مِکاشفَه 20:12 - کتاب مقدس به زبان لکی - گویش مرکزی

¹² ئو مِردیَلِم دی، کَلِنگ ئو گُجَر، هوسیائین اَر وَر تخت، ئو دفترَل واز بین. اَسَه دفتری‌تِر واز بی گه دفتر ژییاینَ. مِردیَل وَه اَ چیئَه گه اِ اَ دفترِلَ نُیسیائی، مِطابق کارَلی گه کِردوئیو داوری بین.

مِکاشفَه 20:12 Iomraidhean Croise

مَتّی 11:22

مِنتائای موشِم‌ئونتو گه اِ روژ داوری، تیَمِل مِجازات اَرِه صور ئو صِیدون آسُتِرَ ماو، تاگَه اَرِه هُمَه.

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

لوقا 10:20

مِنتائای اَرِه یَه خَوشالی نَهَن گه روحَل فِربونتون اَژینَ میَرِن، بلکِم خَوشالی هُمَه اَرِه یَه بوءَ گه نُمتون اِنوم آسمو نُیسیاءَ.»

کارَل رسولَل 24:15

وَه هَراَ خدای امید دیرِم گه یوئنَ ووژیشو قبول دیرِنی، گه اَرِه آم صالح ئو آم ظالم زِنیابیئِن اژ مِردیَل هَس.

رومیان 2:6

خدا «وَه هر کی مِطابق کارَلی سزاءَ مِ.»

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

دوئِم قُرَنتیان 5:10

اَرِیَگه کُل ایمَه باس اِبِرُوَر تخت داوری مسیح بوسیم، تاگَه هر کس، مِطابق اَ چیئَه گه اِ لار ووژ اَنجوم داسی، چه خو چه گَن، باریَ دس.

فیلیپیَل 4:3

اِاِ هُمکار وفادار، اژ تونیشمَ مِ گه ایی دو ژِنَ یاری دِین اَرِیَگه وَه‌گَرد کلِمِنت ئو باقی هُمکارَلِم گه نُمو اِنوم دفتر ژییاین نُیسیاءَ، شونَ شو مِن اِ کار انجیل زیَمَتو کیشیَ.

مِکاشفَه 11:18

ملتَل آگِر اَژینو چی، مِنتائای خَضو تو هات، وخد داوری اَر مِردیَل رَسیَ، وخد رَسیَسی گه مِز بِینَ خادمَلِت، نبوّت‌کَرَل ئو ایمودارَل مسیح، هَمیش کسَلی گه عزّت نُمِت دیرِن، اژ کَلِنگ تا گُجَر، ئو کسَلی گه زمینو نابود کِردیَ، نابود کِین.»

مِکاشفَه 13:8

ئو کُل کسَلی گه لیزو گِرتیَس اَررُی زَمی عَبادتَ مَهَنی، یانی کُل کسَلی گه نُمون اژ بِنیا دنیا، اِنوم اَ دفتر ژییاینَ نَنُیسیاءَ گه هِن اَ وَرکَسَ گه قُرونی بی.

مِکاشفَه 17:8

اَ جونور وَشیتَ گه دی، زمونی بیتی، اِسگَه نیَسی، ئو وَه ایی زویَ اژ چا هاویَه ماءَ دِریر ئو نابودَ ماو. اونَلی گه لیزو گِرتیَس اَررُی زَمی ئو اژ بِنیا دنیا نُمون اِنوم دفتر ژییاین نَنُیسیاءَ، وخدی اَ جونور وَشیَ بوئینِن اژ ووژونا مَچِن، اَرِیَگه زمونی بیتی، اِسگَه نیَسی، ئو مای.

مِکاشفَه 19:5

اَسَه دَنگی اژ تختِهَه هات گه موئِتی: «شگِر خداءِ ایمَه بِهَن، اِاِ کُل خادمَل او، اِاِ کسَلی گه اَژی زِلَتونَ مَچو، اژ کَلِنگ ئو گُجَر!»

مِکاشفَه 2:23

ئو موئمَ خوینی آیلَلی ئو کُل کلیسائِلَ مَفیَمِن گه مِه اَوِمَ گه فگِرَل ئو دلَلَ مَجورِم، ئو مِه وَه هرکُم اَژینتو مِطابق کارَلتو تِلافَتیَ میَمِ دُما.

مِکاشفَه 20:11

اَسَه تخت کَلِنگ ئو اِسبیمی دی، ئو کسی گه نیشتوئیتی اَرسرا. آسمون ئو زمین اژ اوءَ مِحوایان ئو جای اَرِنو نوئیَ دی.

مِکاشفَه 20:13

دریا، مِردیَلی گه اِنوم بینی داءِ دُما، ئو مرگ ئو دنیا مِردیَل‌یش مِردیَلی گه اِنومو بین، دائونِ دُما، اونَل هر کُم مِطابق کارَلی گه کِردوئیو، داوری بین.

مِکاشفَه 20:15

ئو هر کی گه نُم اِ دفتر ژییاین نَنُیسیائیتی، آوشدون اِنوم دریاچَه آگِر.

مِکاشفَه 21:27

مِنتائای هُیچ چی ناپاکی ئو هُیچ کسی گه کارَلی کفارت‌دار ئو دِروئِن، هرگِس نِمَچوتیَ نوما، فَخَد کسَلی گه نُمو نُیسیاس اِنوم دفتر ژییاین وَرک، مَچِنی اِنوم.

مِکاشفَه 22:12

«اِسگَه مِنَ ایی زویَ مام ئو اَجِری گه باس بیَم ها گَردِم تا وَه هر کی مِطابق کارَلی گه کِردیِ تِلافَتی بیَمِ دُما.

مِکاشفَه 3:5

هر کی فائق بای، جِنِک هُنَ اِسبی‌ای مِهِئِه وَر ئو هرگِس نُم اژ دفتر ژییاین پاکا نِمَهَمی. بلکِم اَرتَک باوَه‌م ئو فریشدَه‌لی نُمَ مارِمیَ زوئو.