مِکاشفَه 2:23 - کتاب مقدس به زبان لکی - گویش مرکزی

²³ ئو موئمَ خوینی آیلَلی ئو کُل کلیسائِلَ مَفیَمِن گه مِه اَوِمَ گه فگِرَل ئو دلَلَ مَجورِم، ئو مِه وَه هرکُم اَژینتو مِطابق کارَلتو تِلافَتیَ میَمِ دُما.

مِکاشفَه 2:23 Iomraidhean Croise

مَتّی 16:27

«اَرِیَگه کُر اِنسو وَه‌گَرد فریشدَه‌لیا اِنوم جِلال باوَه ووژَ مای، اَ موقَع وَه هر کی مِطابق کارَلی، اَجِرَ مِ.

لوقا 16:15

عیسی وِتی‌ئونو: «هُمَه هَراَ کسَلینونَ گه ووژتون اَرتَک مردِم صالح نشونَ مِینو، مِنتائای خدا اژ دلتو خَوَر دیری. اَ چیئَه گه وَه چیَم مردِما اَرزشد دیری، وَه چیَم خداآ کفارت‌دارَ!

یوحنا 21:17

گِل سِئِم عیسی وِتیَ پطرس: «شَمعون، کُر یونّا، آیا دوسِم دیرین؟» پطرس اَرِیَگه عیسی اَرِه گِل سِئِم اَژی پِرسی، «آیا دوسِم دیرین؟» خُلک گیریاتی ئو جوواو داتی: «اِ خداون، تو اژ کُل چی باخَوَرین؛ توءَ مَذانین گه دوسِت دیرِم.» عیسی وِتی: «مِتیَه‌جی کاوِرَلِم بو.

یوحنا 4:16

عیسی وِتَ بی: «بِچُ، میردَه‌ت هِنا کَ ئو گِلار.»

کارَل رسولَل 1:24

اَسَه هُنَ دوعائو کِرد: «اِاِ خداون، تو گه اژ دل کُل کس خَوَر دیرین. تو ووژِت نشونمو دَ گه اَژی دوءَ، کُماینِت اِنتخاو کِردیَ

رومیان 14:12

اِسَه هر کُم اژ ایمَه حساو ووژَ خدا مِئِه دُما.

رومیان 8:27

ئو او گه دلَلَ مَجوری، فگِر روحَ مَذانی، اَرِیَگه روح مِطابق خواس خدا اَرِه ایمودارَل مسیح شِفاعتَ مِهِه.

دوئِم قُرَنتیان 5:10

اَرِیَگه کُل ایمَه باس اِبِرُوَر تخت داوری مسیح بوسیم، تاگَه هر کس، مِطابق اَ چیئَه گه اِ لار ووژ اَنجوم داسی، چه خو چه گَن، باریَ دس.

غَلاطیَل 6:5

اَرِیَگه هر کی باس بار ووژ بِکیشی اَر کول.

عِبرانیَل 4:13

ئو هُیچ مخلوقی اژ چیَم خدا پنهو نیَ، بلکِم کُل چی اِ وَر چیَمَل او گه باس حساو‌ئون بِیمیَ دُما، لُت ئو آشگارَ.

اول پطرس 1:17

اَرّ وَه اوءَ موشینو باوَه گه بی‌‌جونِمداری ئو مِطابق کارَل هرکی داوریَ مِهِیتی اَری، اِسَه دورَه خَریوی ووژتونَ خداترسی بِگُذَرِنِن،

مِکاشفَه 2:11

«اَوَه گه گوش دیری بشتوئی گه روحِ خدا چَه موشیَ کلیسائَل. هر کی فائق بای، اژ مرگ دوئِم ضِرَدئون نِمَرَستی.

مِکاشفَه 2:7

«اَوَه گه گوش دیری بشتوئی گه روحِ خدا چَه موشیَ کلیسائَل. وَه هر کی گه فائق بای، یَه موئَشخِمی‌ئون گه اژ دار ژییاین گه ها نوم بهشت خدااِر بیری.

مِکاشفَه 20:12

ئو مِردیَلِم دی، کَلِنگ ئو گُجَر، هوسیائین اَر وَر تخت، ئو دفترَل واز بین. اَسَه دفتری‌تِر واز بی گه دفتر ژییاینَ. مِردیَل وَه اَ چیئَه گه اِ اَ دفترِلَ نُیسیائی، مِطابق کارَلی گه کِردوئیو داوری بین.

مِکاشفَه 20:13

دریا، مِردیَلی گه اِنوم بینی داءِ دُما، ئو مرگ ئو دنیا مِردیَل‌یش مِردیَلی گه اِنومو بین، دائونِ دُما، اونَل هر کُم مِطابق کارَلی گه کِردوئیو، داوری بین.

مِکاشفَه 22:12

«اِسگَه مِنَ ایی زویَ مام ئو اَجِری گه باس بیَم ها گَردِم تا وَه هر کی مِطابق کارَلی گه کِردیِ تِلافَتی بیَمِ دُما.

مِکاشفَه 6:8

ئو مِه سِیلِم کِرد، اَسَه اسب رنگ‌پریای بی، ئو سُوارِهِه نُم مرگ بیتی، ئو دنیا مِردیَل اژ دُم اوآ ماهات. ئو قدِرت اَر یِه‌چوارِم اژ زمینو دائونو تاگَه بِکُشِن، وَه شِمشیر ئو قیَطی ئو مِرَض ئو حِوونَل وَشی رُی زَمی.