مِکاشفَه 2:14 - کتاب مقدس به زبان لکی - گویش مرکزی

¹⁴ «مِنتائای چیئَلی اَرضد تو دیرِم. اَر اورَه کسَلی دیرین گه چسبینَس اَر تیَلیم بَلعاما، هَر اَوَه گه یاء بالاق داتی گه کُچِکی گه باعث کَتِن بنی‌اسرائیل بو، بِنی اَر وَر پائلو تاگَه اُوُ خوراکی گه پیشکَشَ ماو اَر بِتَل بیرِن ئو بی‌عصمتی بِهَن.

مِکاشفَه 2:14 Iomraidhean Croise

مَتّی 18:7

هِرّو اَرِه ایی دنیاءَ گه وَه وسوسَه‌لی باعث گناءَ ماو! اَرِیَگه وَه‌یاآگه وسوسَه‌ل همیشَه هَن، مِنتائای هِرّو اَرِه اَوَه گه باعث وسوسَه بو!

کارَل رسولَل 15:29

اژ خوراکی گه وَه خاطر پیشکَشی اَر بِتَل نِجس بیَ، اژ هُاردِن خوین، اژ گوشد حِوونَل تاسیا ئو اژ بی‌عصمتی پیَریز کَن، اَرّ ووژتون اژ ایی چیئِلَ دویرا بِگِرینو، کارَل خوتونی اَنجوم داءَ، والسّلام.»

کارَل رسولَل 21:25

مِنتائای اِبارَه ایمودارَل خِرِیهودی، ایمَه حکِم ووژمون اِنوم نُامَه‌مونی کِل‌کِرد اَرِنو ئو وِتمو گه باس اژ چیئی گه اَرِه بِتَل قُرونیَ ماو، اژ خوین، ئو اژ گوشد حِوونَل تاسیا ئو اژ بی‌عصمتی پیَریز کَن.»

رومیان 11:9

ئو داوود پِخَمَرَ موشی: «سِفِرَه‌ئو اَرِنو بوءَ دام ئو تِلَه ئو بوءَ کُچِکی گه پائلو گیرَ مِهِیتی اَری، ئو مَکُوئِن، ئو مِکافات.

رومیان 14:13

اِسَه، بورِن اَژیرِ دُما اَر یَکتِری قضاوت نِهِیم. بلکِم اِجالی، قَص بِهَن گه هُیچ کُچِکی گه پا گیر بِهِیتی اَری ئو باعث اَر زَمی کَتِن بو یا چیئی اَرنوم رئی بِراتو نَنِن.

رومیان 14:21

خوءَ گه گوشد نیرین ئو شِراو خُرّ نِین یا کاری نِهِین گه باعث کَتِن بِراتَ ماو.

رومیان 9:32

اَرّا؟ اَرِیَگه نه اژ رئی ایمو، بلکِم اژ رئی کارَل وَه دُما بینی. اونَل پائو گیر کِرد اَر ’کُچِکی گه باعث کَتِنَ‘ ئو هاوِنتِن اَر زَمی.

اول قرنتیان 1:23

مِنتائای ایمَه مسیحی گه کیشیاس‌ اَر صلیب موعظَه مِهِیم گه اَرِه یهودیَل کُچِکی کَ گه پائلو گیرَ مِهِیتی اَری ئو مَکُوئِن ئو اَرِه اونَلی گه یهودی نیِن نایونیَ،

اول قرنتیان 7:2

مِنتائای اَرِیَگه وسوسَه بی‌عصمتی هَس، هر پیای باس ژَن ووژ داشدوئیتی ئو هر ژَنی میردَه ووژ.

عِبرانیَل 13:4

داوات کِردِن باس اِنوم کُل مردِم عزّت داشدوئیتی ئو رابطَه حِلال‌هُمسری پاک بو، اَرِیَگه خدا اَر بی‌عصمتَل ئو زِنهاکارَل داوریَ مِهِه.

اول پطرس 2:8

ئو، «بَردی گه باعث بو پا گیر کِیتی اَری، ئو بِکُوءِ، ئو کمری گه باعث اِراکَتِن بو.» یوئنَ پائلو گیرَ مِهِه ئو مَکُوئِن اَرِیَگه اژ کلوم خدا فِربو نِمیَرِن، گه یَه اَرِنو مَیِّن بیَ.

دوئِم پطرس 2:15

رئی راسو وِل کِردیَ ئو ویرِ تُرّ بَلعام بِن بِعور گه مِز نادُریسی دوس داشدی، اژ رئی اِرهاتِنَ.

یهودا 1:11

هِرّو اَرِنو، اَرِیَگه چِنَ تُرّ قائِنا ئو وَه خاطر نفع، چِنَ تُرّ خِلَط بَلعاما ئو اِ شورش قورَح اژ بِن چِن.

مِکاشفَه 2:20

مِنتائای یَه اَرضد تو دیرِم، گه اَ ژَن ایزابِل نُمَ گه ووژَ نبوّت‌کَرَ مَذانی تیَمِلَ مِهِین، او گه تیَلیم خادمَل مِنَ مِ، ئو اژ رئیون‌ اِرَماری تاگَه بی‌عصمتی بِهَن ئو خوراک پیشکَشی اَر بِتَل بیرِن.

مِکاشفَه 2:4

«مِنتائای یَه اَرضد تو دیرِم گه مِحبتی گه اول‌بارِت داشد، وِل کِردیَ.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 22:15

سگَل ئو جادوگرَل ئو زِنهاکارَل ئو آم‌کُشَل ئو بِت‌پِرَسَل ئو هر کی گه دِرو دوس دیری ئو اَنجومَ مِیتی، هانَ دِریر.