مِکاشفَه 2:18 - کتاب مقدس به زبان لکی - گویش مرکزی

¹⁸ «اَرِه فریشدَه کلیسا تیاتیرا بِنُیسِن: «کُر خدا گه چیَمَلی اِجور بِلاچَه آگِر دیری ئو پالی اِجور مَفِرغ سائیاءَ، هُنَ موشی:

مِکاشفَه 2:18 Iomraidhean Croise

مَتّی 17:5

هَنی ایی قصَه اِ دَم پطرس بی گه وَه یِگِل اُر بِریقَه‌داری سا آوشدی اَر اونَل ئو دَنگی اژ اُرِهَه رَسی گه: «یَسَ کُر عزیزگرامی مِه گه فِرَه وَه دل مِنَ؛ گوش بِگِرنی‌ئون!»

مَتّی 27:54

وخدی فرموندَه سَروازَل ئو کسَلی گه نگبونی عیسی‌ئونَ ما، زمی‌لرزَه ئو کُل ایی چیئِلونَ دی، زِلَ‌تِراقا بین، وِتو: «اِراسی او کُر خدا بی.»

مَتّی 3:17

اَسَه دَنگی اژ آسمو هات گه «یَسَ کُر عزیزگرامیم گه فِرَه وَه دل مِنَ.»

لوقا 1:35

فریشدَه جوواوا داتی: «روح‌القدسَ ما اَررُی تو ئو قدِرت خداءِ متعال ساءَ ماوژی‌ اَرینِت. اَژونَسَ، اَ کورپِه‌ی گه میا باءَ دی مقدّس ئو کُر خدا هِناءَ ماوَ.

یوحنا 1:14

ئو کلوم، بیَ اِنسو ئو لیز گِرت اِنوم ایمَه. ایمَه جِلال اومو دیَ، جِلالی لائق اَ یَکونَه کُرَ گه اژ جونِم باوَه آسمونی هات، پِر اژ فیض ئو حخیخت.

یوحنا 1:49

نَتَنائیل جوواو داتی: «استاد، تو کُر خدائین! تو پاتِشا اسرائیلین!»

یوحنا 10:36

چطورَ مَتونینو وَه کسی گه باوَه وَخم کِردیَ ئو کِل‌کِردیَس‌ اَرِه دنیا، بوشینو ”کِفِرَ موشین،“ فَخَد اَرِیَگه وِتِم کُر خدام؟

یوحنا 3:16

«اَرِیَگه خدا اَخَ مِحبت کِردی اَر دنیا گه کُر یَکونَه ووژ داتی تا هر کی ایمو باری اَر او نابود ناو، بلکِم ژییاین ابدی داشدوئیتی.

یوحنا 3:18

هر کی ایمونَ بی دیرِتی مَکوم نِماو، مِنتائای هر کی ایمونَ بی نِرتی، هَراِسگَه مَکوم بیَ، اَرِیَگه ایمو ناوِردیَسی اَر نُم کُر یَکونَه خدا.

یوحنا 5:25

حخیختاً، موشِمَ بینتو، زمونی مای، بلکِم هَراِسگِه‌یشَ هاتیَ، گه مِردیَل دَنگ کُر خداءَ مَشتوئِن ئو کسَلی گه بشتوئِن، زِنیا موئن.

کارَل رسولَل 16:14

اِنوم اونَل ژَن خداپِرَسی اژ شیَر تیاتیرا بی ئو گوشَ ماتی اَر قصَه‌لمو. او لیدیَه نُم بیتی ئو پارچَه‌ل گِرو کاوَ مَفِروتی. خداون قلب گُشونا تاگَه خو گوش بِگِریَ اَ چیئَه گه پولُسَ موئِتی.

کارَل رسولَل 8:36

هَرهُنَ گه وَه نوم رئیا مَچیان، رَسینَ آوی. خواجَه‌سرا وِتی: «سِیل کَ، آو هار ایرَه! چَه مَتونی نوا خُسِل تیَمید گِرتِنِم بِگِری؟»

رومیان 1:4

ئو اژ لِحاظ روحِ قدوسیّت وَه‌سونگَ زِنیابیئِنی اژ مِردیَل وَه قدِرتا اِلوم بی گه کُر خداءَ، یانی خداون ایمَه عیسی مسیحَ.

رومیان 8:32

او گه کُر ووژ دَریخ نَهَردی، بلکِم او اَرِه کُل ایمَه تسِلیم کِردی، چطورَ گَرد او کُل چی وَه دسِ‌دلوازیا نِموئَشخِنیَ ایمَه؟

مِکاشفَه 1:11

گه موئِتی: «اَ چیئَه گه موئینین بِنُیسِن اِنوم کِتاوی ئو کِل‌کَ اَرِه هفت کلیسا اَفِسُس، اِسمیرنا، پِرگاموم، تیاتیرا، ساردِس، فیلادِلفیَه ئو لائودیکیَه.»

مِکاشفَه 2:1

«اَرِه فریشدَه کلیسا اَفِسُس بِنُیسِن: «اَوَه گه هفت آسارَه اِ دس راس ووژ دیری، ئو اِنومجا هفت چراخدو طِلا مَچوءَ رئیا، هُنَ موشی:

مِکاشفَه 2:24

مِنتائای وَه باقی هُمَه اِ شیَر تیاتیرا، گه نمَچسبینون اَر ایی تیَلیمَ ئو اَ چیئَه گه بِری موشِنی‌ئون ’رازَل قویل شِطو‘ نَگِرتِتونَسا، یَه موشِم‌ئونتو گه بار ویشتِری نِمَنم اَر کولتو.