مِکاشفَه 6:6 - کتاب مقدس به زبان لکی - گویش مرکزی

⁶ ئو اِنومجا اَ چوار موجود زِنیَ چیمی اِجور دَنگی شنَفت گه موئِتی: «یِه کیلَه گَنِم، وَه یِه دینار، سه کیلَه جو وَه یِه دینار؛ مِنتائای وَه روین ئو شِراو ضِرَد نیَ!»

مِکاشفَه 6:6 Iomraidhean Croise

مَتّی 24:7

هَمیش قومی اَرضد قومی‌تِر ئو مملکتی اَرضد مملکتی‌تِر هیزَمَگِری. ئو قیَطیَل ئو زَمی‌لرزَه‌ل اِنوم جال جوراجورَ مای.

مِکاشفَه 4:6

ئو اَر وَر تختِهَه، هَماری دریای اژ شیشَه بی اِجور بِلور. ئو دورادور تخت، اِ هر لای اژ اَ تختَ، چوار موجود زِنی بی گه اژ وَر ئو دُما پِر اژ چیَمَ.

مِکاشفَه 4:8

ئو اَ چوار موجود زِنیَ هر کُم شَش بال دیرِن، ئو دورادورو ئو نومو پِر اژ چیَمَ، ئو شو ئو روژ یِمِجوءَ موشِن: «قدوس، قدوس، قدوسَ خداون، خداءِ قادر مطلق، او گه بی ئو هَس ئو مای.»

مِکاشفَه 7:3

ئو وِتی: «وِر اژ یَگه میر بِیم اَر توئل خادمَل خدامو، ضِرَد نیَن اَر زمین ئو دریا ئو دارَل.»

مِکاشفَه 9:4

ئو وِتون‌ئونو گه ضِرَد نیَن اَر مَرِنَل رُی زَمی ئو نه اَر هُیچ گیای ئو نه اَر هُیچ داری، بلکِم فَخَد اَر مردِمی گه میر خدا اَر توئلو نِرِن.