مِکاشفَه 21:3 - کتاب مقدس به زبان لکی - گویش مرکزی

³ ئو اژ تخت، دَنگ کَلِنگمی شنَفت گه موئِتی: «اِسگَه، جالیز خدا ها گَرد آمَل، ئو او لیزَ مَگِریَ گَرد اونَل؛ ئو اُوُنَ موئنَ قوم او، ئو خدا ووژ، ها گَردو ئو ماوَ خدا اونَل.

مِکاشفَه 21:3 Iomraidhean Croise

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 14:23

عیسی جوواو داتی: «اَرّ کسی مِه دوس دیری، کلوم مِنَ ماریَ جا ئو باوَه‌م دوس دیرِتی، ئو ایمَه مایمی اَرِه تک ئو وَه‌گَرد او لیزَ مَگِریم.

دوئِم قُرَنتیان 6:16

معبد خدا ئو بِتَل چطورَ مَکُوئِن اَر یَک؟ اَرِیَگه ایمَه معبد خداءِ زِنیئیم. هَرهُنَ گه خدا اِنوم تورات ئو کِتاوَل پِخَمَرَل وِتی: «مِه لیزَ مَگِرِم اِنوم اونَل، ئو اِنوم اونَل مَچِمَ رئیا، ئو مِنَ موئمَ خدا اونَل ئو اونِلَ موئنَ قوم مِه.»

دوئِم قُرَنتیان 6:18

«مِن اَرِه هُمَه موئمَ باوَه ئو هُمَه اَرِه مِنَ موئینونَ کُرَل ئو دِتَل، خداونِ قادرِ مطلق یَه موشی.»

اول تِسالونیکیَل 3:11

اِسگَه خدا، باوَه آسمونی ایمَه، ئو خداونمو عیسی، ووژ رئی ایمَه ویرِ هُمَه واز کِ.

عِبرانیَل 11:16

مِنتائای اِسگَه آواخد مملکت بیتِری دیرِن، یانی مملکت آسمونی‌ای. اَژونَسَ گه خدا عار نِمایتی گه خداءِ یوئنَ هِنا بو، اَرِیَگه شیَرونی اَرِه تیارِک دیِ.

عِبرانیَل 8:10

اَرِیَگه خداونَ موشی: یَسَ عَتی گه دُما اَ روژِلَ وَه‌گَرد دویمو اسرائیلَ موئنِم. شریعت ووژمَ مَنِم اِنوم فگِرَلو، ئو مَنُیسِنِم اَررُی دلَلو. مِنَ موئمَ خدا اونَل، ئو اونِلَ موئنَ قوم مِه.

عِبرانیَل 8:2

ئو خادم مکونَل مقدّس یانی اَ داوار حخیخیَسَ گه خداون اِرداسی، نه اِنسو.

مِکاشفَه 10:4

ئو وخدی اَ هفت گِرِمهُرَ هاتِنِ قصَه، مِئستِم بِنُیسِنِم؛ مِنتائای دَنگمی اژ آسمو شنَفت گه موئِتی: «اَ چیئَه گه اَ هفت گِرِمهُرَ وِتونَ، میرِموم کَ ئو نَنُیسِن.»

مِکاشفَه 10:8

اَسَه اَ دَنگَ گه اژ آسمونِم شنَفتوئی اِدوارَه قصَه‌مَ گَرد کِردی ئو وِتی: «بِچُ اَ طومار وازَ گه ها دس اَ فریشدَه گه هوسیاس اَررُی دریا ئو حشگی، بِسین.»

مِکاشفَه 12:10

اَسَه دَنگ کَلِنگمی اِنوم آسمو شنَفت گه موئِتی: «اِسگَه نجاد ئو قویَت ئو پاتِشائی خدامو، ئو قدِرت مسیحِ او هاتیَ. اَرِیَگه اَ بُختِم‌چی بِرال ایمَه گه شو ئو روژ اَرتَک خدامو، بُختِمَ مِ اَرینو، آوشدونَس اَر زَمی.

مِکاشفَه 21:7

هر کی فائق بای، یوئنَ کُلَ میَریَ میرات، ئو مِنَ موئمَ خدا او ئو اوءَ ماوَ کُر مِه.

مِکاشفَه 22:3

ئو دیَر هُیچ لیَنی نیَ. بلکِم تخت خدا ئو تخت وَرک هایتی اِنوم ئو خادمَلی عَبادتَ مَهَنی.

مِکاشفَه 7:15

اَژونَسَ گه: «یوئنَ هان اَر وَر تخت خدا ئو شو ئو روژ اِنوم معبدی خِلمت اَژینَ مَهَنی؛ ئو او گه نیشتیَس اَر تخت، اونِلَ مَگِریِ ژیر داوار حضور ووژا.