مِکاشفَه 21:2 - کتاب مقدس به زبان لکی - گویش مرکزی

² ئو شیَر مقدّس، یانی اورشلیم نووئِم دی گه اژ آسمو اژ تک خدا ماهاتَ هُار، اِجور بُئی‌ای گه اَرِه میردَه ووژ اِررازیائی، آمادَه بوئی.

مِکاشفَه 21:2 Iomraidhean Croise

یوحنا 3:29

بُئی هِن ذُماءَ، مِنتائای رِقیف ذُما گه هوسیاءَ دَنگ اوءَ مَشتوئی، اژ شِنَفتِن دَنگ ذُما خَوشالی فِرِه‌ی مِهِه. اِسَه خَوشی مِن‌یش هُنَ کامل بیَ.

دوئِم قُرَنتیان 11:2

اَرِیَگه مِن اَرِه هُمَه خیرَت دیرِم، خیرَتی گه اژ خداءَ، اَرِیَگه هُمَه‌م اَرِه یِه میردَه دسگیرو کِردیَ، تا اِجور دِت اوزا ئو پاکی پیشکَشتو کَم اَر مسیح.

عِبرانیَل 11:10

اَرِیَگه چیَمَ‌رئی شیَری بی گه بِناوَه داشدوئیتی، گه مِمار ئو بنّای خداءَ.

عِبرانیَل 11:16

مِنتائای اِسگَه آواخد مملکت بیتِری دیرِن، یانی مملکت آسمونی‌ای. اَژونَسَ گه خدا عار نِمایتی گه خداءِ یوئنَ هِنا بو، اَرِیَگه شیَرونی اَرِه تیارِک دیِ.

عِبرانیَل 12:22

مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال،

عِبرانیَل 13:14

اَرِیَگه ایمَه اَر ایرَه شیَری گه هَر بِمینی، نِریم، بلکِم وَه شوقا چیَمَ‌رئی اَ شیَریمَ گه میا بای.

مِکاشفَه 1:1

مِکاشفَه عیسی مسیح، گه خدا دائون تا چیئَلی گه باس وَه ایی زویَ اتفاق بِکُوءِ نِشو خُلُمَلی بِ. او وَه کِل‌کِردِن فریشدَه ووژ، یَه آشگارا کِردی اَر خُلُم ووژ، یوحنا.

مِکاشفَه 1:4

اژ یوحنا، وَه هفت کلیسای گه هان اِنوم هیال آسیااِر: فیض‌وسِلامتی اژ جونِم او گه هَس ئو بی ئو مای اَر هُمَه بو ئو اژ جونِم هفت روحی گه هان اَرتَک تخت پاتِشائی او،

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 11:2

مِنتائای کارتَ گَز کِردِن قِلا معبدا ناو، اَرِیَگه داونَسَ ملتَل، ئو اونَل چِل ئو دو مُنگ شیَر مقدّس اِ ژیر پاءَ مَتِلِنِن.

مِکاشفَه 21:10

اَسَه اِنوم روح مِه بِردی اَرِه سر کوی کَلِنگ ئو بِلِنگی ئو شیَر مقدّس اورشلیم نشونِم داتی گه اژ آسمون اژ تک خدا ماهاتَ هُار.

مِکاشفَه 21:9

یَکی اژ اَ هفت فریشدَه گه هفت جُم پِر اژ هفت بِلا آخِرو داشد، هات ئو وِتیَ مِه: «بوری! مِه بُئی، یانی ژَن وَرک نشونتَ میَم.»

مِکاشفَه 22:17

روحِ خدا ئو بُئیَ موشِن: «بوری!» هر کی مَشتوئی، بوشی: «بوری!» هر کی تینیِ بای؛ ئو هر کی مِیتی، اژ آو ژییاین وَه مِفت بِگِری.

مِکاشفَه 22:19

ئو اَرّ کسی اژ قصَه‌ل نبوّت ایی کِتاوَ چیئی کَما کِ، خدا اژ دار ژییاین ئو اژ شیَر مقدّس، گه اِنوم ایی کِتاوَ نُیسیاءَ، بیَردارا نِمِهِیتی.

مِکاشفَه 3:12

هر کی فائق بای، مَهَمیَ سُتینی اِ معبد خدام. دیَر اژ اورَه هرگِس نِمِهِئَه دِریر، ئو مِه نُم خدا ووژمَ مَنُیسِنِم اَررُی او، ئو نُم شیَر خدا ووژِم، یانی اورشلیم نوو گه اژ جونِم خدا اژ آسمونَ مای، ئو نُم نوو ووژیشمَ مَنُیسِنِم.