مِکاشفَه 21:12 - کتاب مقدس به زبان لکی - گویش مرکزی

¹² تیخَه کَلِنگ ئو بِلِنگی داشدی گه دوازَه دروازَه داشدی ئو دوازَه فریشدَه اَر دروازَه‌ل بین، ئو اَر هر کُم اژ دروازَه‌ل نُم یَکی اژ دوازَه طائفَه بنی‌اسرائیل نُیسیائی.

مِکاشفَه 21:12 Iomraidhean Croise

مَتّی 18:10

«حُواستو بو گه هُیچ کُم اژ ایی گُجِرِلَ خوار نِهِینو، اَرِیَگه موشِم‌ئونتو گه اِنوم آسمو، فریشدَه‌ل اونَل یِمِجو نوم‌رُی باوَه مِه گه ها نوم آسمون‌اِر، موئینِن.

لوقا 15:10

موشِم‌ئونتو، هَر وَه ایی جوریشَ، اَرِه توئَه کِردِن یِه گناکار، اَرتَک فریشدَه‌ل خدا جَشت ئو خَوشیَ ماو.»

لوقا 16:22

دُماخِرِ اَ ژارَ مِرد ئو فریشدَه‌ل اوُ بِرد اِرَه تک ابراهیم. پیا ثرودمنِهِه‌یش مِرد ئو نائونِ قور.

کارَل رسولَل 26:7

یَه هَراَ وَدَه‌‌سَ گه دوازَه طائفَه‌مو اژ تیَه دلا، شو ئو روژ وَه ایی امیدَ گه بارنیَ دس، عَبادتَ مَهَن. اِاِ پاتِشا، هَراَ خاطر ایی امیدَسَ گه یهودیَل مِه مَکومَ مَهَن.

عِبرانیَل 1:14

مَر اونَل کُل روحَل خِلمتکاری نیِن گه کِلَ‌موئن اِرَه خِلمت اژ کسَلی گه نجادَ میَرِنَ میرات؟

مِکاشفَه 21:13

سه دروازَه اِ مشرق، سه دروازَه اِ شمال، سه دروازَه اِ جنوب ئو سه دروازَه اِ مغرب بی.

مِکاشفَه 21:15

ئو اَ فریشدِه‌ی گه قصَئَه گَرد مِنَ مَهَردی، چو گَز کِردِن طِلای داشدی تا شیَر ئو دروازَه‌ل ئو تیخَه‌لی گَز کِ.

مِکاشفَه 21:25

دروازَه‌ل او هرگِس اِ روژ نِموئنِن، اَرِیَگه اَر اورَه نِماوَ شو.

مِکاشفَه 22:14

خَوزگالَ اونَلی گه چوخائَل ووژونَ مَشورِن تا حخ هُاردِن اژ دار ژییاینو داشدوئی ئو بتونِن اژ دروازَه‌ل شیَر بان اِنوم.