مِکاشفَه 20:3 - کتاب مقدس به زبان لکی - گویش مرکزی

³ ئو او آوشدی اِنوم چا هاویَه در ئو اَری بَسد ئو میرِموم کِرد تا دیَر ملتَل فن نِ تا وخدی گه اَ هزار سالَ تموم بو ئو دُما اَوَه باس اَرِه مِدت کمی آزاد بو.

مِکاشفَه 20:3 Iomraidhean Croise

مَتّی 24:24

اَرِیَگه مسیحَل دِروزِنِ ئو پِخَمَرَل دِروزِنِ هیزَمَگِرِن، ئو نشونَه‌ل ئو مُجِزَه‌ل کَلِنگی اَنجومَ میَن تاگَه اَرّ بو، جُ‌جُ کسَلی گه دیاری بینَ اژ رئی اِربارِن.

مَتّی 27:66

اَسَه چِن ئو بَرد لَحَکِهِئو میرِموم کِرد ئو قِلااورَلونی نا اَر اورَه تاگَه ویرون اَر لَحَکِهَه بو.

مَرقُس 4:15

بِری اژ مردِم هَر گانَ تُئمَل اِ لو رئی، اَر اورَه گه کلوم کشتَ ماو؛ هَریَگه کلومَ مَشتوئِن، شِطو هِرازِه مای ئو کلومی گه اِنومو کِشت بیَ، مُئزی.

لوقا 8:31

مِلاکَتَل وَه لالکَ‌حُاس اژ عیسی‌ئو هِست گه فِربونون‌ئون نِ گه گِلابیرِن اِرَه نوم چا هاویَه.

دوئِم قُرَنتیان 11:3

مِنتائای زِلَمَ مَچو هَرهُنَ گه مار وَه رِنگَری ووژ، سر حوّا فن داتی، فگِرَل هُمِه‌یش اژ ارادت خالص ئو رُی‌راسی گه اَر مسیح دیرینو، اِرگیردی.

دوئِم پطرس 3:8

مِنتائای اِاِ عزیزَل، ایی حخیختَ نِئیَ نَگِرِن گه اَرتَک خداون یِه روژ اِجور هزار سالَ ئو هزار سال اِجور یِه روژ.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 17:2

گه پاتِشائَل زَمی وَه‌گَرد او زِنهائو کِرد ئو اونَلی گه لیزو گِرتیَس اَررُی زَمی اژ شِراو زِنها او مَس بینَ.»

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 20:1

اَسَه فریشدَه‌می دی گه اژ آسمونَ ماءَ هُار، ئو کِلیل چا هاویَه ئو زنجیر قوئینی هایتیَ دَسا.