مِکاشفَه 2:19 - کتاب مقدس به زبان لکی - گویش مرکزی

¹⁹ مِه کارَل تو، مِحبت ئو وفاداریِت ئو خِلمت ئو پایاریتَ مَذانِم ئو یَگه کارَل آخِرِت ویشتِر اژ اول‌بارتَ.

مِکاشفَه 2:19 Iomraidhean Croise

لوقا 1:23

دُما یَگه نوئَه خِلمت زکریا تموم بی، گِلاهُاردی اِرَه مال ووژ.

یوحنا 15:2

هَر پَلی گه اِنوم مِه ثمر ناری، او مُئرِتی ئو هر پَلی گه ثمر باری، هرسَ مِهِیتی تاگَه ویشتِر ثمر باری.

کولُسیَل 3:14

ئو اَر رُی یوئنَ کُل، مِحبت بِهَنِ وَر گه کُل چی اِ اتحاد کامل مَنیَ قِ یَکا.

اول تِسالونیکیَل 3:6

مِنتائای اِسگَه گه تیموتائوس اژ تک هُمَه هاتیَسَ اَرِه تک ایمَه، ئو خَوَر خَوش ایمون ئو مِحبت هُمَه آوِردیَسی اَرِنمو ئو گزارش داسی گه هُمَه هَر اِ خوئی هاینونِ ویر ایمَه ئو شوق دیرینو ایمَه بوئینینو هَرهُنَ گه ایمَه شوق دیریم هُمَه بوئینیم،

دوئِم تِسالونیکیَل 1:3

اِاِ بِرال، ایمَه باس هَر وَه خاطر هُمَه شگِر خدا بِهِیم، ئو هَر یَه سزاواریشَ، اَرِیَگه ایمونتو هَر دیری ویشتِر رشدَ مِهِه ئو مِحبت هرکُمتون اَر یَکتِری فِرَه‌تِرا ماو.

اول تیموتائوس 1:5

مصقود ایی فِربون ایمَه مِحبتَ، گه اژ دل پاک، وِژدان خو ئو ایمو رُی‌راسَ مای.

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

دوئِم پطرس 1:7

ئو اَر دینداری، دوس داشدِن بِرائی ئو اَر دوس داشدِن بِرائی، مِحبت.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.