مِکاشفَه 4:10 - کتاب مقدس به زبان لکی - گویش مرکزی

¹⁰ اَ بیس ئو چوار ریش‌اَسبیَ اَر وَر او گه نیشتیَس اَرسر تخت، مَکُوئِن اَر زَمی، ئو او گه تا ابدالآباد زِنیَ عَبادتَ مَهَن ئو تاجَلونَ ماوژِن اَر وَر تخت او ئو موشِن:

مِکاشفَه 4:10 Iomraidhean Croise

مَتّی 2:11

وخدی چِن اِنوم مالِهَه، آویلِهَه‌ئونَ گَرد مریم دای دی، وَه رُیا کَتِن اَر زَمی، اَ آویلونَ پِرَسی. اَسَه صنُقچَه‌ل ووژو واز کِرد ئو پیشکَشیَل طِلا ئو ژوئی ئو مُرو پیشکَش کِرد اَری.

لوقا 24:52

ئو کُل اوُ پِرَسی ئو وَه خَوشی فِرِه‌یکا گِلوناهُارد اِرَه اورشلیم،

اول قرنتیان 15:10

مِنتائای وَه فیض خدا، مِه یَئمَ گه اِسگَه هم، ئو فیض او اَرِنِم بی‌ثمر نوئیَ. برعسک، مِه سخدتِر اژ کُل اونَل کارِم کِرد، وَه‌یاآگه مِه ووژِم نوئیم، بلکِم اَ فیض خدا بیَ گه وَه‌گَردِم بی.

مِکاشفَه 10:6

ئو قسم هُاردیَ او گه تا ابدالآباد زِنیَ ئو آسمون ئو هر چیئی گه هایتی‌اِر ئو زمین ئو هر چیئی گه هایتی‌اِر ئو دریا ئو هر چیئی گه هایتی‌اِر خَلک کِردی، ئو وِتی گه دیَر ویشتِر اژ یَه دیر نِماو.

مِکاشفَه 11:16

ئو اَ بیس ئو چوار ریش‌اَسبیَ گه اَرتَک خدا نیشتینَس اَرسر تختَلو، وَه رُیا کَتِن اَر زَمی ئو خدائو عَبادت کِرد،

مِکاشفَه 15:4

اِاِ خداون، کیَ گه زِلَه اژ تو نَچوتی، ئو نُم تو جِلال نِ؟ اَرِیَگه تو، ئو فَخَد تو، قدوسین. کُل ملتِلَ مان ئو اَرتَک تو عَبادتتَ مَهَن اَرِیَگه کارَل عادلونَه تو آشگارا بیَ.»

مِکاشفَه 15:7

اَسَه یَکی اژ اَ چوار موجود زِنیَ، هفت جُم طِلا پِر اژ خَضو خدای گه تا ابدالآباد زِنیَ، داءَ اَ هفت فریشدَه.

مِکاشفَه 19:4

ئو اَ بیس ئو چوار ریش‌اَسبیَ ئو اَ چوار موجود زِنیَ وَه رُیا کَتِن اَر زَمی ئو خدائونی عَبادت کِرد گه نیشتوئی اَررُی تخت، ئو موئِتو: «آمین. هَلِلویاه!»

مِکاشفَه 4:2

هِرازِه روحِ خدا مِه گِرتی‌اِرا، دیم، تختی اِ آسمو بی ئو یَکی نیشتوئی اَرسر اَ تختَ.

مِکاشفَه 4:4

دورادور اَ تختَ، بیس ئو چوار تخت بی، ئو اَرسر اَ تختِلَ بیس ئو چوار ریش‌اَسبی نیشتوئین، گه اونَل جِنِکَل اِسبی اِوَرو بی ئو تاجَل طِلا اَر سرو.

مِکاشفَه 4:9

ئو هرگِل گه اَ موجودَل زِنیَ، جِلال ئو عزّتَ میَن ئو شگِر اوءَ مَهَن گه نیشتیَس اَرسر تخت، گه تا ابدالآباد زِنیَ،

مِکاشفَه 5:14

ئو اَ چوار موجود زِنیَ وِتو: «آمین»، ئو اَ ریش‌اَسبیِلَ وَه رُیا کَتن اَر زَمی ئو عَبادتو کِرد.

مِکاشفَه 5:8

ئو هَریَگه او طومارِهَه سَنی، اَ چوار موجود زِنیَ ئو اَ بیس ئو چوار ریش‌اَسبیَ اَر وَر وَرکِهَه کَتن اَر زَمی. اونَل هرکُم چَنگ ئو جُمَل طِلا پِر اژ بِخور گه هَراَ دوعائَل ایمودارَل مسیحَسَ، وَه دَسونا بی.

مِکاشفَه 7:11

ئو کُل فریشدَه‌ل، هوسیائین اَر دورادور تخت ئو دورادور ریش‌اَسبیَل ئو چوار موجودَل زِنی؛ ئو کُل وَه رُیا کَتن اَر وَر تخت ئو خدائو عَبادت کِرد.