مِکاشفَه 2:25 - کتاب مقدس به زبان لکی - گویش مرکزی

²⁵ فَخَد یَگه سفدِسخد بچسبِن اَر اَ چیئَه گه دیرینو تاگَه مِه بام.

مِکاشفَه 2:25 Iomraidhean Croise

یوحنا 14:3

ئو هر وخد چِم ئو جامی اَرِه هُمَه آمادَه کِرد، اِدوارَه مام ئو هُمَه میَرِم اَرِه تک ووژِم، تاگَه اَر اورَه گه مِه هم، هُمِه‌یش بوئینو.

کارَل رسولَل 11:28

یَکی اَژینو گه نُم آگابوس بیتی، هیزگِرتی وَه‌سونگَ روحِ خدا پیشگوئی کِردی گه قیَطی سخدی کُل دنیا اِرامَگِری. اِ زَمو امپراطور روم کْلودیوس ایی قیَطیَ کَت.

رومیان 12:9

مِحبت باس خالص بو. اژ گَنی بیزار بوئن ئو سفدِسخد بچسبِنَ اَ چیئا گه خوءَ.

اول قرنتیان 11:26

اَرِیَگه هر گِلی گه ایی نونَ میرینو ئو اژ ایی پیالَه خُرَّ مِینو، مِردِن خداون اِلومَ مِهِینو تا زمونی گه گِلابیری.

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

اول تِسالونیکیَل 5:21

بلکِم کُل چی اِنتحو کَن؛ سفدِسخد بچسبِنَ اَ چیئَه گه خوءَ.

عِبرانیَل 10:23

بورِن بی‌یَگه سُسا بوئیمو، سفدِسخد بچسبیمون اَر امیدی گه اعترافَ مِهِیمی اَری، اَرِیَگه وَدَه‌دهندَه اَمونتدارَ.

عِبرانیَل 3:6

مِنتائای مسیح، اِجور کُری اَر مال خدا اَمونتدارَ، ئو مال او ایمِه‌یمو، وَه شرطی گه تاگَه آخِر وَه اطمینون ئو افتخار سفدِسخد بچسبیمون اَر امیدمو.

عِبرانیَل 4:14

اِسَه وخدی کاهن اعظم کَلِنگی دیریم گه ویرِ آسمونَل چیَسِ رُ، یانی عیسی کُر خدا، بورِن سفدِسخد بچسبیمون اَر اعتراف ایمونمو.

دوئِم پطرس 3:10

مِنتائای روژ گِلاهُاردِن خداون اِجور دُزی مای، اَ موقَع وَه گِرِمهُر کَلِنگ ئو ترسناکی آسمونَل اژ بِنَ مَچِن ئو آسارَه‌ل آسمونَ مَسُزِن ئو اژ یَکَ مَچویچِن، زمین ئو کُل کارَلی آشگارا موئن.

مِکاشفَه 1:7

سِیل کَ، وَه اُرِلَ مای، ئو هَر چیَمی اوءَ موئینی، جُ‌جُ چیَم اونَلی گه نِزِه‌ئو دا اَری؛ ئو کُل طائفَه‌ل زَمی لورَلورَ مَهَنی اَرِه. اَاَ، هُنَ ماو. آمین.

مِکاشفَه 22:20

اَوَه گه اَر ایی چیئِلَ شاتیَ مِ، هُنَ موشی: «اَاَ، وَه ایی زویَ مام.» آمین. بوری، اِاِ خداون عیسی!

مِکاشفَه 22:7

«ئو اِسگَه، مِنِ ایی زویَ مام! خَوزگالَ کسی گه قصَه‌ل نبوّت ایی کِتاوَ ماریَ جا.»

مِکاشفَه 3:11

«مِه وَه ایی زویَ مام. سفدِسخد بچسب اَر اَ چیئَه گه دیرین، تاگَه کسی تاجت اَژی نَسینی.

مِکاشفَه 3:3

اِسَه اَ چیئَه گه گِرتِت ئو شنَفتِت بارِ ویر، بارَ جا ئو توئَه بِهَه. اَرّ تو نوئینَ خَوَر، مِن اِجور دُزی مام، ئو تو نِمَذانین مِه چه ساتی مام اَرِنِت.