مِکاشفَه 3:3 - کتاب مقدس به زبان لکی - گویش مرکزی

³ اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.

مِکاشفَه 3:3 Iomraidhean Croise

مَتّی 25:13

اِسَه حُواستو بو اَرِیَگه نه اژ اَ روژَ خَوَر دِرینو ئو نه اژ اَ ساتَ.

مَرقُس 13:33

اِسَه حُواستو بو ئو بِمینِنَ خَوَر اَرِیَگه نِمَذانینو اَ زمونَ کِیَ مَرَسی.

مَرقُس 13:36

تا ناخواد او یِگِلی بای ئو هُمَل اِ خاو بوئینی.

اول تِسالونیکیَل 5:2

اَرِیَگه هُمَه ووژتونَ مَذانینو گه روژ گِلاهُاردِن خداون اِجور دُزی گه اِ شوءَ مای، مَرَسی.

اول تیموتائوس 6:20

اِاِ تیموتائوس، اَمونتی گه سپارتیاسَ بینِت، حفظ کَ. اژ چِنَه‌ل مِفت ئو کِفِر ئو بَثَلی گه اَرضد یَکِن ئو وَه خِلَطَ موشِنَ بینو شناخت، دویرا بِگِر.

دوئِم تیموتائوس 1:13

اِنوم ایمون ئو مِحبتی گه ها نوم مسیحْ عیسی‌اِر، سفدِسخد بچسب اَر اَ چیئَه گه اژ مِنِت شنَفتیَ اِجور سرمقش تیَلیم دُریسی.

عِبرانیَل 2:1

اِسَه باس خو حُواسمون اَر اَ چیئَه گه شنَفتِمونَ بو، تاناخواد اژ رئی اَوِه‌ اِرَبایم.

دوئِم پطرس 1:13

مِه گُمونَ مَهَم یَه دُریسَ گه تا وخدی هامِ نوم ایی لارَ، ایی صفتِلَ باوژمِ ویرتو تا بارِمتون اَر سر خیرَت،

دوئِم پطرس 3:1

اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت،

دوئِم پطرس 3:10

مِنتائای روژ گِلاهُاردِن خداون اِجور دُزی مای، اَ موقَع وَه گِرِمهُر کَلِنگ ئو ترسناکی آسمونَل اژ بِنَ مَچِن ئو آسارَه‌ل آسمونَ مَسُزِن ئو اژ یَکَ مَچویچِن، زمین ئو کُل کارَلی آشگارا موئن.

مِکاشفَه 16:15

«حُواستو بو، اِجور دُزی مام! خَوزگالَ اَ کسَ گه بِمینیِ خَوَر ئو جِنِک اِوَر بوتی، تاناخواد لُت بِچوءَ رئیا ئو بوءَ رُسبا عالم.»

مِکاشفَه 2:25

فَخَد یَگه سفدِسخد بچسبِن اَر اَ چیئَه گه دیرینو تاگَه مِه بام.

مِکاشفَه 2:5

اِسَه بارَ ویر گه اژ کو کَتینَس‌اِرا. توئَه بِهَه ئو کارَلی گه اول‌بارِت کِرد، بِهَه. اَرّ نِهِین، مِنَ مام اِرَه تَکِت ئو چراخدونت اژ جا ووژ هیزَمیَم، مَر یَگه توئَه بِهِین.

مِکاشفَه 22:7

«ئو اِسگَه، مِنِ ایی زویَ مام! خَوزگالَ کسی گه قصَه‌ل نبوّت ایی کِتاوَ ماریَ جا.»

مِکاشفَه 3:11

«مِه وَه ایی زویَ مام. سفدِسخد بچسب اَر اَ چیئَه گه دیرین، تاگَه کسی تاجت اَژی نَسینی.

مِکاشفَه 3:19

«مِه کسَلی تنبیَه مَهَم ئو خِضَ مَهَم اَرینو گه دوسو دیرِم. اِسَه بور اَر سر خیرَت ئو توئَه بِهَه.

مِکاشفَه 3:2

بوءَ خَوَر ئو اَ چیئَه گه مَنیَسا ئو وَه ایی زویَ مَمِری، تقویت کَ، اَرِیَگه مِن اَرتَک خدا ووژِم کارَل تونِم کامل نِئیَ.