مِکاشفَه 6:1 - کتاب مقدس به زبان لکی - گویش مرکزی

¹ اَسَه دیم گه وَرکِهَه یَکی اژ هفت میرَل اِشکونی، ئو شنَفتِم گه یَکی اژ اَ چوار موجود زِنیَ وَه دَنگی اِجور گِرِمهُر وِتی: «بوری!»

مِکاشفَه 6:1 Iomraidhean Croise

یوحنا 1:29

وَه صوایکا، یحیی وخدی عیسی دیتی گه ماهاتی اَرِه تک، وِتی: «یَسَ وَرک قُرونی خدا گه گنا اژ دنیا هیزَمِ!

کارَل رسولَل 4:20

اَرِیَگه ایمَه نِمَتونیم اَ چیئَه گه دیمونَ ئو شنَفتِمونَ، تیَریف نِهِیم.»

مِکاشفَه 11:19

اَسَه معبد خدا اِنوم آسمو واز بی؛ ئو صَنُق عَت خدا اِنوم معبد او دیارا بی؛ ئو بیَ تَش‌بریقَل ئو گِرِمَل ئو گِرِمهُرَل ئو زمی‌لرزَه ئو توئِرگ سخد.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 14:2

ئو دَنگمی اژ آسمو شنَفت اِجور هوفَه آوَل فِرَه ئو اِجور دَنگ گِرِمهُر کَلِنگی؛ اَ دَنگمَ گه شنَفت اِجور دَنگ سازِنَل چِنگ بی حِنی گه چِنگ ووژونَ مَژَنِن.

مِکاشفَه 19:6

اَسَه دَنگی اِجور قارَه جیَمیَت کَلِنگمی شنَفت، اِجور هوفَه آوَل فِرَه، ئو اِجور دَنگ کَلِنگ گِرِمهُرَل، گه موئِتی: «هَلِلویاه! اَرِیَگه خداون خداءِ ایمَه، اَ قادر مطلقَ، سِلطنتَ مِهِه.

مِکاشفَه 4:8

ئو اَ چوار موجود زِنیَ هر کُم شَش بال دیرِن، ئو دورادورو ئو نومو پِر اژ چیَمَ، ئو شو ئو روژ یِمِجوءَ موشِن: «قدوس، قدوس، قدوسَ خداون، خداءِ قادر مطلق، او گه بی ئو هَس ئو مای.»

مِکاشفَه 5:1

اَسَه طومارمی اِ دس راس اَوَه گه نیشتوئی اَرسر تخت دی، گه اِ وَر ئو پِشت نُیسیائیتی ئو وَه هفت میر، میرِموم بوئی.

مِکاشفَه 5:12

ئو وَه دَنگ کَلِنگا موئِتو: «اَ وَرکَ گه قُرونی بیَ لائقَ گه قویَت ئو دولَمَنی ئو حکمت ئو قدِرت، ئو عزّت ئو جِلال ئو بِرَکت پیشکَش بوتی اَری.»

مِکاشفَه 5:8

ئو هَریَگه او طومارِهَه سَنی، اَ چوار موجود زِنیَ ئو اَ بیس ئو چوار ریش‌اَسبیَ اَر وَر وَرکِهَه کَتن اَر زَمی. اونَل هرکُم چَنگ ئو جُمَل طِلا پِر اژ بِخور گه هَراَ دوعائَل ایمودارَل مسیحَسَ، وَه دَسونا بی.

مِکاشفَه 6:3

وخدی وَرکِهَه میرَ دوئِمینِهَه واز کِردی، شنَفتِم گه موجود زِنی دوئِمینِهَه وِتی: «بوری!»

مِکاشفَه 6:5

وخدی وَرکِهَه میرَ سِئِمینِهَه واز کِردی، شنَفتِم گه موجود زِنی سِئِمینِهَه وِتی: «بوری!» ئو مِه سِیلِم کِرد، اَسَه اسب سی‌ای بی ئو سُوارِهِه تِرازی‌ای اِ دس بیتی.

مِکاشفَه 6:7

وخدی گه وَرکِهَه میرَ چوارِمینِهَه واز کِردی، شنَفتِم گه موجود زِنی چوارِمینِهَه موئِتی: «بوری!»

مِکاشفَه 8:1

هَریَگه وَرکِهَه میرَ هفتِمینِهَه اِشکونی، اَرِه نزیک اَر نیم سات اِنوم آسمو بیَ کِشمات.