مِکاشفَه 3:10 - کتاب مقدس به زبان لکی - گویش مرکزی

¹⁰ اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.

مِکاشفَه 3:10 Iomraidhean Croise

مَتّی 24:14

ئو ایی خَوَر خَوش پاتِشائیَ اِلومَ ماو اِ سِرُسَر دنیا تا اَرِه کُل ملتَل شاتی بو. اَسَه آخِرکارَ مَرَسی.

مَتّی 26:41

بوسنَ خَوَر ئو دوعا بِهَن تاگَه نَکُوئینون‌ اِنوم اِنتحو. روحَ مِیتی مِنتائای جسم قویَه نِری.»

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

مَرقُس 14:9

حخیختاً، موشِمَ بینتو، اِ تموم دنیا، هر جا خَوَر خَوش پاتِشائی خدا اِلوم بو، اژ کار ایی ژَن‌یشَ وَه یائی تیَریفَ ماو.»

لوقا 2:1

اِ اَ روژِلَ، آگوستوس، امپراطور روم فِربو داتی تا مردِم کُل وِلاتَلی گه اِژیر حکِمرونی روم بین، سرشِماری بوئن.

یوحنا 17:6

«مِه نُم تونم اَر اونَلی گه اِ ایی دنیا داتَ مِه، آشگار کِرد. هِن تو بین ئو تو اونَلتَ داءَ مِه، ئو کلوم تونو آوِردَ جا.

رومیان 1:8

وِر اژ هر چی، وَه‌سونگَ عیسی مسیح، وَه خاطر کُلتو شگِر خداءِ ووژمَ مَهَم، اَرِیَگه خَوَر ایمونتو پَشخا بیَس اِنوم کُل دنیا.

اول قرنتیان 10:13

هُیچ اِنتحونی نِهاتیَس اَر سرتو گه اَرسر باقی آمَل نِهاتوئی. خدا اَمونتدارَ؛ او نِمِیلی ویشتِر اژ قویَتتو اِنتحو بوئینو، بلکِم وَه‌گَرد اِنتحونی گه موئینو، رئی اَرِه حِواین‌یش جورَ مِهِه، تاگَه بتونینو طاخَت بارینو.

اَفِسُسیَل 6:13

اِسَه اسلحَه کامل خدا بِهَنِ وَرتو، تا اِ روژ شر بتونینو طاخَت بارینو، ئو بتونینو دُما اَنجوم دائِن کُل چی، بوسینون اَرسر پا.

دوئِم تیموتائوس 2:12

اَرّ تیَمِل بِهِیم، وَه‌گَرد او سِلطنت‌یشَ مِهِیم. اَرّ حاشا کِیمی اویش حاشامونَ مِهِه.

یعقوب 3:12

اِ بِرال، یانی ماو دار انجیر، زِتو باریَ عمل یا دار انگویر، انجیر بِ؟ هُنِ‌یشَ یِه کیَنی شور نِمَتونی آو شیرین بِ.

اول پطرس 4:12

اِاِ عزیزَل، اژ ایی آگِرَ گه اَرِه اِنتحو کِردِنتو ها نومتون‌اِر، بِلُجوئیتو نای، گه مَری چی بِلُجوئی‌ای هاتیَس اَر سرتو.

دوئِم پطرس 2:9

اِسَه خداونَ مَذانی چطور آم دیندار اژ اِنتحونَل نجاد بِ ئو آمی گه صالح نیَ بِیلی اَرِه مِکافات روژ داوری،

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 11:10

کسَلی گه لیزو گِرتیَس اَررُی زَمی اژ مِردِن اونَل خَوشالیَ مَهَن ئو جَشتَ مَگِرِن ئو اَرِه یَکتِری پیشکَشی کِلَ‌مَهَن؛ اَرِیَگه ایی دو نبوّت‌کَرَ اَرِه کسَلی گه لیزو گِرتیَس اَررُی زَمی، عذاو بینَ.

مِکاشفَه 13:10

اَرّ کسی باس اسیر بو، مَچوءَ اسیری. اَرّ کسی باس وَه شِمشیر بِکُشِری، وَه شِمشیرَ مَکُشِری. یَه پایاری ئو ایمو ایمودارَل مسیحَ مِیتی.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 14:12

یَه پایاری ایمودارَل مسیحَ مِیتی گه حکمَل خدا ئو ایمون اَر مسیحَ مارِن‌َ جا.

مِکاشفَه 14:6

اَسَه فریشدِه‌‌‌ی‌تِرِم دی گه اَر نومجا آسمو بالَ مَگِرتی ئو انجیل ابدی‌ایَ بی بیتی تا اِلوم کِیتی اَر کسَلی گه لیزو گِرتیَس اَررُی زَمی، ئو اَر هر ملت ئو طائفَه ئو زوئون ئو قوم.

مِکاشفَه 16:14

اَرِیَگه یوئنَ روحَل مِلاکَتَلِن گه نشونَه‌ل ئو مُجِزَه‌ل اَنجومَ میَن ئو مَچِن اَرِه تک پاتِشائَل سِرُسَر دنیا تاگَه اونَل جیَم دَن اَرِه جنگ روژ کَلِنگ خداءِ قادرِ مطلق.

مِکاشفَه 17:2

گه پاتِشائَل زَمی وَه‌گَرد او زِنهائو کِرد ئو اونَلی گه لیزو گِرتیَس اَررُی زَمی اژ شِراو زِنها او مَس بینَ.»

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 2:10

اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.

مِکاشفَه 3:8

کارَل تونَ مَذانِم. سِیل کَ، دِراخِل وازکَریامی ناس اَر وَر تو گه هُیچ‌کس نِمَتونی بوئنتی. مَذانِم گه قویَت کمی دیرین، مِنتائای کلوم مِنِت حفظ کِردیَ ئو نُم مِنِت حاشا نَهَردیَ.

مِکاشفَه 6:10

اونَل وَه دَنگ کَلِنگَ مَقارونو: «اِاِ خداونِ قادر، اِاِ قدوس ئو حخ، تا کِ داوری نِمِهِین ئو تقاص خوین ایمَه اژ مردِم رُی زَمی نِمَسینین؟»

مِکاشفَه 8:13

اَسَه مِه سِیلِم کِرد، ئو شنَفتِم دالی هُنَ گه اِنومجا آسمو بالَ مَگِرتی وَه دَنگ کَلِنگَ موئِتی: «هِرّو، هِرّو، هِرّو اَرِه مردِم رُی زَمی، اَرِیَگه وخدَ دَنگ شِپورَل اَ سه فریشدَه‌ل‌ِتِرَ بااِر.»