مِکاشفَه 20:2 - کتاب مقدس به زبان لکی - گویش مرکزی

² او اُژدها، اَ مار قدیمیَ، گه هَراَ ابلیس یا شِطونَ، گِرتی ئو اَرِه هزار سال بَسدا.

مِکاشفَه 20:2 Iomraidhean Croise

مَتّی 19:29

ئو هر کی وَه خاطر نُم مِه مال یاگَه بِرا یاگَه خُیَه یاگَه باوَه یاگَه دا یا اولاد یاگَه مِلکِ‌مِحل ووژ وِل کِردوئیتی، صد بِرُوَرَ ماریَ دس ئو ژییاین ابدیَ میَریَ میرات.

مَتّی 8:29

اونَل قارونو: «اِ ایمَت چا، اِاِ کُر خدا؟ یانی هاتینَس اَرِه ایرَه تاگَه وِر اژ زمونی گه مَیِّن بیَ عذاومو دِین؟»

مَرقُس 4:15

بِری اژ مردِم هَر گانَ تُئمَل اِ لو رئی، اَر اورَه گه کلوم کشتَ ماو؛ هَریَگه کلومَ مَشتوئِن، شِطو هِرازِه مای ئو کلومی گه اِنومو کِشت بیَ، مُئزی.

مَرقُس 5:7

وَه دَنگ کَلِنگ قارونی: «عیسی، کُر خداءِ متعال، اِ مِنِت چا؟ قسمتَ میَمَ خدا گه عذاوِم نِین!»

یوحنا 12:31

اِسگَه وخد داوری اَر ایی دنیاسَ؛ اِسگَه رِئیس ایی دنیا ماوژِنَ دِریر.

یوحنا 16:11

ئو اِبارَه داوری کِردِن‌یش، اَرِیَگه رِئیس ایی دنیا مَکوم بیَ.

رومیان 16:20

خداءِ صُئل‌وسِلامتی هَرِ ایی زویَ شِطون اِژیر پال هُمَه مَتِلِنیا. فیض خداونمو عیسی مسیحَ گَردتو بو.

عِبرانیَل 2:14

اِسَه اَرِیَگه آیلَل اِ جسم ئو خوین هُم‌بیَرِن، اوئیش ووژ اِنوم هَر ایی چیئِلَ هُم‌بیَرا بی تا وَه‌سونگَ مرگ، صائای قدِرت مرگ، یانی ابلیس نابود کِ،

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

دوئِم پطرس 2:4

اَرِیَگه اَرّ خدا ریَم نَهَردی اَر فریشدَه‌لی گه گنائو کِرد، بلکِم اونَل آوشدیِ تیَه سیاچال جیَنِم ئو سپارتِنیَ زنجیرَل تیَریکی شوءَزنگی تا اَرِه داوری بِمینِن اَر اورَه؛

یهودا 1:6

ئو فریشدَه‌لی‌شی گه نوسیان اَرسر مقوم قدِرت‌واختیار ووژو، بلکِم جالیز دُریس ووژو هُیشتونِ جا چِن، اِ زنجیرَل ابدی هُیشتیَسیِ تیَریکی شوءَزنگی تا موقَع داوری اِ اَ روژ کَلِنگَ.

مِکاشفَه 12:13

ئو هَریَگه اُژدها دیتی آوشدونَس اَر زَمی، کَت اَر دُم اَ ژِنَ گه کُری زائیتی.

مِکاشفَه 12:15

مارِهَه اژ دَم ووژ آوی چُی روو، اِ دُم اَ ژِنا آوشدیِ رئی، تا لافاو وَه‌گَرد ووژ بیَرتی.

مِکاشفَه 12:17

اَسَه اُژدها خِض گِرت اَر ژِنَهَه ئو چی تا وَه‌گَرد باقی نسِل او جنگ بِهِه؛ یانی وَه‌گَرد اونَلی گه حکمَل خدا مارِنَ جا ئو سفدِسخد مَچسبِن اَر شاتی عیسی‌آ.

مِکاشفَه 12:3

اَسَه نشونه‌ی‌تِر اِنوم آسمو دیارا داتی: اُژدها سوئر ئو کَلِنگی گه هفت سر ئو دیَه شاخ داشدی، ئو هفت تاج اَرنوم سِرَل بیتی.

مِکاشفَه 12:4

دُمی یِه‌سِئِم اژ آسارَه‌ل آسمو جارو کِردی ئو رِشونی‌ اَر زمین‌اِرا. اُژدها هوسیا اَر ویراَرویر اَ ژِنَ گه داشدی مَزایا، تاگَه هَریَگه آویلِهِه زائیتی، قویت اِرادِیتی.

مِکاشفَه 12:9

ئو اُژدها کَلِنگو آوشدَ هُار، هَراَ مار قدیمیَ گه ابلیس ئو شِطو نُمَسی، اَوَه گه کُل دنیا اژ رئی اِرَماری. اوُ آوشد اَر زَمی، ئو فریشدِه‌لِهِیشی وَه‌گَرد اوُ آوشد اَر زَمی.

مِکاشفَه 13:2

اَ جونور وَشیمَ گه دی هَر چُی پلنگی بی، پال چُی پال خرس بیتی ئو دَمی چُی دَم شیر، ئو اُژدها قویَت ئو تخت ووژ ئو قدِرت‌واختیار کَلِنگی دائون.

مِکاشفَه 13:4

مردِم اُژدهائو عَبادتَ مَهَرد اَرِیَگه قدِرت‌واختیار ووژ دائیتیَ اَ جونور وَشیَ، ئو اَ جونور وَشیونَ عَبادتَ مَهَرد ئو موئِتو: «کیَ گه چُی ایی جونور وَشیَ بوءَ؟ کیَ گه بتونی جنگَ گَرد کِیتی؟»

مِکاشفَه 20:10

ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.

مِکاشفَه 20:7

اَسَه گه اَ هزار سالَ تموم بو، شِطون اژ زندو آزادَ ماو،

مِکاشفَه 9:11

پاتِشا اونَل فریشدَه چا هاویَه بی گه وَه زوئو عبرانی ’اَبَدون‘ یانی نابودکَر نُمَسی، ئو وَه زوئو یونانی ’آپولیون‘.