مِکاشفَه 4:11 - کتاب مقدس به زبان لکی - گویش مرکزی

¹¹ «اِاِ خداون، خداءِ ایمَه، تو لائقین گه جِلال ئو عزّت ئو قدِرت پیشکَش بو اَرینِت، اَرِیَگه تو کُل چیئِت خَلک کِرد، ئو کُل چی وَه خواس تو وِجود گِرتی ئو خَلک بی.»

مِکاشفَه 4:11 Iomraidhean Croise

کارَل رسولَل 14:15

«اِاِ پیال، اَرِه‌چَه هُنَ مِهِینو؟ ایمِه‌یش چُی هُمَه اِنسونیم. ایمَه خَوَر خَوش پاتِشائی خدا مِیم‌ئونتو گه اژ ایی چیئَل باطلَ دس هیزدِینو ئو ویرِ خداءِ زِنی اِربِپِلینو گه آسمون ئو زمین ئو دریا ئو هر چیئی گه ها نومون‌اِر، خَلک کِردی.

کارَل رسولَل 17:24

«خدای گه دنیا ئو هر چی گه هایت اِنوم‌اِر خَلک کِردیِ، خداون آسمون ئو زمینَ ئو لیز نِمَگِری اِنوم معبدَلی گه اِنسون آوشدیَ.

رومیان 11:36

اَرِیَگه کُل چی اژ او، ئو وَه‌سونگَ او، ئو اَرِه اوءَ. جِلال اَر او تا ابد. آمین.

اَفِسُسیَل 3:9

ئو اَرِه کُل کس باوژمِ در گه نشقَه رازی گه اِ دورَه‌ل قدیم اَر تک خدای گه کُل چی خَلک کِردی پنهو مَنوئی، چَه بی.

عِبرانیَل 1:10

ئو هَمیشَ موشی: «تو، اِاِ خداون، اژ اَ اولَ بِناوَه زمینِت نا، ئو آسمونَل کار دَسَل تونِن!

عِبرانیَل 1:2

مِنتائای اِ ایی روژَل آخِرَ وَه‌سونگَ کُر ووژ وَه‌گَرد ایمَه قصَه کِردیِ، هَراَ کُرَ گه کِردیِ وارث کُل چی ئو وَه‌سونگَ او دنیا خَلک کِردی.

مِکاشفَه 1:6

ئو ایمَه کِردیَ مملکت ئو کاهنَلی اَرِه خدا، باوَه ووژ، جِلال ئو سِلطنت اَر او تا ابد. آمین.

مِکاشفَه 10:6

ئو قسم هُاردیَ او گه تا ابدالآباد زِنیَ ئو آسمون ئو هر چیئی گه هایتی‌اِر ئو زمین ئو هر چیئی گه هایتی‌اِر ئو دریا ئو هر چیئی گه هایتی‌اِر خَلک کِردی، ئو وِتی گه دیَر ویشتِر اژ یَه دیر نِماو.

مِکاشفَه 14:7

او وَه دَنگ کَلِنگ وِتی: «اژ خدا زِلَتو بِچو ئو جِلال دَنی، اَرِیَگه سات داوری رَسیَسی، ئو او عَبادت کَن گه آسمون ئو زمین ئو دریا ئو کیَنیَل آو خَلک کِردی.»

مِکاشفَه 19:1

دُما اَوَه، دَنگمی شنَفت اِجور قارَه جیَمیَت کَلِنگی اِنوم آسمو، گه موئِتو: «هَلِلویاه! نجاد ئو جِلال ئو قدِرت هِن خداءِ ایمِئَه،

مِکاشفَه 5:12

ئو وَه دَنگ کَلِنگا موئِتو: «اَ وَرکَ گه قُرونی بیَ لائقَ گه قویَت ئو دولَمَنی ئو حکمت ئو قدِرت، ئو عزّت ئو جِلال ئو بِرَکت پیشکَش بوتی اَری.»

مِکاشفَه 5:2

ئو فریشدَه زوردارمی دی گه وَه دَنگ کَلِنگا اِلومَ مَهَردی: «کیَ گه لائقَ طومارِهَه واز کِ ئو میرَلی بشکِنی؟»

مِکاشفَه 5:9

ئو سروء تازه‌ئونی حیوَن، گه موئِتی: «تو لائق سَنِن طومارین ئو لائق اِشکونِن میرَل اَوَه، اَرِیَگه قُرونی بین ئو وَه خوین ووژِت، مردِمِت اژ هر طائفَه ئو زوئون ئو قوم ئو ملت، اَرِه خدا خِری؛