مِکاشفَه 20:10 - کتاب مقدس به زبان لکی - گویش مرکزی

¹⁰ ئو ابلیس، گه فَنو دائیتی، آوشدون اِنوم دریاچَه آگِر ئو گوگرد، جای گه اَ جونور وَشیَ ئو نبوّت‌کَر دِروزِنِ بین. ئو اونَل شو ئو روژ تا ابد عذاوَ مَکیشِن.

مِکاشفَه 20:10 Iomraidhean Croise

مَتّی 25:41

اَسَه موشیَ اونَلی گه هانیِ لا چپا: ”اِاِ لیَنَت‌بیَل، اژ مِه دویرا بِگِرِن ئو بِچِن اِنوم آگِر ابدی‌ای گه اَرِه شِطون ئو فریشدَه‌ل او آمادَه بیَ،

مَتّی 25:46

اِسَه یوئنَ مَچِنَ نوم عذاو ابدیا، مِنتائای آمَل صالحَ مَچِنَ نوم ژییاین ابدیا.»

مَتّی 7:15

«اژ پِخَمَرَل دِروزِنِ دویرا بِگِرِن. اونَل وَه جِنِک میا مان اَرِه تک هُمَه، مِنتائای اِ باطنا گُرگَل دِرَّندَه‌ن.

مَرقُس 9:44

[جای گه نه کرم اِنومَ مَمِرِتی ئو نه آگِر کورا ماوتی.]

مِکاشفَه 16:13

اَسَه دیم سه روحِ گَن اِجور قورباک اژ دَم اُژدها ئو اژ دَم اَ جونور وَشیَ ئو اژ دَم نبوّت‌کَر دِروزِنِ هاتِنَ دِریر.

مِکاشفَه 19:20

مِنتائای اَ جونور وَشیَ گرفدار بی ئو وَه‌گَرد او اَ نبوّت‌کَر دِروزِنِ گه اَرتَک او نشونَه‌ل ئو مُجِزَه‌لی کِردوئیتی تاگَه وَه اونَ کسَلی فن بِ گه چوئینِ گِرد نشونَه اَ جونور وَشیَ ئو مِجسمَه اَوُنَ مَپِرَسیا. اُوُنو هَردِک، زِنی آوشد اِنوم دریاچَه آگِر ئو گوگرد.

مِکاشفَه 20:8

ئو ماءَ دِریر اَرِه فن دائِن ملتَلی گه هانِ چوار سویک زَمی، یانی جوج ئو ماجوج گه شِمارو اِجور هُسَل دریاءَ، تا اَرِه جنگ جیَمو بِهِه.

مِکاشفَه 9:17

اَسبَل ئو سُوارَلو گه اِ رویام دی، هُنَ بینَ: زِریئَلونی اِوَر بی، سوئر اِجور آگِر ئو کاو ئو زرد اِجور گوگرد. سر اَسبَل اِجور سر شیرَل بی ئو اژ دَمَلو آگِر ئو دوی ئو گوگردَ ماهاتَ دِریر.