مِکاشفَه 2:9 - کتاب مقدس به زبان لکی - گویش مرکزی

⁹ مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.

مِکاشفَه 2:9 Iomraidhean Croise

مَتّی 4:10

عیسی وِتون: «بِچُ اَلا اِاِ شِطو! اَرِیَگه اِنوم تورات نُیسیاءَ: «”خداون، خداءِ ووژِت بِپِرَس ئو فَخَد او عَبادت کَ.“»

لوقا 12:21

یَسَ عاقویَت کسی گه اَرِه ووژ مال‌ِمنال جیَمَ مِ، مِنتائای اَرِه خدا ثرودمن نیَ.»

لوقا 22:65

دُما نُم‌نَسَقَل فِرِه گه مَنیائونَ بینا کِفِرون‌ئونَ مَهَرد.

لوقا 4:18

«روحِ خداون ها اَررُی مِه، اَرِیَگه مِه مسح کِردیِ تاگَه خَوَر خَوش پاتِشائی خدا، اِلوم کَم اَر ژارَل ئو مِه کِل‌کِردیَسی تاگَه آزادی، اِلوم کَم اَر اسیرَل ئو روشتایی بیَمَ چیَمَل کورَل، ئو ستم‌کیشَل آزاد کَم،

لوقا 6:20

اَسَه عیسی سِیل کِردی اَر شاگردَلی ئو وِتی: «خَوزگالَ هُمَه گه ژارینو، اَرِیَگه پاتِشائی خدا هِن هُمِئَه.

یوحنا 16:33

یوئنَمَ وِتَ هُمَه تاگَه اِنوم مِه سِتارتو بِگِری. دنیا اَرِه هُمَه ماوَ جُور؛ مِنتائای بِیلِن دلِ‌دَرینتو داشدوئی، اَرِیَگه مِه بیمَسَ حریف ایی دنیاءَ.»

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

کارَل رسولَل 26:11

اونَلم اِنوم کُل عَبادتگائَل یهود مِجازاتَ مَهَرد ئو وادارمَ مَهَردِن کِفِر بِهَن. مِه اَخَ اَژینو خِض‌اَری بیم، گه جُ‌جُ تاگَه شیَرَل اَژنَوی‌ش مَچیامَ دُمونا.

رومیان 12:12

اِ امید خَوشالی بِهَن، اِ سخدیَل طاختتو داشدوئی ئو یِمِجو دوعا بِهَن.

رومیان 2:17

مِنتائای اَرّ تو گه ووژتَ یهودیَ مَذانین ئو تکیَ مِین اَر شریعت ئو اَرِیَگه خداءَ مَشتاسین وَه ووژتَ مَنازین،

رومیان 5:3

نه فَخَد یَه، بلکِم اِ عذاوَل‌یش خَوشیَ مِهِیم، اَرِیَگه مَذانیم گه عذاوَل طاخَتَ ماریَ بار

رومیان 8:35

کیَ گه ایمَه اژ مِحبت مسیح جیاآ کِ؟ مِصیوَت یاگَه سخدی یا آزار یا قیَطی یا لُتی یا خطر یاگَه شِمشیر؟

رومیان 9:6

مِنتائای مصقود یَه نیَ گه کلوم خدا وَه اَنجوم نَرَسیَ. اَرِیَگه کُل کسَلی گه اژ قوم اسرائیلِن، اِراسی اسرائیلی نیِن؛

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

دوئِم قُرَنتیان 8:2

اَرِیَگه اونَل وَه عذاوَل، سخد اِنتحو بین، مِنتائای خَوشی فِرَه‌ئو آشگارا بی ئو اِ ژاری فِرَه‌ئو، دسِ‌دلوازیو بی‌حَدا بی.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

اول تِسالونیکیَل 3:4

اَرِیَگه وخدی وَه‌گَرد هُمَه بیمو، وِرِکار وِتمو گه میا سخدی بِکیشیم، ئو هَرهُنَ گه مَذانینو، هُنِ‌یشَ بی.

اول تیموتائوس 1:13

وَه‌یاآگه اِ قدیم کِفِرچی ئو ظالم بیم ئو زورمَ موئِت، مِنتائای ریَم بی اَرینِم، اَرِیَگه اژ بی‌ایمونی نایونیِم کِرد.

اول تیموتائوس 6:18

فِربو بیَ بینو گه خوئی بِهَن ئو اِ کارَل خِر دولَمَن بوئن، دس‌ِدلواز ئو دسَ‌خِر بوئن.

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 2:2

مِه کارَل تو، جُورَل تون ئو پایاریتَ مَذانِم. مَذانِم گه نِمَتونین آمَل شرَبار تیَمِل بِهِین ئو اونَلی گه ووژونَ رسولَ مَذانِن ئو نیِن اِنتحونِت کِردیَ ئو تو فیَمینَ دِروزِنِن.

مِکاشفَه 2:24

مِنتائای وَه باقی هُمَه اِ شیَر تیاتیرا، گه نمَچسبینون اَر ایی تیَلیمَ ئو اَ چیئَه گه بِری موشِنی‌ئون ’رازَل قویل شِطو‘ نَگِرتِتونَسا، یَه موشِم‌ئونتو گه بار ویشتِری نِمَنم اَر کولتو.

مِکاشفَه 3:9

سِیل کَ، اونَلی گه اژ عَبادتگا شِطونِن ئو ووژونَ یهودیَ مَذانِن ئو نیِن بلکِم دِروءَ موشِن، اِسگَه، مَنِم اَر مِلو گه بان ئو بِکُوئِنِ وَر پائلِت، ئو مَفیَمِن گه مِه دوسِم داشدینَ.

مِکاشفَه 7:14

مِه وِتم‌ئون: «اِاِ آقا، تونَ مَذانین.» ئو او وِتی‌ئونِم: «یوئنَ هَراَ کسَلِنَ گه اژ عذاو کَلِنگ هاتِنَسَ دِریر، اونَل چوخائَل ووژون اِ خوین وَرک شوریَ ئو اِسبیا کِردیَ.