مِکاشفَه 19:6 - کتاب مقدس به زبان لکی - گویش مرکزی

⁶ اَسَه دَنگی اِجور قارَه جیَمیَت کَلِنگمی شنَفت، اِجور هوفَه آوَل فِرَه، ئو اِجور دَنگ کَلِنگ گِرِمهُرَل، گه موئِتی: «هَلِلویاه! اَرِیَگه خداون خداءِ ایمَه، اَ قادر مطلقَ، سِلطنتَ مِهِه.

مِکاشفَه 19:6 Iomraidhean Croise

مَتّی 6:13

ئو ایمَل اِنتحو نِهَه، بلکِم اژ اَ شریرَ آزادمو کَ. اَرِیَگه پاتِشائی ئو قدِرت ئو جِلال، تا ابد هِن تونَ. آمین»

مِکاشفَه 1:15

پالی اِجور مَفِرغ سائیای گه اِ کویرَه آگِر تاو هُاردوئی بِریقَه ماتی، ئو دَنگی هرگا هوفَه آوَل فِرَه.

مِکاشفَه 1:8

خداون، خدا موشی: «مِنِم ’الف‘، مِنِم ’ی‘؛ مِنِم اَوَه گه هَس ئو بی ئو مای، اَ قادر مطلقَ.»

مِکاشفَه 12:10

اَسَه دَنگ کَلِنگمی اِنوم آسمو شنَفت گه موئِتی: «اِسگَه نجاد ئو قویَت ئو پاتِشائی خدامو، ئو قدِرت مسیحِ او هاتیَ. اَرِیَگه اَ بُختِم‌چی بِرال ایمَه گه شو ئو روژ اَرتَک خدامو، بُختِمَ مِ اَرینو، آوشدونَس اَر زَمی.

مِکاشفَه 14:2

ئو دَنگمی اژ آسمو شنَفت اِجور هوفَه آوَل فِرَه ئو اِجور دَنگ گِرِمهُر کَلِنگی؛ اَ دَنگمَ گه شنَفت اِجور دَنگ سازِنَل چِنگ بی حِنی گه چِنگ ووژونَ مَژَنِن.

مِکاشفَه 19:1

دُما اَوَه، دَنگمی شنَفت اِجور قارَه جیَمیَت کَلِنگی اِنوم آسمو، گه موئِتو: «هَلِلویاه! نجاد ئو جِلال ئو قدِرت هِن خداءِ ایمِئَه،

مِکاشفَه 19:4

ئو اَ بیس ئو چوار ریش‌اَسبیَ ئو اَ چوار موجود زِنیَ وَه رُیا کَتِن اَر زَمی ئو خدائونی عَبادت کِرد گه نیشتوئی اَررُی تخت، ئو موئِتو: «آمین. هَلِلویاه!»

مِکاشفَه 21:22

معبدمی اِنوم شیَر نِئی، اَرِیَگه خداون خداءِ قادر مطلق ئو وَرک، معبد اَوِنَ.

مِکاشفَه 4:5

اژ تختِهَه، تَش‌بریقَل ئو دَنگ گِرِمَل ئو گِرِمهُرِلَ ماهات. اَر وَر تخت، هفت چُمَت آگِرَ مَگیسیا گه هفت روحِ خدان.

مِکاشفَه 6:1

اَسَه دیم گه وَرکِهَه یَکی اژ هفت میرَل اِشکونی، ئو شنَفتِم گه یَکی اژ اَ چوار موجود زِنیَ وَه دَنگی اِجور گِرِمهُر وِتی: «بوری!»

مِکاشفَه 8:5

اَسَه فریشدِهَه مَخَلِهَه هیزداتی ئو پِرا کِرد اژ آگِر قُرونی‌گا ئو آوشدی اَررُی زَمی، ئو بیَ گِرِمَل ئو گِرِمهُرَل ئو تَش‌بریقَل ئو زمی‌لرزَه.