَل خدامو، ضِرَد نیَن اَر زمین ئو دریا ئو دارَل.»

مِکاشفَه 8:7

فریشدَه اولینِهَه پِف کِردی اِنوم شِپورِهِه، ئو بیَ توئِرگ ئو آگِر گه وَه‌گَرد خوین هاوِنتوئینَ یَک‌اِرا، ئو رِشیان اَر زمین‌اِرا ئو یِه‌سِئِم اژ زَمی سُت ئو یِه‌سِئِم اژ دارَل سُتِن، ئو کُل سُزِلَکوئَل سُتِن.

مِکاشفَه 9:14

گه موئِتیَ فریشدَه شَشِمینِهَه گه شِپور داشدی: «اَ چوار فریشدَه گه اَرتَک روو کَلِنگ فُرات هانِ بَن‌اِر، آزاد کَ.»

مِکاشفَه 9:4

ئو وِتون‌ئونو گه ضِرَد نیَن اَر مَرِنَل رُی زَمی ئو نه اَر هُیچ گیای ئو نه اَر هُیچ داری، بلکِم فَخَد اَر مردِمی گه میر خدا اَر توئلو نِرِن.