مِکاشفَه 2:10 - کتاب مقدس به زبان لکی - گویش مرکزی

¹⁰ اژ جُورَلی گه وَه ایی زویَ مَکیشین زِلَت نَچو. سِیل کَ، ابلیس وَه ایی زویَ بِری اژ هُمَه ماوژیِ زندو، تا اِنتحو بوئینو ئو دیَه روژ عذاوَ موئینینو. تا مِردِن وفادار بِمین، گه مِه تاج ژییاینتَ موئَشخِم‌ئون.

مِکاشفَه 2:10 Iomraidhean Croise

مَتّی 10:22

کُل مردِم وَه خاطر نُم مِن اژ هُمَه بیزارَ موئن. مِنتائای هر کی گه تاگَه آخِر طاخَت باری، نجادَ مَگِری.

مَتّی 10:28

زِلَتون اژ کسَلی گه جسمَ مَکُشِن مِنتائای نِمَتونِن روح بِکُشِن، نَچو؛ زِلَتون اژ او بِچو گه مَتونی هم روح ئو هم جسم هُمَه اِنوم جیَنِم هِلاک کِ.

مَتّی 24:13

مِنتائای هر کی تاگَه آخِر پایار بِمینی، نجادَ مَگِری.

مَرقُس 13:13

کُل وَه خاطر نُم مِه اَژینتو بیزارَ موئن؛ مِنتائای هر کی تاگَه آخِر پایار بِمینی نجادَ مَگِری.

مَرقُس 8:35

اَرِیَگه هر کی بِیتی گیو ووژ نجاد بِ، اَوَه اژ دَسَ مِ؛ مِنتائای هر کی وَه خاطر مِه ئو وَه خاطر انجیل گیو ووژ اژ دس بِ، اَوَه نجادَ مِ.

لوقا 21:12

«مِنتائای وِر اژ کُل یوئنَ، هُمَه مَگِرِن، آزارتونَ میَن ئو هُمَه میَنَ دس عَبادتگال ئو زندونَل، ئو وَه‌سونگَ نُم مِه، میَرِنتون اِرَه تک پاتِشائَل ئو والیَل

یوحنا 12:25

کسی گه گیو ووژ دوس داشدوئیتی، اَوَه اژ دَسَ مِ. مِنتائای کسی گه اِنوم ایی دنیا اژ گیو ووژ بیزار بو، اَوَه اَرِه ژییاین ابدی حفظَ مِهِه.

یوحنا 13:2

موقَع شُم بی. ابلیس وِرِکار نایت‌ِ دل یهودا اَسخَریوطی، کُر شَمعون، گه عیسی بیَ گیر دشمن.

یوحنا 13:27

هَر یَگه یهودا گُپ نونِهَه گِرتی، شِطو چِتیِ دَرین. اَسَه عیسی وِتیَ بی: «اَ چیئَه گه مِ اَنجوم بِین، زویتِر اَنجوم دَ.»

کارَل رسولَل 20:24

مِنتائای مِه گیونمَ هُیچَ حساوَ مارِم، ئو ارزشدمی اَرِه نِری، اَرّ فَخَد بتونِم دور ووژِم ئو خِلمَتی گه اژ خداون عیسی‌م گِرتیَ تمومِ‌کمال اَنجوم دَم، گه هَراَ شاتی دائِن اَر خَوَر خَوش فیضِ خداسَ.

کارَل رسولَل 21:13

مِنتائای پولُس جوواوا داتی: «یَه چه کاری کَ مِهِینو؟ اَرچَه مَگیرینون ئو دل مِنَ مَشکِنینو؟ مِن اَرِه نُم خداون عیسی، حاضرِم نه فَخَد بِکُوئِمِ زندو، بلکِم اِنوم شیَر اورشلیم بِمِرِم.»

اول قرنتیان 9:25

هر کی مِسابقَه مِ سزاءَ مِ اَر ووژ گه اِ کُل چی نوا ووژ بِگِری. اُوُ اَرِه یَه هُنَ مَهَن تاگَه تاجی گه اژ بِنَ مَچو، بارنَ دس؛ مِنتائای ایمَه اَرِه تاجی گه اژ بِن نِمَچو، هُنَ مِهِیم.

اَفِسُسیَل 2:2

ئو زمونی اِنوم اونَل زِنِه‌یتونَ مَهَرد، اَسَه گه مَچیاینونِ تُرّ ریئَل ایی دنیا ئو رِئیس قدِرت هُوا، ابلیس، یانی هَراَ روحی گه اِسگِه‌یشَ اِنوم آیلَل کورفِربونی کارَ مِهِه.

اَفِسُسیَل 6:12

اَرِیَگه ایمَه وَه‌گَرد جسم ئو خوین زورو نِمَگِریم، بلکِم ایمَه اَرضد حکِمرونَل، اَرضد رِئیسَل، اَرضد قدِرتَلی گه اَر دنیا تیَریکی حکِمرونیَ مَهَن، اَرضد قدِرتَل روحانی شر اِ جائَل آسمونی، جنگَ مِهِیم.

یعقوب 1:12

خَوزگالَ کسی گه اِنوم اِنتحونَل طاخَتَ ماری، اَرِیَگه وخدی اِ اِنتحو سربِلِنگ بو، اَ تاج ژییاینَ ماریَ دس گه خداون وَدَه داسیَ دوسدارَل ووژ.

اول پطرس 5:4

تا وخدی رِئیس شوئونَل ظاهر بو، تاج جِلالی گه اژ بِن نِمَچو، بارینونَ دس.

اول پطرس 5:8

هوشیار بوئن ئو حُواستو بو، دشمن هُمَه ابلیس اِجور شیری گه مَنِرکِنی دیری گِرد سِرَ مِ ئو مِنِی کسی مِهِه تا قویت اِرادِیتی.

مِکاشفَه 13:14

ئو وَه‌سونگَ نشونَه‌ل ئو مُجِزَه‌لی گه صِلا داشدی اِجال جونور وَشی اولینِهَه اَنجوم بِ، کسَلی گه لیزو گِرتیَس اَررُی زَمی فنَ مِ ئو موشی‌ئونو مِجسمه‌ی دُریس کَن اژ اَ جونور وَشیَ گه وَه شِمشیر زیَم‌دارا بی، وَه ایی حالا زِنی مَن.

مِکاشفَه 13:2

اَ جونور وَشیمَ گه دی هَر چُی پلنگی بی، پال چُی پال خرس بیتی ئو دَمی چُی دَم شیر، ئو اُژدها قویَت ئو تخت ووژ ئو قدِرت‌واختیار کَلِنگی دائون.

مِکاشفَه 13:7

هَمیش صِلائو دائون گه وَه‌گَرد ایمودارَل مسیح جنگ بِهِه ئو فائق با اَرینو؛ ئو قدِرت‌واختیارو دائون تاگَه حکِمرو هر طائفَه ئو قوم ئو زوئون ئو ملت بو.

مِکاشفَه 17:14

اونَل وَه‌گَرد وَرکَ موئنَ جنگ، ئو وَرک فائقَ ما اَرینو، اَرِیَگه او رب الارباب ئو پاتِشاءِ پاتِشائِلَ- ئو اونَلی گه هانِ گَرد، دَنگ بینَ ئو دیاری بینَ ئو وفادارِن.»

مِکاشفَه 2:13

مَذانِم جالیزِت هار کو، اَر اورَه گه تخت پاتِشائی شِطونَ. وَه ایی حالا سفدِسخد چسبینَس اَر نُم مِنا ئو ایمونی گه اَر مِنِت داشد، حاشا نَهَرد، جُ‌جُ اِ روژَلی گه آنتیپاس، اَ شات وفادار مِنَ، اِنومجا هُمَه گه جالیز شِطونَ، کُشیا.

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.