مِکاشفَه 6:9 - کتاب مقدس به زبان لکی - گویش مرکزی

⁹ وخدی وَرکِهَه میرَ پنجِمینِهَه واز کِردی، مِن اِژیر قُرونی‌گا، گیونَل کَسَلمی دی گه اَرِه کلوم خدا ئو شاتیَلونی گه دائی کُشِریائین.

مِکاشفَه 6:9 Iomraidhean Croise

یوحنا 16:2

هُمَل اژ عَبادتگائَل یهودَ ماوژِنَ دِریر ئو جُ‌جُ زمونی مای گه هر کی هُمَه بِکُشی، گُمونَ مِهِه گه خِلمت کِردیَسی اَر خدا.

دوئِم قُرَنتیان 5:8

اَاَ، جسوریم، ئو ایمَه یَه بیتِرَ مَذانیم گه اژ ایی لارَ دویر بوئیمو ئو اَرتَک خداون مالمو داشدوئی.

فیلیپیَل 1:23

مِن اِنومجا یوئنَ گیرِم کِردیَ. آواخد ووژِم یَسَ گه اژ ایی دنیاءَ بِچِم ئو وَه‌گَرد مسیح بوئم، اَرِیَگه یَه فِرَه بیتِرَ.

فیلیپیَل 2:17

جُ‌جُ اَرّ لازم بو خوین مِه اِجور شِراوی گه وَخم بیَ، بِرِشی‌ اَر رُی پیشکَشی قُرونی ایمو هُمَه، خَوشالِم ئو وَه‌گَرد کُل هُمَه خَوشیَ مَهَم.

دوئِم تیموتائوس 1:8

اِسَه اژ شاتی دائِن اَر خداون ایمَه عارِت نای ئو اژ مِن‌یش گه وَه خاطر او هامِ زندون‌اِر، بلکِم تونیش وَه قدِرت خدا اِ عذاو کیشین وَه خاطر انجیل شریک بو.

دوئِم تیموتائوس 4:6

اَرِیَگه خوین مِه هَراِسگَه اِجور پیشکَشی شِراو، دیری مَرِشی‌اِرا ئو وخد چیئِنِم اژ ایی دنیاءَ رَسیَ.

عِبرانیَل 12:23

ئو اَر کلیسا اول‌زائَلی گه نُمون اِنوم آسمو نُیسیاءَ. نزیکا بینونَس اَر خدای گه داور کُلَ، ئو اَر روحَل آمَل صالحی گه کاملا بینَ،

مِکاشفَه 1:2

گه شاتیَ مِ اَر کلوم خدا ئو اَر شاتی عیسی مسیح، یانی اَر هر چی گه دیتی.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 14:18

ئو فریشدِه‌ی‌تِر اژ قُرونی‌گا هاتَ دِریر گه اَر آگِر قدِرت‌واختیار داشدی ئو وَه دَنگ کَلِنگ وِتیَ اَوَه گه داس تیژِهَه داشدی: «داس تیژِت هیزدَ ئو حوشَه‌ل اژ دار مو زَمی گِردا کَ، اَرِیَگه انگویرَل رَسینَسی.»

مِکاشفَه 16:7

ئو شنَفتِم قُرونی‌گاءَ موشی: «اَاَ، اِاِ خداون خداءِ قادرِ مطلق، داوریَل تو حخ ئو عدلَ.»

مِکاشفَه 19:10

اَسَه کَتم اَررُی پالی تا عَبادت کَمی. مِنتائای او وِتی‌ئونِم: «ناخواد هُنَ بِهِین! اَرِیَگه مِن‌یش هُم‌قطار تون ئو بِرالتِم گه سفدِسخد مَچسبِن اَر شاتی عیسی‌آ. خدا بِپِرَس! اَرِیَگه شاتی عیسی، روحِ نبوّتَ.»

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 20:4

اَسَه تختَلمی دی ئو کسَلی نیشتوئین اَررُیو گه قدِرت‌واختیار داوریو دائی‌ئونو. هَمیش گیونَل کَسَلمی دی گه وَه خاطر شاتی دائِن اَر عیسی ئو اَر کلوم خدا سرونا بِریائی، ئو کسَلی گه اَ جونور وَشیَ یا مِجسمِهِه‌ئو نَپِرَسوئی ئو نشونَه اَوُن اَر دس ئو توئل ووژو قبول نَهَردوئی. یوئنَ اِدوارَه اژ مِردیَل زِنیا بین ئو هزار سال وَه‌گَرد مسیح سِلطنتو کِرد.

مِکاشفَه 8:3

ئو فریشدِه‌ی‌تِر هات گه مَخَل طِلایَ بی بیتی ئو هوسیا اَرتَک قُرونی‌گا، ئو بِخور فِرِه‌ئونی داءَ بی تاگَه وَه‌گَرد دوعائَل کُل ایمودارَل مسیح، اَررُی قُرونی‌گا طِلا گه ها اَر وَر تخت پیشکَش بِهِه.

مِکاشفَه 9:13

فریشدَه شَشِمینِهَه پِف کِردی اِنوم شِپورِهِه، ئو مِه دَنگمی اژ چوار شاخ قُرونی‌گا طِلا گه هار تک خدا، شنَفت؛