مِکاشفَه 3:2 - کتاب مقدس به زبان لکی - گویش مرکزی

² بوءَ خَوَر ئو اَ چیئَه گه مَنیَسا ئو وَه ایی زویَ مَمِری، تقویت کَ، اَرِیَگه مِن اَرتَک خدا ووژِم کارَل تونِم کامل نِئیَ.

مِکاشفَه 3:2 Iomraidhean Croise

مَتّی 23:5

هر کاری مَهَن اَرِه یَسَ گه مردِم بوئینِنو: کیف دوعا اَر بال ووژو کَلِنگتِر ئو دامو چوخالو پیَنتِرا مَهَن.

مَتّی 25:13

اِسَه حُواستو بو اَرِیَگه نه اژ اَ روژَ خَوَر دِرینو ئو نه اژ اَ ساتَ.

مَتّی 25:7

اَسَه کُل اَ دِتَل اوزاءَ بینَ خَوَر ئو چراخَل ووژو حاضرو کِرد.

کارَل رسولَل 18:23

قِیلی مَن اَر اورَه ئو اِدوارَه کَتِ رئی چیَ سفر، اِنوم وِلاتَل غَلاطیَه ئو فْریجیَه، گُلَه اَر گُلَه مَگیردیا ئو قویَتَ ماتیَ کُل شاگردَل.

اول پطرس 4:7

آخِر کُل چی نزیکَ؛ اِسَه وَه خاطر دوعائَلتو نوا ووژتو بِگِرِن ئو وَه سر ووژتونا بوئن.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

مِکاشفَه 16:15

«حُواستو بو، اِجور دُزی مام! خَوزگالَ اَ کسَ گه بِمینیِ خَوَر ئو جِنِک اِوَر بوتی، تاناخواد لُت بِچوءَ رئیا ئو بوءَ رُسبا عالم.»

مِکاشفَه 2:4

«مِنتائای یَه اَرضد تو دیرِم گه مِحبتی گه اول‌بارِت داشد، وِل کِردیَ.

مِکاشفَه 3:1

«ئو اَرِه فریشدَه کلیسا ساردِس بِنُیسِن: «اَوَه گه هفت روحِ خدا ئو هفت آسارَه دیری هُنَ موشی: کارَل تونَ مَذانِم. تو وَه یَه مَشورین گه زِنیئین، مِنتائای مِردینَ.

مِکاشفَه 3:3

اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.