مِکاشفَه 22:1 - کتاب مقدس به زبان لکی - گویش مرکزی

¹ اَسَه روو آو ژییاین نشونِم داتی گه اِجور بِلور بِریقَه ماتی ئو اژ تخت خدا ئو وَرک جُرَ مَگِرت

مِکاشفَه 22:1 Iomraidhean Croise

یوحنا 13:32

اَرّ خدا اِنوم او جِلال گِرتی، اِسَه خدایش او اِنوم ووژ جِلالَ مِه ئو هِرازِه او جِلالَ مِ.

یوحنا 15:26

«مِنتائای وخدی گه اَ هِنارَسَ گه اژ جونِم باوَه اَرِه هُمَه کِلَ‌مَهَم بای، یانی روحِ حخیخت گه اژ جونِم باوَه مای، او ووژ اِبارَه مِه شاتیَ مِ،

یوحنا 4:14

مِنتائای هر کی اژ اَ آوَ گه مِنَ میَمیَ بی خُرّ دِ، هرگِس اِدوارَه تینی نِماوتی، بلکِم آوی گه مِنَ میَمیَ بی، اِ دَرین او ماوَ کیَنی‌ای گه تا ژییاین ابدی قُلَ میری.»

کارَل رسولَل 2:33

او ویرِ بِلِنگ بَریاءَ دس راس خداآ ئو روح‌القدسی گه باوَه آسمونی وَدَه دائیتی، گِرتیِ، ئو رِشونیَس اَر هُاراِرا، هَر یَگه اِسگَه موئینینون ئو مَشتوئینو.

مِکاشفَه 1:1

مِکاشفَه عیسی مسیح، گه خدا دائون تا چیئَلی گه باس وَه ایی زویَ اتفاق بِکُوءِ نِشو خُلُمَلی بِ. او وَه کِل‌کِردِن فریشدَه ووژ، یَه آشگارا کِردی اَر خُلُم ووژ، یوحنا.

مِکاشفَه 21:11

جِلال خدا داشدی ئو بریقِه چُی جوواهیر خیمتی بی، چُی یَشم، ئو شفاف چُی بِلور.

مِکاشفَه 21:6

ئو وِتی‌ئونِم: «تموم بی! مِنِم ’الف‘ ئو مِنِم ’ی‘، مِنِم اول ئو مِنِم آخِر. مِه وَه هر کی گه تینی بوتی، وَه مِفت اژ کیَنی آو ژییاینَ میَمی‌ئون.

مِکاشفَه 21:9

یَکی اژ اَ هفت فریشدَه گه هفت جُم پِر اژ هفت بِلا آخِرو داشد، هات ئو وِتیَ مِه: «بوری! مِه بُئی، یانی ژَن وَرک نشونتَ میَم.»

مِکاشفَه 22:17

روحِ خدا ئو بُئیَ موشِن: «بوری!» هر کی مَشتوئی، بوشی: «بوری!» هر کی تینیِ بای؛ ئو هر کی مِیتی، اژ آو ژییاین وَه مِفت بِگِری.

مِکاشفَه 22:6

فریشدَه وِتیَ مِه: «ایی قصه‌لَ ماو اِتِمادَ بینو کِین ئو راسِن. خداون، خداءِ روحَل نبوّت‌کَرَل، فریشدَه ووژ کِل‌کِردی تا اَ چیئَه گه باس وَه ایی زویَ اتفاق بِکُوءِ، نِشو خادمَلی دِ.»

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

مِکاشفَه 5:13

اَسَه شنَفتِم گه هر مخلوقی گه ها آسمون ئو اَررُی زمین ئو اِ ژیر زمین ئو اِنوم دریااِر، ئو کُل چیئَلی گه ها نومون‌اِر، هُنَ محیوَنو: «بِرَکت ئو عزّت ئو جِلال ئو قویَت، اَر او گه نیشتیَس اَر تخت ئو اَر وَرک، تا ابدالآباد.»

مِکاشفَه 5:6

ئو اِ بِن تخت ئو چوار موجود زِنی ئو اِنومجا ریش‌اَسبیَل، دیم گه وَرکی هوسیاءَ گه هَماری قُرونی بیَ، ئو هفت شاخ ئو هفت چیَم داشدی گه هفت روحِ خدان گه کِل‌بینَس اَرِه کُل زَمی.

مِکاشفَه 7:17

اَرِیَگه اَ وَرکَ گه ها نومجا تخت‌اِر، ماوَ شوئونو، ئو هدائَتونَ مِهِئَه کیَنیَل آو ژییاین. ئو خدا هر اَسِری اژ چیَمَلو پاکا مِهِه.»