مِکاشفَه 6:12 - کتاب مقدس به زبان لکی - گویش مرکزی

¹² ئو وخدی وَرکِهَه میرَ شَشِمینِهَه واز کِردی، مِه سِیلِم کِرد، اَسَه زمی‌لرزَه کَلِنگی هات ئو هویَر اِجور پِلاس، سیا بی ئو مُنگ کامل، بی اِجور خوین.

مِکاشفَه 6:12 Iomraidhean Croise

مَتّی 11:21

«هِرّو اَرِنِت، اِاِ شیَر خورَزین! هِرّو اَرِنِت، اِاِ شیَر بِیت‌صِیْدا! اَرِیَگه اَرّ مُجِزَه‌لی گه اِنوم هُمَه اَنجوم گِرتی، اِنوم شیَرَل صور ئو صِیدون اَنجومَ مَگِرتی، مردِم اورَه زویتِر اژ یَه، وَه پِلاس اِوَر کِردِن ئو هَری اِ سر گِرتِن، توئه‌ئو کِردوئی.

مَتّی 24:29

«هِرازِه، دُما مِصیوَت اَ روژِلَ «”هویَر تیَریکا ماو ئو مُنگ دیَر نُیر نِمِ؛ آسارَه‌ل اژ آسمونَ مَرِشِن‌اِرا، ئو قدِرتَل آسمونِلَ مانِ رِکَه.“

مَتّی 24:7

هَمیش قومی اَرضد قومی‌تِر ئو مملکتی اَرضد مملکتی‌تِر هیزَمَگِری. ئو قیَطیَل ئو زَمی‌لرزَه‌ل اِنوم جال جوراجورَ مای.

مَتّی 27:45

اژ سات دوازَه تاگَه سات سه دُمانیمَرو، تیَریکی کُل اَ وِلاتَ اِراگِرتی.

مَتّی 27:54

وخدی فرموندَه سَروازَل ئو کسَلی گه نگبونی عیسی‌ئونَ ما، زمی‌لرزَه ئو کُل ایی چیئِلونَ دی، زِلَ‌تِراقا بین، وِتو: «اِراسی او کُر خدا بی.»

مَتّی 28:2

یِگِلی بیَ زمی‌لرزَه سخدی، اَرِیَگه یَکی اژ فریشدَه‌ل خداون اژ آسمو هاتَ هُار ئو چی ویرِ لَحَکِهَه ئو بَردِهَه اژ وَر پِل داءِ لا، ئو نیشتی اَرسر.

مَرقُس 15:33

اژ سات دوازَه تاگَه سات سه دُما نیمَرو تیَریکی کُل اَ وِلات‌اِرا گِرتی.

مِکاشفَه 11:13

ئو هَراَ ساتَ، بیَ زمی‌لرزَه کَلِنگی ئو یِه‌دیَهِم اژ شیَر رِمیا ئو هفت هزار نفر اِنوم اَ زمی‌لرزَه کُشِریان ئو باقی اونَل زِلَ‌تِراقا بین ئو خداءِ آسمونو جِلال دا.

مِکاشفَه 16:18

اَسَه بیَ تَش‌بریقَل ئو گِرِمَل ئو گِرِمهُرَل، ئو زمی‌لرزَه کَلِنگی هات، هُنَ گه اژ زمونی گه اِنسون اَررُی زَمی زِنِه‌یَ مَهَردی، ناهاتوئی.

مِکاشفَه 16:8

فریشدَه چوارِمینِهَه جُم ووژ رِشونی اَررُی هویَر، ئو صِلائو داءَ هویَر تا آگِر بِنیِ مردِم.

مِکاشفَه 8:12

فریشدَه چوارِمینِهَه پِف کِردی اِنوم شِپورِهِه، ئو ضرپَه هاوِنت اَر یِه‌سِئِم اژ هویَر، ئو یِه‌سِئِم اژ مُنگ، ئو یِه‌سِئِم اژ آسارَه‌ل، هُنَ گه یِه‌سِئِم اَژینو تیَریکا بی، ئو یِه‌سِئِم اژ روژ بی‌نُیر مَن ئو هَمیش یِه‌سِئِم اژ شو.

مِکاشفَه 8:5

اَسَه فریشدِهَه مَخَلِهَه هیزداتی ئو پِرا کِرد اژ آگِر قُرونی‌گا ئو آوشدی اَررُی زَمی، ئو بیَ گِرِمَل ئو گِرِمهُرَل ئو تَش‌بریقَل ئو زمی‌لرزَه.