مِکاشفَه 2:3 - کتاب مقدس به زبان لکی - گویش مرکزی

³ مَذانِم گه وَه خاطر نُم مِه وَه صبِر طاخَتَ مارین ئو تیَمِلَ مِهِین ئو شَکَت نوئینَ.

مِکاشفَه 2:3 Iomraidhean Croise

مَرقُس 15:21

اونَل پیای شَمعون نُم اژ مردِم قیرَوان گه باوَه اسکندر ئو روفُس بی ئو اژ سر کشتِ‌کارَ ماهات ئو اژ اورَه ردَ میا مجبورو کِرد تاگَه صلیب عیسی بِگِریِ کول.

لوقا 14:27

هر کی صلیب ووژ نَگِریِ کول ئو ناءَ تُرّ مِنا، نِمَتونی شاگرد مِه بو.

لوقا 18:1

عیسی اَرِه شاگردَل وِتی تا نِشو دِ گه باس هَر دوعا بِهَن ئو هرگِس دلسردا نوئن.

لوقا 21:19

وَه طاخَت ئو پایاری گیو ووژتو نجادَ مِینو.

لوقا 5:5

شَمعون جوواوا داتی: «استاد، تموم شو فِرَه جُورمو کیشی ئو چیمونی نَگِرت. مِنتائای اِسگَه گه تونَ موشین، تورِلَ ماوژِم اِنوم آو.»

لوقا 8:15

مِنتائای تُئمَلی گه مَکُوئِن اِنوم زَمی خو، کسَلی کِن گه وَه دل پاک ئو خو کلوم خداءَ مَشتوئِن ئو سفدِسخد مَچسبِن‌َ اَوا ئو وَه صبِر ئو تیَمِل ثمرَ مارِن.

یوحنا 15:21

مِنتائای یوئنَ کُل وَه خاطر نُم مِنَ مارِنَ سرتو، اَرِیَگه اَ کسَ گه مِه کِل‌کِردیَسی نِمَشتاسِن.

رومیان 12:12

اِ امید خَوشالی بِهَن، اِ سخدیَل طاختتو داشدوئی ئو یِمِجو دوعا بِهَن.

رومیان 16:12

سِلام برَسِنِنَ تْریفینا ئو تْریفوسا، گه اِنوم خداون سخد زیَمَتَ مَکیشِن، ئو هَمیش وَه پِرسیس عزیزگرامی گه اِنوم خداون فِرَه زیَمَت کیشیَسی.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

رومیان 8:25

مِنتائای اَرّ امید اَر چیئی دیریم گه هَنی نِئیمونَ، وَه صبِرا چیَمَ‌رئیَ مَمینیمی.

اول قرنتیان 13:7

مِحبت وَه‌گَرد کُل چیَ مَسازی، کُل چی باوار دیری، هَر امید دیری ئو کُل چی تیَمِلَ مِهِه.

اول قرنتیان 16:16

فِربوبَر هُنَ کسَلی بوئن ئو فِربوبَر هر کی گه اِنوم ایی خِلمتَ هُمکاریَ مِهِه ئو جُورَ مَکیشی.

دوئِم قُرَنتیان 10:15

ایمَه حد ووژمو حفظَ مِهِیم ئو وَه اَ چیئَه گه کسَلی‌تِر اَنجومو داءَ نِمَنازیم. بلکِم امیدمو یَسَ گه هر چی ایمو هُمَه رشدَ مِهِه، تاثیر ایمَه اَر هُمَه ویشتِرا بو،

دوئِم قُرَنتیان 11:23

اونَل خِلمتکارَل مسیحِن؟ مِن اژ اونَل بیتِرِم. -اِجور آم لیوه‌ی قصَه مَهَم- مِه ویشتِر اژ اونَل زیَمَتِم کیشیَ، ویشتِر اژ اونَل کَتِمَس اِنوم زندو، ویشتِر اژ اونَل شلاخِم هُاردیَ، ئو ویشتِر وَخدَل نزیک بیَ بِمِرِم.

دوئِم قُرَنتیان 4:1

اِسَه اَرِیَگه ایمَه ایی خِلمتَ اژ ریَمَت خدا دیریم، دلسردا نِموئیم.

دوئِم قُرَنتیان 4:16

اِسَه دلسرد نِموئیم. وَه‌یاآگه لار ایمَه مَپیتِرکی، اِنسو باطنیمو روژ اَر روژ نووتِرا ماو.

دوئِم قُرَنتیان 5:9

اِسَه چه اِ مال بوئیمو، چه دویر اژ مال، مصقودمو یَسَ گه وَه دل او بوئیمو.

دوئِم قُرَنتیان 6:5

اِ شلاخ هُاردِنَل، اِ زندونَل، اِ شورشَل، اِ جُورَل، اِ شو نَحیوَسیَل ئو اِ وِرسِنی؛

غَلاطیَل 6:2

بارَل یَکتِری بِکیشِن اَر کول گه هُنَ شریعت مسیحَ مارینون‌َ جا.

غَلاطیَل 6:9

اِسَه اژ خوئی کِردِن دلسرد نوئیمو، اَرِیَگه اَرّ شَکَت نوئیمو، وَه موقَع ووژ، دروءَ مِهِیم.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

فیلیپیَل 4:3

اِاِ هُمکار وفادار، اژ تونیشمَ مِ گه ایی دو ژِنَ یاری دِین اَرِیَگه وَه‌گَرد کلِمِنت ئو باقی هُمکارَلِم گه نُمو اِنوم دفتر ژییاین نُیسیاءَ، شونَ شو مِن اِ کار انجیل زیَمَتو کیشیَ.

کولُسیَل 1:11

ئو وَه تموم قویَتی گه اژ قدِرت پر جِلال اوءَ، قدِرت بِگِرینو تا وَه خَوشالی، صبِر ئو تیَمِل کاملتو داشدوئی؛

اول تِسالونیکیَل 1:3

اَرتَک خدا ئو باوَه آسمونیمو کارتو گه اژ ایمونَ ئو زیَمَتو گه اژ مِحبتَ ئو درین‌داریتو گه اژ امید اِنوم خداونمو عیسی مسیحَ، ماریمَ ویر.

اول تِسالونیکیَل 2:9

اَرِیَگه اِاِ بِرال، هُمَه زیَمَت ئو جُور ایمَه‌تو ها ویر، گه شو ئو روژ کارمو کِرد تاگَه وخدی انجیل خدا اَرِنتو موعظَه مِهِیم، بار گِرونی اَر کول هُیچ‌کُم اَژینتو نوئیمو.

اول تِسالونیکیَل 5:12

اِاِ بِرال، خواهشد اَژینتونَ مِهِیم عزّت بِنِن اَر کسَلی گه اِنومتو زیَمَتَ مَکیشِن ئو اِنوم خداون رَبَرَل هُمَه‌ن ئو مِناتونَ مَهَن.

دوئِم تِسالونیکیَل 3:13

ئو مِنتائای هُمَه اِاِ بِرال، هرگِس اژ خوئی کِردِن شَکَت نوئن.

دوئِم تِسالونیکیَل 3:5

خداون دلَلتو هدائَت بِهِئَه مِحبت خدا ئو دَرین‌داری مسیح.

دوئِم تِسالونیکیَل 3:8

ئو نُو کَسمونَ مِفت نَهُارد، بلکِم شو ئو روژ کارمو کِرد ئو زیَمَتمو کیشی تا باری اَر کول هُیچ‌کُمتو نوئیمو.

اول تیموتائوس 4:10

اَرِیَگه ایمَه امیدمو بَسدیَسَ خداءِ زِنی گه نجاددهندَه کُل مردِمَ، مصخوصاً ایمودارَل؛ اَرِیَگه هَر اَرِه یَه زیَمَتَ مَکیشیم ئو تقِلاءَ مِهِیم.

اول تیموتائوس 5:17

شیخَلی گه خو رَبَریَ مَهَن، لائق عزّت دو بِرُوَرِن، مصخوصاً اونَلی گه اِ کار موعظَه ئو تیَلیم زیَمَتَ مَکیشِن.

عِبرانیَل 10:36

اَرِیَگه لازمَ پایار بِمینینو تا زمونی گه خواس خداتو اَنجوم دا، اَ چیئَه گه وَدَه هاوِنتیَ بارینونَ دس.

عِبرانیَل 12:1

اِسَه اَرِیَگه هُنَ اُر کَلِنگی اژ شاتیَل اِراگِرتیمونیِ، بورِن هر بار ئو هر گنای گه سفدِسخد پیچَ میریَ قِمونا، بنیمِ لا ئو وَه پایاری، اِ مِسابقه‌ی گه ها نوامون‌اِر، بِرَمیم.

عِبرانیَل 13:13

اِسَه بورِن اژ اردوگا بِهِیمَ دِریر اِرَه تک او، هَرهُنَ گه هَراَ ننگی گه او تیَمِل کِردی، گِرتِمونَس‌َ کولا.

عِبرانیَل 6:10

اَرِیَگه خدا بی‌انصاف نیَ گه کار هُمَه ئو مِحبتی گه وَه خاطر نُم او اِ خِلمت اژ ایمودارَل مسیحتو نِشو داءَ ئو هَنی‌شَ مِینو، اِویر بِچوتی.

عِبرانیَل 6:12

تاگَه تَمَل نوئینو، بلکِم اژ کسَلی سرمقشا بِگِرینو گه وَه‌سونگَ ایمون ئو صبِر، موئنَ وارث وَدَه‌ل.

عِبرانیَل 6:15

ئو وَه ایی جورَ، ابراهیم دُما یَگه وَه صبِر چیَمَ‌رئی مَن، وَدَه آوِردیَ دس.

دوئِم پطرس 1:6

ئو اَر شناخت، نوا ووژ گِرتِن، ئو اَر نوا ووژ گِرتِن، دَرین‌داری، ئو اَر دَرین‌داری، دینداری،

مِکاشفَه 1:9

مِه، یوحنا، بِرا هُمَه، گه اِ جُور ئو پاتِشائی ئو پایاری‌‌ای گه ها نوم عیسی‌اِر، وَه‌گَردتو شیَریکِم، وَه خاطر کلوم خدا ئو شاتی اَر عیسی، اِ جزیره‌ی بیم گه نُم پاتموس بیتی.

مِکاشفَه 3:10

اِسگَه گه کلوم مِنِت اِبارَه پایاری حفظ کِردیَ، مِن‌یش اَ سات اِنتحونَ اَژینتَ ماوژِمِ لا گه وَه ایی زویَ ما اَر سر کُل دنیا تاگَه مردِم رُی زَمی اِنتحو کِ.