مِکاشفَه 20:4 - کتاب مقدس به زبان لکی - گویش مرکزی

⁴ اَسَه تختَلمی دی ئو کسَلی نیشتوئین اَررُیو گه قدِرت‌واختیار داوریو دائی‌ئونو. هَمیش گیونَل کَسَلمی دی گه وَه خاطر شاتی دائِن اَر عیسی ئو اَر کلوم خدا سرونا بِریائی، ئو کسَلی گه اَ جونور وَشیَ یا مِجسمِهِه‌ئو نَپِرَسوئی ئو نشونَه اَوُن اَر دس ئو توئل ووژو قبول نَهَردوئی. یوئنَ اِدوارَه اژ مِردیَل زِنیا بین ئو هزار سال وَه‌گَرد مسیح سِلطنتو کِرد.

مِکاشفَه 20:4 Iomraidhean Croise

مَتّی 19:28

عیسی وِتی‌ئونو: «حخیختاً، موشِم‌ئونتو، اِنوم دنیا نوو، وخدی گه کُر اِنسو بنیشی اَرسر تخت پاتِشائی پِرجِلال ووژا، هُمِه‌یش گه هاتینونَسَ تُرّ مِنا، مَنیشینون اَرسر دوازَه تخت ئو اَر دوازَه طائفَه اسرائیل داوری مِهِینو.

مَتّی 24:10

اِ، اَ روژِلَ فِرَه کسَل اژ ایمو ووژو رُی اِرَمَگیردِنِن، ئو خیونتَ مَهَنَ یَکتِری ئو بیزارَ موئن اژ یَکتِری.

مَرقُس 6:16

مِنتائای وخدی هیرودیس یَه شنَفتی، وِتی: «یَه هَراَ یحیاسَ گه مِه سرما بِری ئو اِسگَه اژ مِردیَل زِنیا بیَ!»

مَرقُس 6:27

اَسَه هِرازِه جَلایی کِل‌کِردی ئو فِربو داتی سر یحیی باری. او چی سر یحیی اِنوم زندو بِریتی

مَرقُس 9:11

اَسَه اژ عیسی‌ئو پِرسی: «اَرِه چَه مَلِمَل توراتَ موشِن اول باس ایلیا بای؟»

لوقا 1:17

یحیی وَه روح ئو قدِرت ایلیا پِخَمَر، وِر اژ مسیحی گه باس بای، مای تا دل باوَه‌ل ویرِ آیلَل، ئو یاخیَل ویرِ حکمت آمَل صالح گِلادِ، تاگَه قوم آماده‌ی اَرِه خداون حاضر کِ.»

لوقا 14:14

گه بِرَکتَ مَگِرین؛ اَرِیَگه اونَل چیئی نِرِن گه عیوَضت‌ئون بیَن‌ِ دُما، ئو اِ روژ قیومت، گه آمَل صالح زِنیا موئن، عیوَض ووژتَ مَگِرینِ دُما.»

لوقا 22:30

تاگَه اِنوم پاتِشائی مِه، اَرسر سِفِرَه مِه بیرینون ئو خُرّ دِینو ئو بنیشینون‌ اَرسر تختَل ئو داوری بِهِینون اَر دوازَه طائفَه اسرائیل.

یوحنا 14:19

دُما مِدتی‌تِر دنیا دیَر مِه نِموئینی، مِنتائای هُمَه مِنَ موئینینو، اَرِیَگه مِه زِنیئِم، هُمِه‌یش زِنِه‌یَ مِهِینو.

رومیان 11:15

اَرِیَگه اَرّ رد بیئِن اونَل بیَ دوسی خداءَ گَرد دنیا، قبول بیئِنونَ ماوَ چَه، جز زِنیابیئِن اژ مِردیَل؟

رومیان 8:17

ئو اَرّ آیلَل خدایمو، اِسَه وارثَل‌یش هِیم، یانی وارثَل خدا ئو هُم‌ارثَ گَرد مسیح. وَه شرطی گه ایمِه‌یشَ گَرد او عذاو بِکیشیم تاگَه وَه‌گَرد او جِلال بِگِریم.

دوئِم تیموتائوس 2:12

اَرّ تیَمِل بِهِیم، وَه‌گَرد او سِلطنت‌یشَ مِهِیم. اَرّ حاشا کِیمی اویش حاشامونَ مِهِه.

مِکاشفَه 1:2

گه شاتیَ مِ اَر کلوم خدا ئو اَر شاتی عیسی مسیح، یانی اَر هر چی گه دیتی.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 11:11

مِنتائای دُما سه روژ ئو نیم، هِناسی ژییاین اژ جونِم خدا هاتِ دَرینو ئو هوسیان اَرسر پائلو، ئو سِیل‌کَرَلو، زِلَ‌تِراقا بین.

مِکاشفَه 11:15

اَسَه فریشدَه هفتِمینِهَه پِف کِردی اِنوم شِپورِهِه؛ ئو دَنگَل کَلِنگی اِ آسمو بین گه موئِتو: «پاتِشائی دنیا، بیَسَ هِن خداون ایمَه، ئو مسیحِ او. ئو او تا ابدالآباد سِلطنتَ مِهِه.»

مِکاشفَه 11:3

ئو مِه قدِرتَ میَمَ دو شات ووژِم گه پِلاس اِوَر، هزار ئو دوهیس ئو شص روژ نبوّت کَن.»

مِکاشفَه 11:7

هَریَگه اونَ شاتی ووژو تمومو کِرد، اَ جونور وَشیَ گه اژ چا هاویَه ماءَ دِریر، وَه‌‌گَردونَ مِهِئَه جنگ ئو فائقَ ما اَرینو، ئو مَکُشیو.

مِکاشفَه 12:11

ئو اونَ وَه خوین وَرک، ئو کلوم شاتی ووژو فائق هاتنی اَری. اَرِیَگه گیو ووژو دوسو ناآشدیَ، جُ‌جُ تا مِردِن.

مِکاشفَه 14:11

ئو دوی عذاو اونَل تا ابدَ مَچوءَ بِلِنگ. کسَلی گه اَ جونور وَشیَ ئو مِجسمِهِه عَبادتَ مَهَن ئو هر کی گه مَچوءِ گِرد نشونَه نُم او، نه اِ شو سِتارونَ مَگِری ئو نه اِ روژ.»

مِکاشفَه 15:2

ئو چیمی دی گه هَماری دریای بی اژ شیشَه گه وَه‌گَرد آگِر هاوِنتوئیَ یَک‌اِرا، ئو هَمیش اونَلی گه فائق هاتوئین اَر جونور وَشی ئو مِجسمِهِه ئو نِمِرَه نُمی، دینِم گه هوسیانَس اَر لو دریا شیشَه ئو چَنگل خدائونِ دَسا بی.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 2:26

«هرکی فائق بای ئو کارَل مِه تاگَه آخِر باریَ جا، مِه قدِرت‌واختیارَ میَمی‌ئون گه اَر ملتَل حکِمرونی بِهِه.

مِکاشفَه 20:6

بِمارِک ئو مقدّسَ کسی گه اژ اول زِنیابیئِن اژ مِردیَل بیَری دیری. مرگ دوئِم هُیچ قدِرتی اَر اونَل نِری بلکِم کاهنَل خدا ئو مسیحِن ئو وَه‌گَرد او هزار سال سِلطنتَ مَهَن.

مِکاشفَه 22:5

ئو دیَر نِماوَ شو ئو اونَل هَوَجَه‌ئو نِمَکُوءَ نُیر چراخ یا هویَر، اَرِیَگه خداون خدا ماوَ نُیر اونَل، ئو اُوُ تا ابدالآباد سِلطنتَ مَهَن.

مِکاشفَه 3:21

«هر کی فائق بای، یَه موئَشخِمی‌ئون گه وَه‌گَرد مِه بنیشی اَرسر تخت مِه، هَرهُنَ گه مِن‌یش فائق هاتِم ئو وَه‌گَرد باوَه‌م نیشتِم اَرسر تخت او.

مِکاشفَه 4:4

دورادور اَ تختَ، بیس ئو چوار تخت بی، ئو اَرسر اَ تختِلَ بیس ئو چوار ریش‌اَسبی نیشتوئین، گه اونَل جِنِکَل اِسبی اِوَرو بی ئو تاجَل طِلا اَر سرو.

مِکاشفَه 6:9

وخدی وَرکِهَه میرَ پنجِمینِهَه واز کِردی، مِن اِژیر قُرونی‌گا، گیونَل کَسَلمی دی گه اَرِه کلوم خدا ئو شاتیَلونی گه دائی کُشِریائین.

مِکاشفَه 7:3

ئو وِتی: «وِر اژ یَگه میر بِیم اَر توئل خادمَل خدامو، ضِرَد نیَن اَر زمین ئو دریا ئو دارَل.»